امن مشقیں 2025: طاقتور بحریہ سمندری تجارت کے تحفظ کی ضامن ہے، خواجہ آصف
اشاعت کی تاریخ: 9th, February 2025 GMT
امن مشقیں 2025: طاقتور بحریہ سمندری تجارت کے تحفظ کی ضامن ہے، خواجہ آصف WhatsAppFacebookTwitter 0 9 February, 2025 سب نیوز
کراچی: وزیر دفاع خواجہ آصف نے کہا ہے کہ طاقتور بحریہ سمندری تجارت کے تحفظ کی ضامن ہے۔
پاک بحریہ کی امن مشقوں کے تیسرے روز کراچی میں محفوظ سمندر،خوشحال مستقبل کے عنوان سے پہلے امن ڈائیلاگ کی افتتاحی تقریب منعقد ہوئی جس میں امن ڈائیلاگ میں شریک ممالک کی بحری افواج کے چیف آف نیول سٹاف اوردیگر عہدیدار شریک ہوئے جبکہ وزیردفاع خواجہ آصف تقریب کےمہمان خصوصی تھے۔
امن ڈائیلاگ کی افتتاحی تقریب سے خطاب کرتے ہوئے وزیر دفاع خواجہ آصف کا کہنا تھا کہ دنیا بڑی معاشی تبدیلیوں سے گزررہی ہے، تجارتی ٹیرف ایک بڑاچیلنج بن کر سامنے آیاہے، یہ ہمارا اجتماعی فرض ہے کہ سمندری تجارت کے تحفظ کیلئے مشترکہ کوششیں کریں۔
انہوں نے کہا کہ عالمی معاشی نظام میری ٹائم پر انحصار کرتا ہے، بحرہند عالمی تیل اور گیس کے 50فیصد ذخائر رکھتا ہے، بحری تجارت کا معیشت میں بنیادی کردار ہے، بحری شعبے میں درپیش غیر روایتی چیلنجز سے نمٹنے کیلئے اجتماعی اقدامات ناگزیر ہیں۔
خواجہ آصف کا مزید کہنا تھا کہ پاک بحریہ علاقائی امن اورسلامتی کے لیے اہم کردارادا کررہی ہے، مصنوعی ذہانت اورٹیکنالوجی کے انقلاب نے عالمی منظر نامہ بدل دیا ہے۔
سربراہ پاک بحریہ ایڈمرل نوید اشرف نے تقریب سے خطاب میں کہا کہ امن ڈائیلاگ کے شرکاء کو خوش آمدید کہتا ہوں، امن ڈائیلاگ کا مقصد میری ٹائم سکیورٹی کو لاحق خطرات سے آگاہی دینا ہے، امن ڈائیلاگ کے ذریعے بلیو اکانومی کو فروغ دیناہے، امن ڈائیلاگ مشرق اورمغرب کے درمیان ایک پل کا کردارادا کررہا ہے۔
دریں اثناء سینیٹر مشاہد حسین سید نے امن ڈائیلاگ کی افتتاحی تقریب سے خطاب میں کہا کہ پاکستان نے پچھلے ماہ سی ٹی ایف کا 13ویں مرتبہ چارج سنبھالا، دنیا بھر میں 90 فیصد تجارت سمندری گزرگاہوں کے ذریعے ہوتی ہے۔
ان کا مزید کہنا تھا کہ پاکستان سلامتی کونسل کا غیر مستقل رکن ہونے کے ناطے ملکوں کے درمیان روابط کا کردارادا کررہا ہے، پاکستان نیوی شریک ملکوں کے درمیان تجارت اورروابط کے فروغ کیلئے کوشاں ہے۔
.ذریعہ: Daily Sub News
کلیدی لفظ: سمندری تجارت کے تحفظ کی
پڑھیں:
عمران خان کو جیل میں وہ آسائشیں میسر ہیں جو فائیو اسٹار ہوٹلز میں بھی نہیں ہوتیں،خواجہ آصف
data-id="863a0a8" data-element_type="widget" data-widget_type="theme-post-content.default">
وزیرِ دفاع خواجہ آصف نے بانی تحریکِ انصاف عمران خان کو جیل میں دی جانے والی سہولیات پر شدید تنقید کی ہے۔
ان کا کہنا ہے کہ عمران خان کو جیل کے اندر وہ آسائشیں فراہم کی جارہی ہیں جو فائیو اسٹار ہوٹلز میں بھی میسر نہیں ہوتیں۔
خواجہ آصف کے مطابق عمران خان کے لیے باہر سے خاص مینیو کے تحت کھانا آتا ہے، انہیں ڈبل بیڈ اور مخملی بستر دیا گیا ہے، جبکہ ٹی وی پر وہ اپنی پسند کے چینلز بھی دیکھ سکتے ہیں۔ اس کے علاوہ جیل میں ان کے لیے ورزش کی مشینیں بھی موجود ہیں۔
وزیر دفاع نے اپنے دورِ اسیری کا حوالہ دیتے ہوئے بتایا کہ وہ ٹھنڈے فرش پر سوتے تھے، جیل کا سادہ کھانا کھاتے تھے اور جنوری کی سخت سردی میں انہیں گرم پانی تک میسر نہ تھا۔ ان کا کہنا تھا کہ سپرنٹنڈنٹ اسد وڑائچ نے خود آکر گیزر اتروا دیا تھا۔
انہوں نے مزید کہا کہ عمران خان کو چاہیے کہ وہ جیل کے لاؤڈ اسپیکر پر اپنی واشنگٹن ارینا والی تقریر سنیں اور اس حقیقت کا ادراک کریں کہ وقت کسی کے پاس مستقل نہیں رہتا، لہٰذا اللہ سے ڈرنا چاہیے۔
ضمنی الیکشن ریفرنڈم، عوام نفرت و انتشار کی سیاست سے تھک چکے: احسن اقبال