ہر وقت شوہر سے میری علیحدگی کی افواہیں رہتی ہیں، منشا پاشا
اشاعت کی تاریخ: 17th, May 2025 GMT
کراچی(شوبز ڈیسک)اداکارہ منشا پاشا نے کہا ہے کہ دوسری شادی کے بعد ہر وقت ان کی شوہر سے علیحدگی کی افواہیں رہتی ہیں، چند دن قبل بھی ایسی افواہیں پھیلیں کہ ہم دونوں نے علیحدگی اختیار کرلی۔
منشا پاشا نے حال ہی میں احمد علی بٹ کے پوڈکاسٹ میں شرکت کی، جہاں انہوں نے مختلف معاملات پر کھل کر بات کی۔
پروگرام کے دوران انہوں نے اپنے خاندان، بچپن اور پہلی شادی پر بھی بات کی اور بتایا کہ ان کی پیدائش سندھ کے شہر حیدرآباد میں ہوئی، انہوں نے ابتدائی تعلیم وہیں حاصل کی۔
اداکارہ نے پروگرام کے دوران یہ بھی انکشاف کیا کہ عدنان صدیقی انہیں شوبز میں لائے تھے جب کہ انہوں نے یہ بھی اعتراف کیا کہ عدنان صدیقی انہیں خطرناک بیانات اور باتیں کرنے سے روکتے بھی رہتے ہیں۔
پوڈکاسٹ کے دوران خواتین کےحقوق پر بات کرنے سے متعلق پوچھے گئے سوال پر منشا پاشا نے کہا کہ اب وہ عورتوں کے حقوق پر اس لیے کھل کر بولتی ہیں، کیوں کہ اب وہ خود بھی بہت ساری باتیں جان چکی ہیں، پہلے انہیں ایسی باتوں کا اندازہ نہیں تھا۔
View this post on InstagramA post shared by Mansha Pasha (@manshapasha)
انہوں نے کہا کہ ان کی اپنی پہلی شادی کی ناکامی نے انہیں بہت کچھ سکھایا اور ان میں ذہنی پختگی بھی ہوئی، جس وجہ سے بھی وہ اب خواتین کے حقوق سے متعلق کھل کر بات کرتی ہیں۔
اداکارہ نے اعتراف کیا کہ انہوں نے پہلی شادی کم عمری میں کی تھی لیکن وہ زیادہ عرصے تک نہیں چل سکی اور ان کی شادی کی ناکامی کے ذمہ دار ان کے سابق شوہر یا وہ خود نہیں بلکہ کچھ چیزیں قسمت سے بھی خراب ہوتی ہیں۔
انہوں نے اپنی پہلی شادی کو اپنی غلطی قرار دیا اور کہا کہ کم عمری میں شادی کرنا ان کا اپنا فیصلہ تھا، والدین نے انہیں نہیں کہا تھا لیکن پہلی شادی کی ناکامی کے بعد انہوں نے بہت کچھ سیکھا اور ان میں ذہنی پختگی بھی آئی۔
ایک اور سوال کے جواب میں منشا پاشا نے کہا کہ جبران ناصر سے شادی کے بعد ان کے مقابلے ان کے شوہر زیادہ سمجھدار، ذہین اور عقلمند ہوگئے ہیں، اب وہ بہت سارے معاملات میں سنجیدگی سے فیصلے کرتے ہیں۔
انہوں نے یہ بھی دعویٰ کیا کہ گھر میں ان کے مقابلے ان کے شوہر کی باتیں یا احکامات زیادہ چلتے اور مانے جاتے ہیں۔
اسی حوالے سے بات کرتے ہوئے منشا پاشا نے کہا کہ شادی کے بعد ان کے حوالے سے سب سے زیادہ افواہیں ان کی شوہر سے علیحدگی کی ہوتی رہتی ہیں۔
اداکارہ کا کہنا تھا کہ ان کے اور جبران ناصر کے درمیان علیحدگی کی افواہیں بہت ہوتی ہیں اور ہر کچھ عرصے بعد پھر سے ان کی علیحدگی کی افواہیں اڑنے لگتی ہیں۔
انہوں نے بتایا کہ چند دن قبل ہی جبران ناصر کی منہ بولی والدہ ہمارے گھر آئی تو انہوں نے بتایا کہ ان سے لوگ پوچھ رہے تھے کہ منشا پاشا اور جبران ناصر کی علیحدگی کب ہوئی؟
اداکارہ کا کہنا تھا کہ شاید ان کی علیحدگی کے حوالے سے اس لیے افواہیں پھیلتی ہیں، کیوں کہ وہ اور ان کے شوہر ایک ساتھ تقریبات اور پارٹیز میں شرکت نہیں کرتے، ان کے شوہر ان کے ساتھ شوبز تقریبات میں نہیں جاتے، اس لیے لوگوں کو لگتا ہے کہ ان کے درمیان معاملات ٹھیک نہیں چل رہے۔
مزیدپڑھیں:بہادر مسلح افواج نے انتہائی پیشہ ورانہ مہارت سے پاکستان کا دفاع کیا، نواز شریف
ذریعہ: Daily Ausaf
کلیدی لفظ: منشا پاشا نے کہا ان کے شوہر پہلی شادی نے کہا کہ انہوں نے اور ان کیا کہ کے بعد
پڑھیں:
فلسطین کو رکنیت کیوں دی؟ امریکا نے تیسری بار یونیسکو سے علیحدگی کا اعلان کر دیا
امریکا نے اقوام متحدہ کے تعلیمی، سائنسی و ثقافتی ادارے (یونیسکو) سے ایک بار پھر علیحدگی کا اعلان کر دیا ہے۔ یہ فیصلہ 31 دسمبر 2026 سے مؤثر ہوگا، اور اس کی وجہ فلسطین کی یونیسکو میں رکنیت اور امریکی خارجہ پالیسی کے ساتھ تنازعات کو قرار دیا گیا ہے۔
یہ بھی پڑھیے فلسطینیوں کی نسل کشی میں کونسی کمپنیاں ملوث ہیں؟ اقوام متحدہ نے فہرست جاری کردی
امریکی محکمہ خارجہ کی ترجمان، ٹیمی بروس نے منگل کے روز ایک بیان میں کہا کہ یونیسکو کی پالیسیز اور سرگرمیاں امریکا کے قومی مفاد میں نہیں ہیں۔ اُنہوں نے الزام لگایا کہ یونیسکو تقسیم پیدا کرنے والے سماجی اور ثقافتی ایجنڈے کو فروغ دے رہا ہے اور اس کا جھکاؤ اقوام متحدہ کے ترقیاتی اہداف کی جانب ہے، جنہیں انہوں نے ’عالمی ایجنڈا‘ اور ’سب سے پہلے امریکا پالیسی سے متصادم‘ قرار دیا۔
فلسطین کی رکنیت پر اعتراضٹیمی بروس نے 2011 میں یونیسکو کی جانب سے فلسطین کو مکمل رکنیت دیے جانے کو ’انتہائی مسئلہ انگیز‘ اور امریکی پالیسی کے خلاف قرار دیا، اور کہا کہ یہ اقدام تنظیم میں ’اسرائیل مخالف بیانیے‘ کو تقویت دیتا ہے۔
پہلے بھی 2 بار علیحدگی
یہ تیسری مرتبہ ہے جب امریکا نے یونیسکو سے علیحدگی اختیار کی ہے۔ اس سے پہلے 1984 میں صدر رونالڈ ریگن کے دور میں یونیسکو پر سیاسی رنگ غالب ہونے اور دیگر وجوہات کی بنا پر علیحدگی اختیار کی گئی۔
2018 میں صدر ڈونلڈ ٹرمپ نے تنظیم پر ’اسرائیل مخالف تعصب’ اور ناقص انتظام کا الزام لگا کر علیحدگی کا اعلان کیا تھا۔
2023 میں صدر جو بائیڈن کے دور حکومت میں امریکا دوبارہ رکن بنا، مگر اب موجودہ حکومت نے ایک بار پھر علیحدگی کا فیصلہ کیا ہے۔
یونیسکو کی سربراہ کا ردعملیونیسکو کی ڈائریکٹر جنرل آڈرے ازولے نے امریکی فیصلے پر ’ شدید افسوس‘ ظاہر کرتے ہوئے کہا کہ یہ اقدام ’ کثیرالجہتی کے اصولوں کے منافی‘ ہے۔ انہوں نے امریکا کے خدشات کو مسترد کرتے ہوئے یونیسکو کی جانب سے ہولوکاسٹ کی تعلیم اور یہود دشمنی کے خلاف اقدامات کا حوالہ دیا۔
ازولے نے واضح کیا کہ تنظیم نے 2018 کے بعد اصلاحات کی ہیں، مالیاتی نظام کو متنوع بنایا ہے اور اب امریکی تعاون یونیسکو کے کل بجٹ کا صرف 8 فیصد ہے، جب کہ تنظیم کی رضاکارانہ مالی امداد دوگنی ہو چکی ہے۔
یہ بھی پڑھیے اقوام متحدہ کی ماہر فرانچیسکا البانیز کو امریکی پابندیوں کا سامنا، اسرائیلی مظالم کی نشاندہی ’جرم‘ ٹھہری
انہوں نے اس بات پر زور دیا کہ کوئی ملازمتیں ختم نہیں کی جائیں گی اور یونیسکو امریکی نجی شعبے، تعلیمی اداروں اور غیر منافع بخش تنظیموں کے ساتھ تعاون جاری رکھے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا فلسطین یونیسکو
مصنوعی ذہانت اور ملازمتوں کا مستقبل: خطرہ، تبدیلی یا موقع؟