کراچی میں دن دہاڑے کروڑوں کی ڈکیتی، ملزمان نے ماں اور بیٹی کو یرغمال بناکر لوٹ مار کی
اشاعت کی تاریخ: 6th, October 2025 GMT
شہر قائد کے علاقے گلستان جوہر میں نامعلوم افراد نے گھر میں داخل ہوکر ماں اور بیٹی کو یرغمال بنایا اور 3 کروڑ 25 لاکھ سے زائد مالیت کا سونا، سعودی ریال و نقدی لوٹ کر فرار ہوگئے۔
ایکسپریس نیوز کے مطابق ڈسٹرکٹ ایسٹ کے علاقے گلستان جوہر میں ہاؤس رابری کی واردات کے دوران مسلح ڈاکو ماں اور بیٹی کو یرغمال بنا کر سوا تین کروڑ روپے سے زائد مالیت کا سونا ، سعودی ریال اور نقدی لوٹ کر فرار ہوگئے۔
اس حوالے سے متاثرہ شہری وقاص کا ویڈیو بیان سامنے آیا ہے جس میں انھوں نے بتایا کہ وہ گلستان جوہر بلاک 15 کا رہائشی ہوں، میں کام پر گیا ہوا تھا جبکہ اہلیہ اور بیٹی گھر پر اکیلے تھے کہ اس دوران 2 ملزمان نے گھر میں داخل ہو کر اہلخانہ کو یرغمال بنا کر تشدد کا نشانہ بنایا اور انھیں باندھ کر گھر کی تلاش کے دوران تقریبا ً79 تولہ سونا ، سعودی ریال اور نقدی لوٹ کر فرار ہوگئے۔
انھوں نے بتایا کہ وہ سعودی عرب سے حال ہی میں کراچی منتقل ہوئے، گھر میں موجود سونا ان کی والدہ اور بھائیوں کا بھی تھا۔
شہری نے اعلیٰ حکام سے مطالبہ کیا ہے کہ وہ واردات میں ملوث ڈاکوؤں کا سراغ لگا کر لوٹا گیا سونا ، نقدی اور سعودی ریال برآمد کرائے جائیں تاہم گلستان جوہر اس حوالے سے مزید تحقیقات کر رہی ہے۔
.ذریعہ: Express News
کلیدی لفظ: گلستان جوہر سعودی ریال کو یرغمال اور بیٹی
پڑھیں:
کراچی: جناح اسپتال کے گائنی وارڈ میں گولی لگنے سے خاتون جاں بحق
فائل فوٹوکراچی میں جناح اسپتال کے گائنی وارڈ میں گولی لگنے سے خاتون جاں بحق ہوگئی، متوفیہ کی بیٹی اسپتال کے گائنی وارڈ میں زیر علاج ہے۔
پولیس کا کہنا ہے کہ گذشتہ شب خاتون وارڈ کے باہر چہل قدمی کر رہی تھی، جناح اسپتال کے باہر دو ملزمان فائرنگ کرتے ہوئے فرار ہو رہے تھے، خاتون زد میں آگئی۔
حکام کا کہنا ہے کہ ملزمان کی گولی گائنی وارڈ میں موجود خاتون کو گولی لگی، فائرنگ کی زد میں آکر اسپتال کے باہر بھی ایک شخص زخمی ہوا۔
پاکستان تحریک انصاف نے ٹرمپ کے غزہ امن منصوبے کو مسترد کر دیا