غزہ جنگ بندی کیلئے پیشرفت جاری، امید ہے جلد معاہدہ ہوجائیگا: امریکی صدر
اشاعت کی تاریخ: 7th, October 2025 GMT
واشنگٹن (نیوز ڈیسک) امریکی صدر ڈونلڈ ٹرمپ نے کہا کہ غزہ جنگ بندی کیلئے زبردست پیش رفت کر رہے ہیں۔
امریکی صدر ڈونلڈ ٹرمپ نے وائٹ ہاؤس میں میڈیا سے گفتگو کرتے ہوئے کہا کہ امید ہے معاہدہ جلد ہوگا، تمام ممالک نے غزہ امن منصوبے کا خیر مقدم کیا ہے، حماس نے مذاکرات میں بہت اہم باتوں پر اتفاق کر لیا، ہم مشرق وسطیٰ میں3 ہزار سال پرانا تنازع حل کرنے جا رہے ہیں۔
ڈونلڈ ٹرمپ نے کہا کہ ترکیہ، یو اے ای اور سعودی عرب بھی امن کیلئے کوشاں ہیں، تجارت اور ٹیرف سے7 جنگیں روکیں، پاکستان اور بھارت کی جنگ بھی رکوائی، پاک بھارت جنگ میں7 طیارے گرائے گئے تھے۔
انہوں نے کہا کہ نیتن یاہو کو یرغمالیوں کی ڈیل کے بارے میں منفی رویہ اختیارکرنے سے باز رہنا چاہئے، حماس بہت اہم چیزوں سے اتفاق کررہی ہے، شٹ ڈاؤن ڈیموکریٹس کے باعث ہے، ڈیموکریٹس غیرقانونی مقیم غیرملکیوں کو صحت کی سہولت دیناچاہتے ہیں۔
امریکی صدر نے کہا کہ اوباما دور سے اربوں ڈالر کی سبسڈیزدے کر معیشت کو تباہ کر دیا گیا، بدامنی کا شکار شکاگو وار زون بن چکا ہے، فوج کی تعیناتی کے بعد واشنگٹن ڈی سی پرامن شہر بن چکا ہے، اسرائیلی عوام یرغمالیوں کی واپسی اور تنازع کا خاتمہ چاہتے ہیں۔
ڈونلڈ ٹرمپ کا مزید کہنا تھا کہ ترکیہ، یواے ای اور سعودی عرب بھی امن کیلئے کوشاں ہیں، حماس ترکیہ کے صدراردگان کا احترام کرتی ہے، صدر اردگان غزہ میں امن کیلئے اثرو رسوخ استعمال کر رہے ہیں، اقوام متحدہ میں میرے خطاب کے دوران 2 مسئلے نظرآئے۔
انہوں نے کہا کہ ٹیلی پرامپٹرخ راب تھا، ہال میں بیٹھے افراد آواز نہیں سن سکتے تھے، میلانیا سے پوچھا تو بتایا خطاب کے دوران ہیڈ فون میں آواز نہیں آرہی تھی۔
.ذریعہ: Daily Mumtaz
کلیدی لفظ: ڈونلڈ ٹرمپ امریکی صدر نے کہا کہ
پڑھیں:
ٹرانسپرینسی ایکٹ پر دستخط، کیا ڈونلڈ ٹرمپ خود بھی اس کی لپیٹ میں آئیں گے؟
امریکی صدر ڈونلڈ ٹرمپ نے سیاسی دباؤ کے بعد ایپسٹین فائلز ٹرانسپیرنسی ایکٹ پر دستخط کر دیے ہیں، جس کے تحت محکمہ انصاف کو ہدایت دی گئی ہے کہ وہ تمام دستاویزات اور تحقیقات کی تفصیلات 30 دن کے اندر عوام کے لیے قابل تلاش اور ڈاؤن لوڈ فارمیٹ میں جاری کرے۔ یہ بل سابقہ ملزم جنسی مجرم جیفری ایپ اسٹائن سے متعلق تمام معلومات کو شفاف بنانے کے لیے منظور کیا گیا ہے۔
یہ بھی پڑھیں: پرنس اینڈریو کے جرائم پیشہ لوگوں سے تعلقات اور جنسی زیادتیاں، شاہی محل میں تنازع شدت اختیار کر گیا
صدر ٹرمپ نے بل پر دستخط کا اعلان کرتے ہوئے ڈیموکریٹس پر تنقید کی کہ وہ اس معاملے کو استعمال کر کے اپنی سیاسی توجہ مرکوز کرانے کی کوشش کر رہے ہیں۔ انہوں نے کہا کہ ممکن ہے کہ جلد ہی ان ڈیموکریٹس اور ان کے ایپسٹین سے تعلقات کی حقیقت سامنے آئے، کیونکہ میں نے ابھی یہ بل سائن کردیا ہے۔
ایپ اسٹائن کی جائیداد سے تقریباً 20 ہزار صفحات کی دستاویزات پہلے ہی جاری کی جا چکی ہیں، جن میں ٹرمپ کا ذکر بھی موجود ہے۔ ان میں ایپ اسٹائن کے 2018 کے پیغامات شامل تھے، جن میں وہ لکھتا ہے، میں وہ ہوں جو اسے ختم کر سکتا ہوں اور میں جانتا ہوں ڈونلڈ ٹرمپ کتنے گندے ہیں۔
اب محکمہ انصاف کو ہدایت دی گئی ہے کہ وہ ایپسٹین کی جیل میں موت کی تحقیقات سمیت تمام متعلقہ دستاویزات عوام کے سامنے پیش کرے، البتہ جاری وفاقی تحقیقات میں متاثرین کے تحفظ کے لیے کچھ معلومات پر ردوبدل کیا جا سکتا ہے۔ تاہم معلومات کو سیاسی یا ذاتی شرمندگی کے بہانے چھپایا نہیں جا سکتا۔
یہ بھی پڑھیں: امریکی کانگریس ایپسٹین فائلز جاری کرنے پر متفق، ٹرمپ نے بھی اعتراض ختم کردیا
ڈیموکریٹک رہنما چک شومر نے کہا کہ صدر کو بل پر دستخط کے بعد اس کا درست اور مکمل نفاذ کرنا ہوگا، اور کوئی “مزاحیہ بہانے” استعمال نہیں کیے جا سکتے تاکہ کچھ دستاویزات چھپی رہیں۔
ایپسٹین جو برسوں سے کاروباری اور سیاسی حلقوں میں سرگرم رہا، پر لڑکیوں اور نوجوان خواتین کے ساتھ جنسی استحصال کا الزام تھا۔ ٹرمپ اور ان کے حامیوں نے الزام لگایا کہ طاقتور ڈیموکریٹس اس کیس سے بچ گئے، جبکہ خود ٹرمپ ایپ اسٹائن کے طویل عرصے کے جاننے والے تھے، جس سے سوالات پیدا ہوئے کہ انہیں اس کی سرگرمیوں کا کتنا علم تھا۔ اس سارے معاملے نے امریکی عوام کے درمیان انصاف کے نظام پر اعتماد کو بھی متاثر کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مٹیاری،میمن گوٹھ کے قریب ٹرک کی ٹکر سے راہگیر جاں بحق