’پہلے 60 کروڑ روپے ادا کریں‘، عدالت نے بھارتی اداکارہ شلپا شیٹھی پر بیرون ملک سفر کی شرط رکھ دی
اشاعت کی تاریخ: 9th, October 2025 GMT
ممبئی ہائی کورٹ نے اداکارہ شلپا شیٹھی کو بیرون ملک سفر کی اجازت دینے سے انکار کر دیا ہے۔ عدالت نے کہا ہے کہ شلپا شیٹھی کو پہلے 60 کروڑ روپے کے مبینہ فراڈ کے الزامات کے تحت مقرر کی گئی ادائیگی مکمل کرنا ہوگی اس کے بعد ہی ان کے سفر کی درخواست پر غور کیا جائے گا۔
عدالت نے نوٹ کیا کہ اکنامک آفینسز ونگ (EOW) کی جانب سے شلپا شیٹھی اور ان کے شوہر راج کنڈرا کے خلاف جاری لوک آؤٹ سرکل (LOC) اب بھی موثر ہے، جس کی وجہ سے انہیں عدالت یا متعلقہ تفتیشی ادارے کی اجازت کے بغیر بیرون ملک جانے کی اجازت نہیں ہے۔
یہ بھی پڑھیں: 60 کروڑ کا فراڈ، شلپا شیٹھی سے 4 گھنٹے تک تحقیقات، اداکارہ نے کن کن کے نام لیے؟
شلپا شیٹھی کی وکیل نے عدالت کو بتایا کہ اداکارہ کو 25 سے 29 اکتوبر تک کولمبو میں ایک یوٹیوب ایونٹ میں شرکت کرنی ہے۔ عدالت نے دعوت نامہ طلب کیا تو وکیل نے بتایا کہ ابھی رسمی دعوت نامہ موصول نہیں ہوا اور یہ سفر کی اجازت ملنے کے بعد دیا جائے گا۔
تاہم عدالت نے درخواست نامنظور کرتے ہوئے کہا کہ فراڈ کے الزامات کے تحت واجب الادا 60 کروڑ روپے کی ادائیگی پہلے کی جائے، اس کے بعد سفر کی اجازت کی درخواست پر فیصلہ کیا جائے گا۔ اس کیس کی اگلی سماعت 14 اکتوبر کو ہوگی۔
یہ بھی پڑھیں: بالی ووڈ کے وہ بڑے نام جنہوں نے مشہور ہونے کے لیے اپنے اصل نام تبدیل کردیے
گزشتہ ہفتے بھی ممبئی ہائی کورٹ نے شلپا شیٹھی اور راج کندرا کو تھائی لینڈ کے فوکٹ میں خاندانی تعطیلات کے لیے سفر کی اجازت دینے سے انکار کر دیا تھا۔ عدالت نے ممبئی پولیس کے اکنامک آفینسز ونگ کی جانب سے جاری لوک آؤٹ سرکل کو معطل کرنے کی درخواست مسترد کر دی تھی۔
شلپا شیٹھی اور راج کندرا پر کاروباری شخص دیپک کوٹھاری نے الزام عائد کیا ہے کہ انہوں نے ان کی کمپنی میں 60 کروڑ روپے کی سرمایہ کاری کی تھی، جو اب بند ہو چکی ہے، مگر اس رقم کو ذاتی اخراجات کے لیے استعمال کیا گیا۔ راج کنڈرا اس کیس میں اکنامک آفینسز ونگ کے سامنے تفتیش کے لیے پیش ہو چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
60 کروڑ کا فراڈ بالی ووڈ شلپا شیٹھی شلپا شیٹھی فراڈ کیس.
ذریعہ
ذریعہ: WE News
کلیدی لفظ: 60 کروڑ کا فراڈ بالی ووڈ سفر کی اجازت کروڑ روپے عدالت نے کے لیے
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان