چمن بارڈر پر پاکستان فوج کی بھرپور جوابی کارروائی، وڈیو جاری
اشاعت کی تاریخ: 12th, October 2025 GMT
data-id="863a0a8" data-element_type="widget" data-widget_type="theme-post-content.default">
چمن: پاکستان فوج کی جانب سے افغان طالبان فورسز اور ان کے ٹھکانوں کے خلاف شدید اور مؤثر جوابی کارروائی جاری ہے، سرحدی علاقے میں دشمن عناصر کو منہ توڑ جواب دیتے ہوئے متعدد پوسٹوں پر قبضہ کرلیا گیا جب کہ فرار کی کوشش کرنے والے افغان طالبان اور خارجی مارے گئے۔
میڈیا رپورٹس کے مطابق چمن بارڈر کے مختلف علاقوں میں پاکستان کی جوابی کارروائی کے دوران افغان طالبان اور ان کے زیرِ قبضہ خارجی عناصر نے اپنی پوسٹیں چھوڑ کر راہِ فرار اختیار کرنے کی کوشش کی، پاکستانی فورسز نے بروقت کارروائی کرتے ہوئے انہیں ہدف بنایا۔
ذرائع کا کہنا ہے کہ پاکستان کی جانب سے مؤثر جوابی کارروائی کے نتیجے میں متعدد افغان طالبان اور خارجی ہلاک ہوئے جب کہ دشمن کے کئی ٹھکانے تباہ کر دیے گئے۔
اسی دوران افغان طالبان اور خارجیوں کی پسپائی کی ویڈیو بھی منظر عام پر آگئی، جس میں دیکھا جا سکتا ہے کہ مسلح افراد اپنی پوسٹیں چھوڑ کر بھاگنے کی کوشش کر رہے ہیں، ویڈیو میں قبضے میں لی گئی افغان پوسٹ کے اندرونی مناظر، وہاں پڑے افغان یونیفارم اور چھوڑے گئے ہتھیار بھی دکھائے گئے ہیں۔
سیکیورٹی ذرائع نے تصدیق کی ہے کہ بیشتر افغان طالبان پوسٹیں خالی پڑی ہیں اور متعدد شدت پسند پسپا ہوچکے ہیں، پاکستانی فورسز نے سرحدی علاقے میں مکمل کنٹرول برقرار رکھتے ہوئے صورتحال پر کڑی نظر رکھی ہوئی ہے۔
ذرائع کے مطابق پاکستان کی یہ کارروائی افغان سرزمین سے ہونے والی اشتعال انگیزیوں اور حملوں کے جواب میں کی گئی ہے تاکہ آئندہ کسی قسم کی جارحیت کا مؤثر سدباب کیا جا سکے۔
ذریعہ
ذریعہ: Jasarat News
کلیدی لفظ: افغان طالبان اور جوابی کارروائی
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار