اپنی خودمختاری کے تحفظ کے لیے ہر ممکن اقدام کرینگے، اسحاق ڈار
اشاعت کی تاریخ: 12th, October 2025 GMT
پاکستان کے نائب وزیرِاعظم و وزیرِ خارجہ اسحاق ڈار نے پاک افغان سرحد پر حالیہ صورتحال پر گہری تشویش کا اظہار کرتے ہوئے کہا ہے کہ طالبان حکومت کی جانب سے بلااشتعال فائرنگ اور حملے سنگین اشتعال انگیزی ہیں۔
یہ بھی پڑھیں:پاک افغان جھڑپیں، پس منظر کیا ہے؟
اسحاق ڈار نے ایک بیان ’ایکس‘ پر جاری اپنے ٹوئٹ) میں کہا کہ پاکستان کی جوابی کارروائیاں طالبان کے ڈھانچے اور افغان سرزمین سے کام کرنے والے ’فتنۂ خوارج’ اور ’فتنۂ ہندوستان‘ کے دہشتگرد عناصر کو بے اثر بنانے کے لیے کی جا رہی ہیں۔
Deeply concerned over the developments on Pak-Afghan border.
— Ishaq Dar (@MIshaqDar50) October 12, 2025
انہوں نے واضح کیا کہ پاکستان کا دفاعی ردِعمل امن پسند افغان شہری آبادی کے خلاف نہیں ہے۔ ان کے مطابق طالبان فورسز کے برعکس، ہم اپنی جوابی کارروائیوں میں انتہائی احتیاط برت رہے ہیں تاکہ کسی شہری جانی نقصان سے بچا جا سکے۔
وزیرِ خارجہ نے افغان عبوری حکومت سے مطالبہ کیا کہ وہ اپنی سرزمین سے سرگرم دہشتگرد عناصر اور ان کے سہولت کاروں کے خلاف عملی اور مؤثر اقدامات کرے جو پاک افغان تعلقات کو نقصان پہنچا رہے ہیں۔
فیلڈ مارشل سید عاصم منیر پاک افغان بارڈر پر پہنچ گئے! pic.twitter.com/SEIxWFZ3mu
— WE News (@WENewsPk) October 12, 2025
انہوں نے مزید کہا کہ پاکستان اپنی سرزمین، خودمختاری اور عوام کے تحفظ کے لیے ہر ممکن قدم اٹھائے گا اور کسی بھی قسم کی جارحیت کے سامنے خاموش نہیں رہے گا۔
یہ بیان ایک ایسے وقت میں سامنے آیا ہے جب پاک افغان سرحد پر حالیہ دنوں میں شدید جھڑپوں کی اطلاعات سامنے آئی ہیں، جن میں طالبان فورسز کی جانب سے پاکستانی چوکیوں پر حملے کیے گئے۔ پاکستانی حکام کے مطابق، ان حملوں کا بھرپور اور مؤثر جواب دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
پڑھیں:
افغان حکومت اپنی سرزمین پر دہشت گرد گروہوں کیخلاف ٹھوس کارروائی کرے، چیئرمین پیپلزپارٹی بلاول بھٹو کا مطالبہ
افغان حکومت اپنی سرزمین پر دہشت گرد گروہوں کیخلاف ٹھوس کارروائی کرے، چیئرمین پیپلزپارٹی بلاول بھٹو کا مطالبہ WhatsAppFacebookTwitter 0 12 October, 2025 سب نیوز
اسلام آباد (آئی پی ایس )چیئرمین پیپلزپارٹی بلاول بھٹو زرداری نے مطالبہ کیا کہ افغان حکام علاقائی امن کے لیے تحمل اور ذمہ داری کا مظاہرہ کریں، افغان حکومت اپنی سرزمین پر دہشت گرد گروہوں کیخلاف ٹھوس کارروائی کرے۔
تفصیلات کے مطابق چیئرمین پاکستان پیپلز پارٹی بلاول بھٹو نے کہا کہ بلااشتعال جارحیت علاقائی امن اور استحکام کے لییسنگین خطرہ اور خوشحالی کی اجتماعی کوششوں کو نقصان پہنچائے گی ۔انہوں نے مزید کہا کہ پاک افواج نے عزم، تحمل اور پیشہ ورانہ مہارت سے بلااشتعال حملے کا جواب دیا، دہشت گرد گروہ پاکستان سمیت خطے کے امن اور مستقبل کے لیے خطرہ ہیں۔
چیئرمین پاکستان پیپلز پارٹی کا کہنا تھا کہ پاکستان پر امن، مستحکم اور خوشحال افغانستان کا خواہاں ہے، ہمسایہ ممالک سے اچھے تعلقات پاکستان کی مستقل پالیسی ہیں۔بلاول بھٹو زرداری نے کہا کہ افغان حکومت یقینی بنائے کہ انکی سرزمین پاکستان کے خلاف استعمال نہ ہو۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستان نے افغان قوم کی ہر مشکل میں مدد کی، جواب میں کبھی خیر نہیں ملی، سابق وفاقی وزیر سعد رفیق پاکستان نے افغان قوم کی ہر مشکل میں مدد کی، جواب میں کبھی خیر نہیں ملی، سابق وفاقی وزیر سعد رفیق تحریک تحفظ آئین پاکستان کا خارجی صورتحال پر پارلیمان کا مشترکہ اجلاس بلانے کا مطالبہ امن چاہتے ہیں لیکن پاکستان کی سالمیت یا شہریوں کے تحفظ پر کوئی سمجھوتہ نہیں ہوگا،وزیراعلی پنجاب مریم نواز پاکستان کے دفاع پر کوئی سمجھوتا نہیں ہو گا، ہر اشتعال انگیزی کا بھرپور اور موثر جواب دیا جائیگا ، وزیراعظم خیبرپختونخوا کے نئے وزیراعلی کا انتخاب کل کیا جائے گا، صوبائی اسمبلی کا اجلاس صبح 10 بجے طلب کراچی سمیت سندھ بھر میں دفعہ 144نافذ، احتجاجی مظاہروں اور ریلیوں پر پابندی عائد،نوٹیفکیشن جاریCopyright © 2025, All Rights Reserved
رابطہ کریں ہماری ٹیم
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی