اسلام آباد پولیس کے سینیئر افسر نے خودکشی کیوں کی؟
اشاعت کی تاریخ: 23rd, October 2025 GMT
اسلام آباد پولیس کے سینیئر افسر ایس پی انڈسٹریل ایریا عدیل اکبر نے آج شام سرینا چوک کے قریب اپنی ہی پستول سے خود کو گولی مار لی۔
فائر لگنے کے فوراً بعد انہیں تشویشناک حالت میں پمز اسپتال منتقل کیا گیا، جہاں وہ زخموں کی تاب نہ لاتے ہوئے دم توڑ گئے۔
یہ بھی پڑھیں: اسلام آباد پولیس کے سینیئر افسر نے خود کو گولی مار کر اپنی جان لے لی
اسلام آباد پولیس کے ترجمان کے مطابق، ایس پی آئی 9 انڈسٹریل ایریا عدیل اکبر کانسٹی ٹیوشن ایونیو سے اپنے دفتر کی جانب جارہے تھے کہ راستے میں گاڑی کے اندر ہی فائر لگنے سے جاں بحق ہوگئے۔
It’s really hard to explain depression to someone who hasn’t felt it .
— Waseem Khan (@Waseem_Khan1998) October 23, 2025
ترجمان کے مطابق واقعے کی مزید تفتیش جاری ہے۔
ذرائع کے مطابق، وی نیوز نے ایس پی عدیل اکبر کی خودکشی کی وجوہات جاننے کی کوشش کی تو معلوم ہوا کہ وہ گزشتہ چند دنوں سے شدید بیمار تھے اور چھٹی کی درخواست بھی دے رکھی تھی۔
مگر یہ درخواست منظور نہیں کی گئی، علاوہ ازیں، اسلام آباد پولیس کے بعض اعلیٰ افسران کے رویے سے بھی وہ ناخوش تھے۔
مزید پڑھیں: وزیرداخلہ کا پمز اسپتال کا دورہ، زخمی اہلکاروں کی عیادت
ایس پی عدیل اکبر کے قریبی ذرائع نے وی نیوز کو بتایا کہ وہ ڈینگی بخار میں مبتلا تھے اور3 دن سے طبیعت کی خرابی کے باعث چھٹی لینا چاہتے تھے، تاہم اجازت نہ ملنے پر وہ شدید بخار کے باوجود ڈیوٹی انجام دے رہے تھے۔
ذرائع کے مطابق، وہ اعلیٰ حکام کے رویے اور رات گئے تک جاری رہنے والی میٹنگز سے بھی نالاں تھے، جو کبھی رات 12 بجے اور کبھی 2 بجے تک جری رہتی تھی۔
عدیل اکبر نے سی ایس ایس 43 ویں کامن میں امتحان پاس کر کے آفس مینجمنٹ گروپ کا انتخاب کیا، لیکن پولیس سروس کا شوق انہیں دوبارہ امتحان دینے پر لے آیا، انہوں نے 46 ویں کامن میں نمایاں کارکردگی دکھاتے ہوئے پولیس سروس میں شمولیت اختیار کی۔
مزید پڑھیں: پی ٹی آئی احتجاج: مظاہرین کے پتھراؤ سے اسلام آباد پولیس کے آفیسر سمیت 3 اہلکار زخمی
اپنے کیریئر کے دوران وہ ایس پی کوئٹہ، ایس پی زیارت اور ایس پی ژوب کے عہدوں پر خدمات انجام دے چکے تھے۔ رواں سال اگست سے وہ اسلام آباد میں بطور ایس پی انڈسٹریل ایریا تعینات تھے۔
ان کی پروموشن 2 سال قبل ہونا تھی، مگر ان کے خلاف ایک محکمانہ انکوائری 2 سال تک زیرِ التوا رہی، بعد ازاں انکوائری میں وہ بے قصور قرار پائے۔
عدیل اکبر نے امریکا میں ماسٹرز کے لیے اسکالرشپ کے لیے درخواست دے رکھی تھی اور آج ہی ان کی اسکالرشپ کی منظوری کا خط بھی موصول ہوا تھا۔ عدیل اکبر کا تعلق گوجرانوالہ سے تھا، وہ شادی شدہ تھے اور ان کی 2 سالہ بیٹی بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آفس مینجمنٹ گروپ آئی 9 اسلام آباد پولیس امریکا انڈسٹریل ایریا ایس پی عدیل اکبر کانسٹی ٹیوشن ایونیو
ذریعہ
ذریعہ: WE News
کلیدی لفظ: آفس مینجمنٹ گروپ اسلام ا باد پولیس امریکا انڈسٹریل ایریا ایس پی عدیل اکبر اسلام آباد پولیس کے انڈسٹریل ایریا عدیل اکبر کے مطابق ایس پی
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا