خیبر پختونخوا کے تمام چڑیا گھروں، وائلڈ لائف پارکس کی آڈٹ رپورٹ طلب
اشاعت کی تاریخ: 25th, October 2025 GMT
پشاور ہائی کورٹ نے محکمہ وائلڈ لائف اور محکمہ لائیو اسٹاک سے صوبے کے تمام چڑیا گھر اور وائلڈ لائف پارکس کی 5 سالہ آڈٹ رپورٹ طلب کرلی۔
عدالت نے فریقین کو 17 نومبر تک رپورٹس جمع کرنے کا حکم دے دیا۔
پشاور ہائیکورٹ میں پشاور چڑیا گھر میں جانوروں کو درپیش مسائل اور سہولیات فراہمی کے حوالے سے دائر درخواست پر سماعت ہوئی، عدالت نے گزشتہ سماعت کا تحریری حکم نامہ جاری کردیا۔
حکم نامہ میں کہا گیا کہ وائلڈ لائف ڈپارٹمنٹ اور محکمہ لائیو اسٹاک 5 سال کی آڈٹ رپورٹ جمع کریں، 5 سالوں میں چڑیا گھر اور وائلڈ لائف پارکس کے لیے جتنا فنڈ جاری اور خرچ ہوا، اس کی تفصیل فراہم کی جائے، جانوروں کی خوراک پر فنڈ کس طرح استعمال کیا جاتا ہے اس کی تفصیل فراہم کی جائے۔
حکم نامہ میں کہا گیا کہ محکمہ لائیو اسٹاک جانوروں کے علاج معالجے کے حوالے سے رپورٹ جمع کرے اور گھروں میں لوگوں نے پالتوں جانور پالے ہیں اس حوالے سے بھی رپورٹ جمع کی جائے۔
حکم نامہ میں چڑیا گھر میں پہلے سے تعمیر شدہ پارک کیوں استعمال میں نہیں ہیں، فریقین سے اس حوالے سے بھی رپورٹ مانگی گئی اور 17 نومبر تک رپورٹس جمع کرنے کا حکم دیا گیا۔
.ذریعہ: Jang News
کلیدی لفظ: وائلڈ لائف چڑیا گھر حوالے سے
پڑھیں:
سہیل آفریدی کا خیبر پختونخوا اسمبلی میں امن جرگہ بلانے کا فیصلہ
وزیراعلی سہیل آفریدی نے خیبر پختونخوا اسمبلی میں امن جرگہ بلانے کا فیصلہ کیا ہے جس میں سابق وزرائے اعلیٰ، گورنرز، علما، مشران، سول سوسائٹی، وکلا اور اہم شخصیات کو مدعو کیا جائے گا۔
ڈان نیوز کے مطابق وزیرِ اعلیٰ ہاؤس پشاور میں پاکستان تحریکِ انصاف (پی ٹی آئی) کی سینئر قیادت کا اہم اجلاس ہوا جس میں چیئرمین بیرسٹرگوہر، وزیرِ اعلیٰ سہیل آفریدی، جنید اکبر، اسد قیصر و دیگر رہنماؤں نے شرکت کی۔
اجلاس میں صوبے کی امن و امان کی صورتحال پر تفصیلی غور کیا گیا اور ہنگو بم دھماکے کے واقعے پر اظہارِ افسوس اور شہید پولیس اہلکاروں کے ایصالِ ثواب کے لیے دعا کی گئی، اجلاس کے شرکا نے پولیس کی قربانیوں کو خراجِ تحسین پیش کیا گیا۔
وزیرِ اعلیٰ ہاؤس پشاور میں پاکستان تحریکِ انصاف کی سینئر قیادت کا اہم اجلاس
اجلاس میں صوبے کی امن و امان کی صورتحال پر تفصیلی غور
حالیہ ہنگو بم دھماکے کے واقعے پر شرکاء کا اظہارِ افسوس اور شہید پولیس اہلکاروں کے ایصالِ ثواب کے لیے دعا،
اجلاس میں خیبر پختونخوا اسمبلی میں امن… pic.twitter.com/2we5PTi9AL
— PTI (@PTIofficial) October 25, 2025
اجلاس کے دوران وزیراعلی سہیل آفریدی نے خیبر پختونخوا اسمبلی میں امن جرگہ بلانے کا فیصلہ کیا جس میں سابق وزرائے اعلیٰ،گورنرز، علما، مشران، سول سوسائٹی، وکلا اور اہم شخصیات کو مدعو کیا جائے گا۔
امن جرگے کامقصد دہشت گردی کے خاتمے اور پائیدار امن کے لیے متفقہ حکمتِ عملی کی تشکیل ہے۔
وزیراعلی سہیل آفریدی نے کہا کہ صوبائی حکومت پولیس فورس کے شانہ بشانہ کھڑی ہے، پولیس کو جدید آلات، تربیت اور وسائل کی فراہمی حکومت کی اولین ترجیح ہے۔
پاکستان اور افغانستان کے درمیان جنگ بندی معاہدہ کا عالمی سطح پر خیرمقدم، سیاسی رہنماؤں کی بھی تعریف