آکسفورڈ یونین میں پاکستان کی علمی فتح؛ بھارتی وفد مباحثے سے دستبردار
اشاعت کی تاریخ: 27th, November 2025 GMT
data-id="863a0a8" data-element_type="widget" data-widget_type="theme-post-content.default">
لندن: پاکستان نے علمی و مباحثاتی میدان میں ایک اہم کامیابی حاصل کی ہے، جہاں آکسفورڈ یونین کے تصدیق شدہ مباحثے میں بھارتی وفد مباحثے کے آغاز سے قبل ہی دستبردار ہو گیا اور پاکستان کو بلامقابلہ فتح حاصل ہوئی۔
بین الاقوامی میڈیا رپورٹس کے مطابق لندن میں پاکستانی ہائی کمیشن کے جاری بیان کے مطابق جنرل (ر) زبیر محمود حیات، سابق وزیر خارجہ حنا ربانی کھر اور ڈاکٹر محمد فیصل نے مباحثے میں شرکت کے لیے لندن میں موجود رہ کر پاکستان کا موقف پیش کرنے کی تیاری کی تھی لیکن بھارتی وفد حاضری دینے کی ہمت نہ کر سکا۔
بیان میں بتایا گیا کہ قرارداد کے مطابق بھارت کی پاکستان پالیسی عوامی جذبات بھڑکانے کی حکمت عملی پر مبنی ہے، جس پر مباحثے میں جواب دینے سے بھارتی وفد نے گریز کیا، ہائی کمیشن کے مطابق بھارتی مقررین ٹی وی چینلز پر تو شور مچاتے ہیں مگر علمی فورمز میں دلیل کے ساتھ مقابلہ کرنے سے گھبراتے ہیں، مباحثے میں طلبہ کی اکثریت بھارتی ہونے کے باوجود وفد نے ووٹ کا سامنا کرنے سے انکار کیا۔
پاکستانی ہائی کمیشن نے کہا کہ بھارت کی نام نہاد سیکورٹی پالیسی آکسفورڈ یونین میں ممکنہ منطقی سوالات کا وزن نہ اٹھا سکی اور مباحثے کو سبوتاژ کر کے بھارتی وفد نے اپنی ممکنہ شرمندگی سے بچاؤ کیا، اس موقع پر پاکستان نے اپنے موقف کو واضح، مدلل اور پراعتماد انداز میں پیش کرنے کی مکمل تیاری کر رکھی تھی۔
بیان میں مزید کہا گیا کہ بھارتی میڈیا اور تجزیہ کاروں کو جب کھلی بحث کا موقع ملا تو غائب ہو گئے، آکسفورڈ یونین میں بھارتی وفد کی غیرحاضری مئی 2025 کے بعد سے جاری بھارتی سفارتی و بیانیے کی ناکامی کی تازہ کڑی ہے۔
ہائی کمیشن نے واضح کیا کہ پاکستان علمی، قانونی اور دلیل پر مبنی مکالمے کے ذریعے ہر فورم میں اپنا موقف پیش کرنے کے لیے تیار ہے، اور بھارتی پسپائی نے عالمی سطح پر ان کے موقف کی کمزوری کو بے نقاب کر دیا۔
ذریعہ
ذریعہ: Jasarat News
کلیدی لفظ: آکسفورڈ یونین بھارتی وفد ہائی کمیشن کے مطابق
پڑھیں:
صومالی بحری قزاقوں کے ہاتھوں پاکستانیوں کے اغوا کا معاملہ، متاثرہ خاندان کا موقف سامنے آگیا
متاثرہ خاندان نے حکومتِ پاکستان، وزارتِ خارجہ اور متعلقہ اداروں سے اپیل کی ہے کہ مغوی پاکستانیوں کی جلد اور محفوظ رہائی کے لیے مؤثر اقدامات کیے جائیں اور اہلِ خانہ کو صورتحال سے باخبر رکھا جائے۔ اسلام ٹائمز۔ صومالی بحری قزاقوں کے قبضے میں موجود پاکستانی شہریوں کی رہائی سے متعلق معاملے پر متاثرہ خاندان کا موقف سامنے آگیا ہے۔ متاثرہ خاندان نے بعض سفارتی ذرائع سے زیر گردش خبروں کی تردید کرتے ہوئے کہا ہے کہ صومالی بحری قزاقوں نے یرغمالیوں کی رہائی کے لیے کبھی 10 ملین ڈالر کے تاوان کا مطالبہ نہیں کیا۔ خاندان کے مطابق مغوی پاکستانیوں نے خود اطلاع دی ہے کہ بحری قزاق ان کی رہائی کے لیے رقم کا مطالبہ کر رہے ہیں۔ متاثرہ خاندان کا کہنا ہے کہ قزاقوں نے ابتدا میں 3 ملین ڈالر تاوان مانگا تھا جبکہ اب یہ مطالبہ کم کرکے 2.5 ملین ڈالر کردیا گیا ہے۔ خاندان نے مزید کہا کہ میڈیا اور سفارتی ذرائع میں گردش کرنے والی بعض اطلاعات حقائق کے منافی ہیں اور ان کی تصدیق نہیں کی گئی۔
ان کے بقول انہیں اس بات کا بھی کوئی علم نہیں کہ بحری جہاز "آنر 25" کے مالک، صومالیہ کی حکومت اور بحری قزاقوں کے درمیان کس نوعیت کی بات چیت جاری ہے۔ متاثرہ خاندان نے بتایا کہ بحری قزاق مسلسل پاکستانی نیوز چینلز سے براہِ راست بات چیت کی خواہش کا اظہار کر رہے ہیں اور اس حوالے سے بار بار مطالبات بھی سامنے آ رہے ہیں۔ خاندان نے حکومتِ پاکستان، وزارتِ خارجہ اور متعلقہ اداروں سے اپیل کی ہے کہ مغوی پاکستانیوں کی جلد اور محفوظ رہائی کے لیے مؤثر اقدامات کیے جائیں اور اہلِ خانہ کو صورتحال سے باخبر رکھا جائے۔ واضح رہے کہ صومالی بحری قزاقوں کے قبضے میں موجود پاکستانیوں کی رہائی کے حوالے سے مختلف اطلاعات سامنے آ رہی ہیں، تاہم متاثرہ خاندان نے اپنے مقف میں بعض زیر گردش دعوں کی واضح تردید کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ