پنجاب حکومت کے اسٹوڈنٹ کارڈ سے طلبہ کو کیا فائدہ ہوگا؟
اشاعت کی تاریخ: 9th, July 2025 GMT
پنجاب حکومت سرکاری اور نجی تعلیمی اداروں کے طلبہ کے لیے ایک نیا اقدام متعارف کروا رہی ہے جسے ’اسٹوڈنٹ کارڈ‘ کا نام دیا گیا ہے۔ یہ کارڈ متعدد سہولیات کا حامل ہوگا اور بیک وقت کئی مقاصد کے لیے استعمال کیا جا سکے گا۔
اس اسٹوڈنٹ کارڈ کے ذریعے نہ صرف طلبہ کو ملکی اور بین الاقوامی جامعات میں اسکالرشپس فراہم کی جائیں گی، بلکہ سرکاری و نجی تعلیمی اداروں کے طلبہ یکساں طور پر اس سے استفادہ کر سکیں گے۔
یہ بھی پڑھیں:شیر کے حملے میں زخمی افراد کے لیے وزیراعلیٰ پنجاب مریم نواز کی جانب سے امداد کا اعلان
اس نظام کے تحت طلبہ کا مکمل تعلیمی ریکارڈ اور پروفائل بھی اسی کارڈ کے ذریعے خودکار طور پر تیار ہوگا۔ اسکالرشپ حاصل کرنے والے طلبہ کو اس کارڈ کے ذریعے خصوصی مراعات دی جائیں گی، جن میں میٹرو اور اورنج لائن ٹرین میں مفت سفر کی سہولت بھی شامل ہے۔
علاوہ ازیں اسٹوڈنٹس کو یونیفارمز سمیت مختلف اشیاء پر خصوصی ڈسکاؤنٹ بھی حاصل ہوگا۔
صوبائی وزیر تعلیم رانا سکندر کے مطابق یہ کارڈ بظاہر تمام طلبہ کے لیے دستیاب ہوگا، تاہم ابتدائی مرحلے میں وہی طلبہ اس سے فائدہ اٹھا سکیں گے جو ملکی یا غیر ملکی اسکالرشپ کے معیار پر پورا اتریں گے۔
تاہم حکومت کی کوشش ہے کہ زیادہ سے زیادہ طلبہ اس سے مستفید ہوں، لہٰذا کارڈ کے معیار میں نرمی کی جا رہی ہے۔
یہ بھی پڑھیں:پنجاب: دوران ڈیوٹی نرسوں اور پیرا میڈیکل اسٹاف کے موبائل فون استعمال کرنے پر پابندی لگانے کا فیصلہ
وزیر تعلیم موصوف کے مطابق جن طلبہ کے نمبر مخصوص حد سے زیادہ ہوں گے، وہ خودکار طریقے سے اس کیٹیگری میں شامل ہو جائیں گے، اور انہیں کسی قسم کی درخواست دینے کی ضرورت نہیں ہو گی۔ حکومت خود ان کے گھروں پر یہ کارڈ ارسال کرے گی۔
یہ پہلا موقع ہے کہ حکومت ایک ایسا پروگرام متعارف کرا رہی ہے جس میں نجی تعلیمی اداروں کے طلبہ کو بھی شامل کیا جا رہا ہے۔ اس سے قبل ’ہونہار اسکالرشپ پروگرام‘ میں صرف دیگر صوبوں کے طلبہ کے لیے کوٹہ مختص کیا گیا تھا۔
صوبائی وزیر کے مطابق اسٹوڈنٹ کارڈ کی منظوری وزیر اعلیٰ پنجاب مریم نواز پہلے ہی دے چکی ہیں، اور اب محکمہ تعلیم اس منصوبے کو حتمی شکل دے رہا ہے۔ اس کا ابتدائی مسودہ تیار کر لیا گیا ہے اور متعلقہ محکموں کی منظوری کے بعد اسے فوری طور پر نافذ کر دیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹوڈنٹس کارڈ پنجاب رانا سکندر مریم نواز وزیرتعلیم.ذریعہ: WE News
کلیدی لفظ: اسٹوڈنٹس کارڈ مریم نواز وزیرتعلیم اسٹوڈنٹ کارڈ کے طلبہ طلبہ کے کارڈ کے طلبہ کو کے لیے
پڑھیں:
نان فائلرز کو اے ٹی ایم یا بینک سے رقم نکلوانے پر ڈبل ٹیکس دینا ہوگا
ویب ڈیسک : حکومت نے ٹیکس نیٹ سخت کرنے کا فیصلہ کرلیا ، اس فیصلے کے بعد نان فائلرز کو ہر اے ٹی ایم یا بینک ٹرانزیکشن پر زیادہ ادائیگی کرنا ہوگی۔
وفاقی حکومت نے ٹیکس نیٹ کو وسعت دینے اور محصولات میں اضافہ کے لیے بڑے پیمانے پر اقدامات کی تیاری کرلی ہے۔ اس حوالے سے ذرائع نے بتایا کہ حکومت نان فائلرز کیلئے بینک سے نقد رقم نکلوانے پر ٹیکس 0.8 فیصد سے بڑھا کر 1.5 فیصد کرنے پر غور کر رہی ہے، جس سے تقریباً 30 ارب روپے کی اضافی آمدن متوقع ہے، اس اقدام سے لاکھوں نان فائلرز کو ہر اے ٹی ایم یا بینک ٹرانزیکشن پر زیادہ ادائیگی کرنا ہوگی۔
بھارتی نژاد دنیا کی معروف کمپنی کو اربوں کا چونا لگا کر فرار
یہ اقدامات موجودہ مالی سال کی دوسری ششماہی میں 200 ارب روپے کے ریونیو خسارے کو پورا کرنے کے لیے تجویز کیے گئے ہیں۔ ایف بی آر پہلے چھ ماہ کے ہدف سے پیچھے رہا، جہاں 3 ہزار 83 ارب روپے کے ہدف کے مقابلے میں 2 ہزار 885 ارب روپے جمع ہو سکے۔
ذرائع کا کہنا ہے کہ مجوزہ تجاویز حال ہی میں آئی ایم ایف سے ہونے والی سٹاف لیول بات چیت میں شیئر کی گئیں اور حکومت نے منی بجٹ نہ لانے کا فیصلہ کیا ہے۔
بلاول‘ فضل الرحمن ملاقات:آزاد کشمیر میں حکومت سازی پر مشاورت