تاریخ کی روشنی میں کراچی کے قدیم ناموں کا سفر
اشاعت کی تاریخ: 6th, October 2025 GMT
گُذری ان گنت صدیوں میں مختلف خطوں پر عروج پانے والی کئی تہذیبوں نے انسانی تمدن پر گہرے نقوش ثبت کیے ہیں۔
آج ان قدیم تہذیبوں کے حامل خطوں کی اقوام اپنی ثقافتی روایات کے سنگ سنگ دور جدید سے بھی ہم آہنگ ہیں۔
اس نقطے پر کچھ سمے کے لیے رک کر کیا کبھی ہم نے سوچا کہ آغاز تمدن کے حامل ان خطوں پر بسے دیش، ان کے شہروں، دریاؤں، صحراؤں اور پربتوں کے نام آخر کیسے وجود میں آئے۔
یہاں ایک اور سوال بھی پیدا ہوتا ہے کہ انسان کو مقامات کے نام رکھنے کی حاجت کب اور کیوں پیش آئی۔
اس آگہی کے لیے جب ہم نے تاریخ کے پنوں کو پلٹا تو یہ جانکاری ملی، کہ مقامات کے نام رکھنے کی تاریخ انسانی تہذیب جتنی ہی قدیم ہے۔
جیسے ہی انسان نے گپھاؤں سے کچے مکانوں، شکار سے کھیتی اور قبائل سے تہذیب کی طرف قدم بڑھایا، تو اسے اپنی زمین، اس کے دریا، ندیوں اور بستیوں کو شناخت دینے کی ضرورت محسوس ہوئی۔
اور یہ تھی پہچان یا نام رکھنے کی شروعات۔
نام دینے کے لیے وہاں موجود کسی فطری خوب صورتی کو علامت کے طور پر برتا گیا، کہیں کسی دیومالائی شخصیت سے کوئی مقام منسوب ہوا تو کہیں کوئی یادگار واقعہ، دیوی دیوتاؤں کے ناموں اور اِس طرح کے دیگر محرکات ناموں کا کارن بنتے گے۔
وقت کے دھارے پر بہتے ان ناموں نے کئی روپ بدلے۔ ان ہی خطوں پر بولی جانے والی بولیاں صدیوں کے معاشرتی عمل سے گزرتے ہوئے ناموں میں کچھ بدلاؤ کا باعث بنتی گئیں۔ نیز قرب و جوار سے آنے والوں کے صوتی ماخذ بھی اس تبدل میں حصہ ڈالتے رہے۔
ان کے ساتھ بڑا کھلواڑ فاتحین نے کیا، کہ فتح کی صورت میں مفتوحہ خطے کو اپنے ہی نام سے منسوب کرتے رہے۔
ناموں کے اس بنتے بگڑتے تناظر میں اب ہم شہر کراچی کو ماضی کے آئینے میں رکھ کر کھوج لگائیں گے کہ وہ کب سے اور کیوں ناموں کے گرداب کا سامنا کرتا رہا۔
آج ہم نے جس شہر کو عروس البلاد کے خطاب سے نوازا ہے، وہ صرف ایک شہر نہیں بلکہ ایک تاریخ اور ایک مسلسل ارتقاء کی علامت ہے۔
بندرگاہ سے ملحق بستی نے شہر کے مقام تک پہنچنے کے لیے کئی دہائیوں کا سفر طے کیا ہے۔
اس مہانگر نے سمے کے بہاؤ میں کئی روپ بدلے، ہر روپ کے ساتھ اس نے اپنا نام بھی بدلا، ان ناموں کے بیچ تاریخ کی پرتیں کھولنے والی کتھائیں بھی سنگ سنگ ہیں۔
اس کا ہر اسم پارینہ ہمیں ماضی کی ایک جھلک دکھاتا ہے۔ یہ بتاتا ہے کہ کسی طرح ایک چھوٹی سی بندرگاہ تاریخ کے بہاؤ میں بہتی بہتی ایک عالمی بندر گاہ کی صورت اختیار کرگئی۔
ناموں میں چھپی د استان بتاتی ہے کہ یہ قدیم نام صرف زبانوں اور لہجوں کا فرق نہیں، بلکہ یہ اس کی تہذیبی، ثقافتی اور مقامی شناخت کی نمائندگی کرتی ہیں۔
ماضی کی یہ پر چھائیاں ہمیں بتاتی ہیں، کہ کوئی نگر، کوئی استھان صرف ایک نقشہ نہیں ہوتا بلکہ وہ تاریخ کا بتدریج تسلسل ہوتا ہے۔
اب ماضی کی ان پرچھائیوں کے سنگ کراچی کے ناموں کی تاریخ کے تسلسل کی طرف بڑھتے ہیں۔
دریائے سندھ، کشمیر سے چلتا، پنجاب سے گزرتا، گھارو سے ہوتا ہوا ابراہیم حیدری کے قریب سمندر میں گرنے تک ایک فعال آبی گذرگاہ تھی۔
سمندر اور دریا کی اس قربت کے سبب ابراہیم حیدری کے قرب و جوار میں در آمدوبرآمد کی جانے والی اجناس کی نقل و حرکت کے لیے گذِری، واگو در، ریڑھی اور رتو کوٹ جیسی سرگرم بندر گاہیں موجود تھیں۔
پھر صدیوں بعد دریائے سندھ کے پیچھے ہٹ جانے سے قریب ہی موجود سمندر ان علاقوں میں چڑھ دوڑا، جس کے نتیجے میں یہ تمام بندرگا ہیں سمندر میں ڈوب گئیں۔
مگر کیماڑی کی بندرگاہ اپنے محل وقوع اور گہرائی کے سبب صدیوں سے قائم رہی۔ تجارتی اور فوجی نقطہ نظر سے اسے وسطی ایشیاء کا دروازہ تصور کیا جاتا ہے۔
کیماڑی سے ملحق اس بستی کو شناخت کے حوالے سے وہاں کے مقامی افراد، تاجروں اور بندرگاہ پر درآمدی و برآمدی تجارت کی موجودگی کے سبب روزگار کے وافر ذرائع سے مستفید ہونے کے لیے آس پاس اور دور دراز سے آنے والوں کی صوتی ادائیگی یا کبھی بزور قوت قبضہ کرنے والوں نے اپنے اپنے ناموں سے پکارا۔
غیر ملکی تاریخ دانوں، سیاحوں اور جغرافیہ دانوں نے صدیوں قبل اسے مختلف ناموں سے قلم بند کیا ہے۔
قرین قیاس یہ بھی ہے کہ موجودہ کیماڑی سے بھنبھور تک کے طویل ساحل پر ایک سے زائد چھوٹی بڑی بندرگاہیں اور مچھلی بندر موجود تھے، جو مختلف ناموں سے اپنی الگ الگ پہچان رکھتے ہوں۔
تاریخ میں محفوظ رہ جانے والے کچھ نام اِس طرح ہیں۔
کرو کو لا، بار بیریکون، راس الکرازی، سکندری جنت، مورن ٹو بارا، کرنجی، قلاچی، وا گودر، دھاریجہ، دربو، کرانچر، دیبل، کراشی کو راچی، کراچے ٹاؤن، کراچی۔
تاریخ دان ایچ ٹی لیمبرک (H.
جنرل نیارکس نے اس ساحل کے قدرتی حسن سے متاثر ہوکر اس مقام کو اپنے بادشاہ سکندر اعظم کی نسبت سے ’’سکندری جنت‘‘ کے نام سے بھی پکارا ہے۔
پہلی صدی عیسوی کے قدیم رومن تجارتی نقشوں اور تحریروں میں اس بندرگاہ کو ’بار بیریکون‘ اور ’کرو کولا‘
کا نام دیا گیا۔
712 عیسوی میں عربوں نے سندھ کا رخ کیا۔ عرب جس راستے سے سندھ میں داخل ہوئے، اُسے انہوں نے ’درب السندھ‘ کا نام دیا۔ درب عربی زبان میں راستے کو کہتے ہیں۔ کثرت استعمال سے یہ درب سے ’دربو‘ بن گیا۔
اسے ’واگو در‘ بھی کہا گیا۔ (واگو، سندھی زبان میں مگرمچھ کو کہا جاتا ہے۔) قدیم زمانے میں سندھ میں واگو (مگرمچھ) کی پوجا ہوتی تھی۔
ایک لوک داستاں کے مطابق یہاں مقیم ایک بہادر خاتون کی بہادری کے اعتراف میں اس مقام کو ’مائی کلاچی‘ کا نام دیا گیا۔
پرتگالی، فرانسیسی اور دوسرے مغربی تاجر 16 ویں اور 17 ویں صدی عیسوی میں اس بندرگاہ کو اپنے تلفظ کے مطابق اسے ’کروچ‘ (CROCHE) یا ’کراچ‘ (CURACHE) لکھتے رہے۔
1557ء میں کیپٹن سعید علی نامی ترک جہازراں نے بر صغیر و خلیج فارس سمیت کئی بندر گاہوں کا مطالعاتی دورہ کیا۔ اس پورے مطالعے کو اس نے ’محیط‘ کے نام سے ایک کتاب کی صورت میں مرتب کیا۔ بیرن جوزف ہومر نے اس کتاب کا انگریزی میں ترجمہ کیا۔
کیپٹن سعید علی ’محیط‘ میں رقم طراز ہیں:
’’بحیرۂ عرب میں جب تمہیں یہ محسوس ہونے لگے کہ تمہارا جہاز ’جاسک‘ (ایک ایرانی بندرگاہ) کی طرف سمندری گرداب کی جانب جا رہا ہے تو تم اسے اس گرداب فنا سے بچانے کی کوشش کرو اور اپنے جہاز کو ساحل مکران سے یا تو گوادر بندر کی طرف لے جاؤ یا پھر بندرگاہ ’کراتشی‘ (کراچی) میں پناہ لو تاکہ تم جاسک میں غرق ہونے سے بچ سکو اور سمندری گرداب سے نجات حاصل کرو۔‘‘
1697ء میں کلہوڑا حکم رانوں نے خوں بہا کے عوض کراچی کو والئی قلات کے سپرد کیا تو اس عرصے کے دوران اسے ’قلاتی بندر‘ کہا جانے لگا۔
اٹھارویں صدی عیسوی میں شاہ عبداللطیف بھٹائی نے اپنے کلام کے سُر ’گھاتو‘ میں اس مقام کو ’کلاچی‘ کے نام سے پکارا ہے۔
کلہوڑہ حکم راں میاں غلام شاہ کلہوڑہ نے ایسٹ انڈیا کمپنی کے اہل کار، ناتھن کرو سے ستمبر 1758ء میں ہونے والے معاہدے میں کراچی کا نام ’گرانچیری دھاراجہ‘ (DHARAJAH GRANCHERI ) تحریر کیا ہے، اور تین سال بعد 1761ء میں اسے ’گرانچرد ھاراجہ‘ لکھا ہے۔
تالپور دور میں 18 اگست 1799ء میں کیے گئے ایک معاہدے میں میر فتح علی خان تالپور کی مہر لگی ایک دستاویز میں‘KURRACHI’تحریر کیا گیا ہے۔
کراچی کو ’کراشیر‘ کے نام سے بھی پکارا گیا ہے۔ برطانوی عہد کے کاغذات میں اسے ’کراشیر‘ تحریر کیا جاتا رہا ہے۔
انیسویں صدی میں مختلف کمپنیوں کے دفاتر کے ساتھ ساتھ بینک بھی کھلنے لگے۔ شہر کا کوئی ایک نام مقرر نہ ہونے کی بنا پر یہاں کے ادارے اس کے مختلف نام تحریر کرتے رہے۔ جیسے ’کراچے ٹاؤن‘ کوراچے اور کریچی- ان دنوں ریلوے اور ڈاک کے محکمے اسے کوراچی لکھتے تھے۔
ایک ہی شہر کے یہ مختلف نام الجھنیں پیدا کرنے لگے۔
1860ء میں جب شہر میں چیمبر آف کامرس کا قیام عمل میں آیا، اور اس نے حکومت سے اِسے ’کراچی‘ کے نام سے پکارے جانے کی سفارش کی، تو بلا جھجھک اس نام کی منظوری دے دی گئی۔
یوں وقت کے دھارے پر بہتے، ناموں کے بھنور میں ڈوبتے ابھرتے کئی ناموں سے پکارا جانے والا یہ شہر 1860ء سے آج تک ’کراچی‘ کے نام سے معروف ہے۔
ذریعہ: Express News
کلیدی لفظ: س بندرگاہ مختلف نام کے نام سے ناموں کے کے لیے کی طرف کا نام
پڑھیں:
ویسٹ انڈیز کے کپتان شے ہوپ کا کرکٹ کی تاریخ میں نیا ریکارڈ
NAPIER:ویسٹ انڈیز کی کرکٹ ٹیم کے کپتان شے ہوپ نے نیوزی لینڈ کے خلاف میچ میں بہترین بیٹنگ کا مظاہرہ کرتے ہوئے کرکٹ کی تاریخ میں منفرد ریکارڈ قائم کردیا اور ساتھ ہی ویسٹ انڈیز کی تاریخ میں بھی کئی اعزاز اپنے نام کرلیے۔
شے ہوپ نے نیپئر میں نیوزی لینڈ کے خلاف سیریز کے دوسرے میچ میں پہلے بیٹنگ کرتے ہوئے برق رفتار سنچری مکمل کی اور ریکارڈ قائم کیا لیکن ویسٹ انڈیز کو شکست سے بچانے میں کامیاب نہ ہوسکے۔
ویسٹ انڈیز کے کپتان نے 69 گیندوں پر 13 چوکوں اور 4 چھکوں کی مدد سے آؤٹ ہوئے بغیر 109 رنز بنایا، جس کی بدولت 34 اوورز میں ٹیم نے 9 وکٹوں پر 247 رنز بنا لیا۔
نیوزی لینڈ نے ویسٹ انڈیز کو سیریز کے دوسرے میچ میں 3 گیندیں قبل 248 رنز بنا کر ہدف حاصل کرلیا اور سیریز بھی جیت لی۔
شے ہوپ نے میچ میں سنچری بنا کر ٹیسٹ کرکٹ کھیلنے والی 11 ٹیموں سمیت تمام فل ممبرز کے خلاف ون ڈے میں سنچری بنانے کا ریکارڈ قائم کیا، اس سے قبل یہ اعزاز سری لنکا کے سابق کپتان مہیلا جے وردھنے اور ویسٹ انڈیز کے ہی کرس گیل نے 12،12 ٹیموں کے خلاف سنچری بنا کر ریکارڈ بنایا تھا۔
ویسٹ انڈیز کے اسٹار بیٹر نے 11 ٹیسٹ کھیلنے والے ممالک کے علاوہ نیدرلینڈز اور نیپال جیسی فل ممبر ٹیموں کے خلاف سنچری بنائی، جس کے بعد وہ بین الاقوامی کرکٹ میں 13 مختلف ٹیموں کے خلاف سنچری بنانے والے پہلے بیٹر بن گئے ہیں۔
بین الاقوامی کرکٹ میں زیادہ ٹیموں کے خلاف سنچری بنانے والے دیگر بیٹر میں سچن ٹنڈولکر، گیری کرسٹن، رکی پونٹنگ، راہول ڈریوڈ، کمار سنگاکارا، ہاشم آملہ، شیکھر دھون، مارٹن گپٹل اور آئرلینڈ کے پال اسٹرلنگ 11،11 ٹیموں کے خلاف سنچری بنا چکے ہیں۔
شے ہوپ نے ون ڈے میں افغانستان، آسٹریلیا، بنگلہ دیش، انگلینڈ، بھارت، آئرلینڈ، نیپال، نیدرلینڈز، نیوزی لینڈ، پاکستان، جنوبی افریقہ، سری لنکا اور زمبابوے کے خلاف سنچریاں بنائی ہیں۔
کرک انفو کے مطابق شے ہوپ نے نیوزی لینڈ کے خلاف سنچری بنا کر ون ڈے کرکٹ میں بھی سب سے زیادہ ٹیموں کے خلاف سنچری کا ریکارڈ بنایا ہے، اس سے قبل سچن ٹنڈولکر، رکی پونٹنگ، کرس گیل، ہاشم آملہ اور مارٹن گپٹل نے ون ڈے میں 11 ٹیموں کے خلاف سنچریاں بنائی تھیں۔
شے ہوپ نے ون ڈے کی تاریخ میں 10 ممالک میں سنچری بنانے کا بھی اعزاز حاصل کیا ہے، تاہم سچن ٹنڈولکر اور سنتھ جے سوریا نے سب سے زیادہ 12 ممالک میں ون ڈے سنچریاں بنا رکھی ہیں، کرس گیل اور ویرات کوہلی بھی 10 ممالک میں ون ڈے سنچریاں بنائی ہیں۔
ویسٹ انڈیز کے لیے 142 ون ڈے میچوں میں تیز ترین 60 ہزار رنز بنانے والے دوسرے بیٹر بن گئے ہیں، اس سے قبل ویوین رچرڈز نے 141 میچوں میں ویسٹ انڈیز کے لیے تیز ترین 6 ہزار رنز بنائے تھے۔
شے ہوپ نے ون ڈے کیریئر میں عظیم بلے باز برائن لارا کا ریکارڈ بھی برابر کردیا، انہوں نے ون ڈے میں مجموعی طور پر 19 سنچریاں بنائی ہیں جبکہ کرس گیل نے سب سے زیادہ 25 سنچریاں بنا چکے ہیں۔
ویسٹ انڈیز کے کپتان 142 اننگز میں تیز ترین 19 سنچریاں بنانے والے بیٹرز میں پانچویں نمبر پر ہیں اور ان سے پہلے بابر اعظم 102 میچوں، ہاشم آملہ 104، ویرات کوہلی 124 اور ڈیوڈ وارنر 139 میچوں میں یہ اعزاز حاصل کرچکے ہیں، جبکہ کرس گیل اور برائن لارا نے بالترتیب 189 اور 243 ویں اننگز میں 19 سنچریاں بنائی تھیں۔
سرکاری اسکیم کے تحت حج کے خواہشمندوں کیلیے اہم اعلان؛ کل آخری دن