مسافروں کی کلیئرنس اب چند منٹوں میں مکمل، لاہور ایئرپورٹ پر جدید ’سیلف بورڈنگ مشینیں‘ لگ گئیں
اشاعت کی تاریخ: 14th, November 2025 GMT
پاکستان کے مصروف ترین علامہ اقبال انٹرنیشنل ایئرپورٹ لاہور پر مسافروں کو جدید سہولیات فراہم کرنے کی غرض سے سیلف بورڈنگ مشینیں لگائی جارہی ہیں۔ یہ گیٹس بائیو میٹرک ٹیکنالوجی پر مبنی ہیں جو مسافروں کی شناخت کی فوری تصدیق کرکے خودکار طور پر گیٹ کھول دیں گے، جس سے امیگریشن اور بورڈنگ کا عمل محض چند سیکنڈز سے منٹوں میں مکمل ہو جائےگا۔
سول ایوی ایشن اتھارٹی اور پاکستان ایئرپورٹس اتھارٹی کے مشترکہ منصوبے کے تحت یہ جدید سسٹم اسلام آباد، کراچی اور لاہور کے ائیرپورٹس پر مرحلہ وار نصب کیا جا رہا ہے۔
مزید پڑھیں: اسلام آباد ایئرپورٹ کا کیش لیس آپریشن، پاکستان میں ڈیجیٹل معیشت کی نئی سمت
لاہور میں ابتدائی گیٹس کی تنصیب مکمل ہو چکی ہے اور فی الحال یہ سسٹم ٹیسٹنگ مرحلے میں ہے۔ توقع ہے کہ چند ہفتوں میں یہ مکمل طور پر فعال ہو جائے گا، جو نہ صرف مسافروں کا قیمتی وقت بچائے گا بلکہ جعلی دستاویزات یا غیر قانونی سفر کی کوششوں کی روک تھام بھی زیادہ مؤثر انداز میں یقینی بنائےگا۔
چند سیکنڈ میں چیکنگ کا عمل مکملعام چیکنگ کی جگہ اب بائیو میٹرک چہرے کی شناخت، فنگر پرنٹ، پاسپورٹ سکین کے ذریعے 30 سیکنڈ سے 2 منٹ میں یہ عمل مکمل ہو جائےگا، مصروف اوقات میں بھی مسافر بغیر تگ و دو کے بورڈنگ کر سکیں گے۔
اس سسٹم کی تنصیب کے بعد اب جعلی پاسپورٹ یا ویزوں کا استعمال قریباً ناممکن ہو جائے گا۔ دبئی، سنگاپور اور یورپی ایئرپورٹس کی طرز پر یہ سسٹم کام کرےگا، ڈیپارچر اور ارائیول دونوں طرف متعدد گیٹس فعال کیے جا رہے ہیں، جو جلد مسافروں کے لیے دستیاب ہوں گے۔
ایئرپورٹ حکام کے مطابق یہ منصوبہ جرمن کنسلٹنٹس کی مدد سے تیار کیا گیا ہے۔
حالیہ تنازع اور نئی سہولتیہ جدید سسٹم ایسے وقت میں متعارف کرایا جا رہا ہے جب نومبر کے پہلے ہفتے میں ایف آئی اے امیگریشن ٹیموں نے کراچی، لاہور اور اسلام آباد ایئرپورٹس پر 150 سے زیادہ مسافروں کو آف لوڈ کیا تھا۔
یہ مسافر زیادہ تر سعودی عرب، متحدہ عرب امارات اور دیگر خلیجی ممالک جا رہے تھے، جن کے پاس درست ٹکٹیں، ملازمت کے ویزے اور دیگر دستاویزات موجود تھیں، مگر اضافی تصدیقی عمل کے نام پر انہیں پروازوں سے اتار دیا گیا۔ اس اقدام سے مسافروں کو شدید ذہنی اذیت، مالی نقصان اور سفر کے منصوبوں میں خلل پڑا۔
حکام نے پہلے اسے انسانی اسمگلنگ اور غیر قانونی ہجرت روکنے کی سخت پالیسی کا حصہ قرار دیا تھا، کیونکہ کچھ مسافر خلیجی ممالک کو ٹرانزٹ بنا کر یورپ جانے کی کوشش کرتے پائے گئے تھے۔ تاہم، شدید تنقید اور اوورسیز پاکستانیز کی شکایات پر ایف آئی اے کے ڈائریکٹر جنرل رفعت مختار نے واضح کیاکہ کوئی نئی سفری پابندی یا ایفی ڈیویٹ کی شرط عائد نہیں کی گئی۔
ان کے بیان کے بعد آف لوڈنگ کے ایسے واقعات کو روک دیا گیا اور متاثرہ مسافروں کی سہولت کے لیے اقدامات کیے جا رہے ہیں۔
ماہرین کا کہنا ہے کہ ای گیٹس جیسا خودکار سسٹم نافذ ہونے سے انسانی مداخلت کم ہوگی، جس سے من مانی آف لوڈنگ کے امکانات ختم ہو جائیں گے اور مسافروں کو شفاف اور تیز سہولت ملے گی۔
مسافروں نے نئی سہولت کو سراہتے ہوئے کہاکہ اب ایئرپورٹ پر گھنٹوں انتظار ختم ہو جائے گا اور سفر واقعی آسان ہو گا۔
مزید پڑھیں: کراچی پورٹ اور ایئرپورٹ پر چہرہ شناس نظام کا استعمال، یہ ٹیکنالوجی کیا ہے اور عام مسافر کو کیا فائدہ ہورہا ہے؟
ایک مسافر کا کہنا تھا کہ پہلے ایف آئی اے والوں سے ڈر لگتا تھا، اب مشین سے چیک ہوگا تو آرام سے سے جا سکیں گے۔
یہ تبدیلی لاہور ایئرپورٹ کی توسیع کے ماسٹر پلان کا حصہ ہے، جس میں 27-2026 تک نئے ٹرمینلز اور سالانہ 15 ملین سے زیادہ مسافروں کی گنجائش پیدا کرنے کا ہدف ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امیگریشن جدید سہولیات شناخت کا عمل علامہ اقبال ایئرپورٹ وی نیوز.ذریعہ: WE News
کلیدی لفظ: امیگریشن جدید سہولیات شناخت کا عمل علامہ اقبال ایئرپورٹ وی نیوز مسافروں کو مسافروں کی
پڑھیں:
بنگلہ دیش کے ہوائی اڈوں پر ہائی الرٹ، ملک بھر میں سیکیورٹی سخت کردی گئی
بنگلہ دیش کی سول ایوی ایشن اتھارٹی نے ملکی اور بین الاقوامی تمام ہوائی اڈوں پر سیکیورٹی کے سخت انتظامات کرنے کی ہدایت جاری کردی ہے۔
یہ اقدام خطے اور عالمی سطح پر بدلتی ہوئی سیکیورٹی صورتحال کے پیشِ نظر احتیاطی طور پر اٹھایا گیا ہے۔
مزید پڑھیں: بنگلہ دیش عام انتخابات: چیف ایڈوائزر محمد یونس نے سیکیورٹی انتظامات کے لیے اہم ہدایات جاری کردیں
اتھارٹی کے رکن برائے آپریشنز اینڈ پلاننگ، ایئر کموڈور ابو سعید محبوب نے میڈیا سے گفتگو میں کہاکہ ہمیں کسی مخصوص خطرے کی اطلاع نہیں ملی، تاہم ہم نے مسافروں کے تحفظ کو یقینی بنانے کے لیے احتیاطی اقدامات کیے ہیں۔
سخت سیکیورٹی اقداماتسول ایوی ایشن اتھارٹی کے رکن برائے سیکیورٹی، ایئر کموڈور محمد آصف اقبال کی جانب سے جاری ایک باضابطہ ہدایت نامے میں تمام ایئرپورٹ ڈائریکٹرز کو بنگلہ دیش کی سیکیورٹی پالیسی پر مکمل عملدرآمد یقینی بنانے کی ہدایت کی گئی ہے۔
سرکلر میں ایئرپورٹ کے داخلی دروازوں، حساس مقامات اور ممنوعہ زونز پر سخت نگرانی، ٹرمینلز کے اردگرد مسلسل گشت اور 24 گھنٹے سی سی ٹی وی مانیٹرنگ کی ہدایت شامل ہے۔
ہدایت کے مطابق ایئرپورٹ کے احاطے میں صرف مجاز عملہ، منظور شدہ مسافر اور متعلقہ اہلکار ہی داخل ہو سکیں گے جبکہ عام عوام کی آمدورفت پر مزید پابندیاں عائد ہوں گی۔
جامع چیکنگ اور روزانہ معائنہتمام مسافروں، ان کے سامان، گاڑیوں اور کارگو کی تفصیلی سیکیورٹی چیکنگ کی جائے گی، جب کہ ٹرمینل اور آپریشنل علاقوں میں اچانک اسپیشل چیکس بھی ہوں گے۔
اتھارٹی نے تمام ایئرپورٹس کو ہدایت دی ہے کہ وہ اسکینرز، دھماکا خیز مواد کی نشاندہی کرنے والے آلات، میٹل ڈیٹیکٹرز اور سی سی ٹی وی سسٹمز کا روزانہ معائنہ کریں تاکہ وہ درست طریقے سے کام کر رہے ہوں۔
سیکیورٹی اہلکاروں کو چوکس رہنے، کسی بھی مشتبہ سرگرمی کی فوری رپورٹ دینے اور مسلسل بریفنگ کے تحت کام کرنے کے احکامات بھی دیے گئے ہیں۔
اضافی حفاظتی اقداماتہدایت نامے میں گیس اور برقی لائنوں کے روزانہ خطرے کے جائزے اور ہوائی اڈے کی تنصیبات کے اردگرد 24 گھنٹے نگرانی کی ہدایت بھی شامل ہے۔
ایوی ایشن اتھارٹی نے تمام ایئرپورٹ ڈائریکٹرز سے تین ورکنگ دنوں کے اندر عملدرآمد رپورٹ طلب کرلی ہے۔
مزید پڑھیں: بنگلہ دیش کا بھارت کے ساتھ سرحد پر سیکیورٹی مضبوط بنانے کے لیے نئی بٹالینز تشکیل دینے کا فیصلہ
یہ اقدام اس وقت سامنے آیا ہے جب بنگلہ دیش بین الاقوامی شراکت داروں کے ساتھ تعاون کے تحت فضائی سیکیورٹی کے عالمی معیارات کو مزید مضبوط بنانے کی کوششوں میں مصروف ہے، تاکہ ملکی و غیر ملکی مسافروں کے تحفظ کو یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایئرپورٹ بنگلہ دیش ہائی الرٹ وی نیوز
خیبر، مقامی حجرے میں دستی بم پھٹ گیا، 3 افراد جاں بحق