ٹیسلا کی سیلف ڈرائیونگ گاڑیوں کےسرخ بتی توڑنے اور غلط سمت چلنے کے واقعات، تحقیقات کا آغاز
اشاعت کی تاریخ: 10th, October 2025 GMT
امریکا میں وفاقی نگران ادارے نے ٹیسلا کی سیلف ڈرائیونگ ٹیکنالوجی کے خلاف نئی تحقیقات شروع کردی ہیں، جن میں درجنوں واقعات ایسے سامنے آئے جن میں گاڑیوں نے سرخ بتی توڑی، مخالف سمت میں سفر کیا یا حادثات کا باعث بنیں۔
امریکی نیشنل ہائی وے ٹریفک سیفٹی ایڈمنسٹریشن کے مطابق 58 واقعات ایسے رپورٹ ہوئے جن میں ٹیسلا کی گاڑیاں فل سیلف ڈرائیونگ موڈ کے دوران ٹریفک قوانین کی خلاف ورزی کرتی پائی گئیں، جن سے ایک درجن سے زائد حادثات اور آتشزدگیاں ہوئیں، جبکہ تقریباً 20 افراد زخمی ہوئے۔
یہ بھی پڑھیں: ٹیسلا ٹرک کی خامی نے نوجوان لڑکی کی جان لے لی، کمپنی کیخلاف مقدمہ درج
یہ نئی تحقیقات ان متعدد کیسز میں اضافہ ہیں جن سے ایلون مسک کے اُس منصوبے کو دھچکا لگ سکتا ہے جس کے تحت وہ اپنی لاکھوں گاڑیوں کو سافٹ ویئر اپڈیٹ کے ذریعے مکمل خودکار بنانا چاہتے ہیں۔
تجزیہ کار سیٹھ گولڈ اسٹیئن کے مطابق اصل سوال یہ ہے کہ کیا یہ سافٹ ویئر واقعی کام کرتا ہے؟ جبکہ سرمایہ کار راس گربر کا کہنا ہے کہ دنیا ایلون مسک کی فل سیلف ڈرائیونگ کی تجربہ گاہ بن گئی ہے اور یہ تجربہ کامیاب نہیں ہو رہا۔
تحقیقات کے مطابق یہ کیس 29 لاکھ گاڑیوں پر مشتمل ہے، یعنی وہ تمام ٹیسلا ماڈلز جن میں فل سیلف ڈرائیونگ فیچر موجود ہے۔ ناقدین کے مطابق یہ نام گمراہ کن ہے کیونکہ یہ سسٹم مکمل طور پر خودکار نہیں بلکہ ڈرائیور کی مکمل توجہ کا تقاضا کرتا ہے۔
یہ بھی پڑھیں: ٹیسلا نے ٹیکساس میں بغیر انسانی ڈرائیور والی ٹیکسی سروس لانچ کردی
کئی ڈرائیورز نے رپورٹ کیا کہ حادثے سے قبل گاڑی نے کسی بھی قسم کی وارننگ نہیں دی، نئی تحقیقات کی خبر کے بعد ٹیسلا کا اسٹاک ابتدائی طور پر 3% تک نیچے گیا لیکن بعد میں 0.
این ایچ ٹی ایس اے نے اس سے قبل بھی 24 لاکھ گاڑیوں میں حادثات کی تحقیقات شروع کی تھیں جن میں دھند یا کم مرئی حالات کے دوران حادثات ہوئے، جب کہ ایک اور کیس “سمّن” فیچر سے متعلق ہے جو گاڑی کو خود ڈرائیور کے پاس لانے کی صلاحیت دیتا ہے۔
گزشتہ ماہ میامی عدالت نے 2019 کے ایک مہلک حادثے میں ٹیسلا کو جزوی طور پر ذمہ دار قرار دیتے ہوئے 240 ملین ڈالر ہرجانہ ادا کرنے کا حکم دیا تھا۔
تجزیہ کاروں کے مطابق کمپنی کو چاہیے کہ وہ فل سیلف ڈرائیونگ کا نام ختم کرے اور ریڈار سینسرز جیسا اضافی ہارڈویئر شامل کرے تاکہ نظام محفوظ بنایا جاسکے۔
یہ بھی پڑھیں: ایلون مسک اور ٹرمپ میں لفظی جنگ، ٹیسلا کو 152 ارب ڈالر کا تاریخی نقصان
ٹیسلا پر دباؤ بڑھتا جارہا ہے کیونکہ گاڑیوں کی فروخت میں نمایاں کمی آئی ہے۔ ایلون مسک کے سیاسی بیانات اور دائیں بازو کے رہنماؤں کی حمایت کی وجہ سے بھی کئی خریدار کمپنی کا بائیکاٹ کرچکے ہیں۔
سیلز میں کمی کے بعد ٹیسلا نے ماڈل Y سمیت 2 سستی گاڑیوں کے نئے ورژن متعارف کرانے کا اعلان کیا، تاہم سرمایہ کار متاثر نہ ہوئے اور شیئرز مزید 4.5 فیصد گرگئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا تحقیقات ٹیسلا جرمانہ سیلف ڈرائیو کار گاڑیاں
ذریعہ
ذریعہ: WE News
کلیدی لفظ: امریکا تحقیقات ٹیسلا سیلف ڈرائیو کار گاڑیاں ایلون مسک کے مطابق
پڑھیں:
بھارت: میسی کا 70 فٹ بلند مجسمہ حفاظتی خدشات کے باعث ہٹا دیا گیا
بھارتی شہر کولکتہ کے علاقے لیک ٹاؤن میں نصب فٹبال لیجنڈ لیونل میسی کا 70 فٹ بلند مجسمہ مقامی رہائشیوں کی شکایات کے بعد ہٹا دیا گیا ہے۔
بھارتی میڈیا رپورٹس کے مطابق شہریوں کا کہنا تھا کہ تیز ہواؤں کے دوران یہ دیوقامت ڈھانچہ ہلتا محسوس ہوتا تھا جس سے حفاظتی خطرات پیدا ہو رہے تھے۔
میسی کا یہ مجسمہ گزشتہ سال دسمبر میں نصب کیا گیا تھا اور اسے 2022 فیفا ورلڈ کپ کے فاتح کپتان کو خراجِ تحسین پیش کرنے کے لیے تیار کیا گیا تھا۔
مجسمے میں ارجنٹائن کے سپر اسٹار کو ورلڈ کپ ٹرافی تھامے ہوئے دکھایا گیا تھا جو ان کی تاریخی کامیابی کی یادگار کے طور پر بنایا گیا تھا۔
یہ یادگار میسی کے مداحوں کی جانب سے ان کے بھارت کے دورے کے موقع پر وی آئی پی روڈ کے کنارے قائم کی گئی تھی۔
View this post on Instagramتاہم حالیہ دنوں میں مقامی افراد نے انتظامیہ کو آگاہ کیا کہ تیز ہوا چلنے پر مجسمہ معمولی طور پر جھولتا نظر آتا ہے جس سے راہگیروں اور قریبی آبادی کے لیے خطرات بڑھ سکتے ہیں۔
حکام نے عوامی تحفظ کو مدنظر رکھتے ہوئے مجسمے کو عارضی طور پر ہٹانے کا فیصلہ کیا ہے جبکہ اس کے مستقبل کے بارے میں تاحال کوئی باضابطہ اعلان نہیں کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ