غزہ پٹی کو امدادی سامان کی ترسیل کی دوبارہ اجازت، اسرائیل
اشاعت کی تاریخ: 20th, October 2025 GMT
اسرائیل نے غزہ پٹی کے لیے امداد کی ترسیل بحال کرنے کی اجازت دے دی اسرائیل نے غزہ پٹی کے لیے امداد کی ترسیل بحال کرنے کی اجازت دے دی
غزہ پٹی سے اسرائیلی فورسز پر حملے میں دو فوجیوں کی ہلاکت اور جوابی فضائی حملوں کے تناظر میں اس فلسطینی علاقے کو امداد کی ترسیل روک دینے کے بعد اسرائیلی حکام نے غزہ کو امداد کی فراہمی کی بحالی کی دوبارہ اجازت دے دی ہے۔
تل ابیب سے پیر 20 اکتوبر کو ملنے والی رپورٹوں میں اسرائیلی سکیورٹی ذرائع کے حوالے سے بتایا گیا کہ اسرائیلی حکومت نے دو سالہ جنگ سے تباہ شدہ غزہ پٹی کے ساحلی علاقے کو انسانی ہمدردی کی بنیاد پر اشد ضروری اشیائے خوراک اور دیگر امدادی سامان کی فراہمی بحال کرنے کی اجازت دے دی ہے۔
(جاری ہے)
حماس نے تمام بیس زندہ اسرائیلی یرغمالی رہا کر دیے
ایک اسرائیلی سکیورٹی اہلکار نے بتایا کہ ملک کی سیاسی قیادت نے حکم دیا ہے کہ انسانی ہمدردی کی بنیاد پر ’’کیرم شالوم بارڈر کراسنگ اور دیگر اضافی سرحدی گزرگاہوں سے اسرائیلی معائنوں کے بعد وہ امداد دوبارہ گزرنے دی جائے، جس کی منزل غزہ پٹی ہو اور جس کی ترسیل اس لیے ضروری ہے کہ غزہ فائر بندی معاہدے پر مکمل عمل درآمد ہو سکے۔
‘‘غزہ سے اسرائیلی فورسز پر کیا جانے والا حملہ
اسرائیلی سکیورٹی ذرائع کے مطابق اتوار 19 اکتوبر کو فلسطینی عسکریت پسند تنظیم حماس کی طرف سے فائر بندی معاہدے کی خلاف ورزی کرتے ہوئے جنوبی غزہ پٹی میں ایک ٹینک شکن میزائل سے اسرائیلی فوجیوں کو نشانہ بنایا گیا تھا، جس کے نتیجے میں دو فوجی ہلاک ہو گئے تھے۔
غزہ: جنگ بندی کے بعد شہریوں کی واپسی، اقوام متحدہ کی امدادی سرگرمیوں میں تیزی
اس حملے کے جواب میں اسرائیل نے نہ صرف جنوبی غزہ پٹی میں حماس کے ٹھکانوں کو فضائی حملوں سے نشانہ بنایا تھا، بلکہ عارضی طور پر غزہ پٹی تک امداد پہنچانے کے عمل کی اجازت بھی منسوخ کر دی گئی تھی۔ اب لیکن امدادی کی ترسیل کی یہ اجازت بحال کر دی گئی ہے۔
کل اتوار کو اسرائیلی فوجیوں پر کیے گئے حملے کے بارے میں حماس کی طرف سے کہا گیا تھا کہ یہ حملہ اس نے نہیں کیا تھا۔ طبی ذرائع کے مطابق اس حملے کے بعد اسرائیل نے جو فضائی حملے کیے، ان میں 44 فلسطینی مارے گئے۔
ذریعہ
ذریعہ: UrduPoint
کلیدی لفظ: تلاش کیجئے سے اسرائیلی اسرائیل نے امداد کی کی ترسیل کی اجازت غزہ پٹی کے بعد
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار