دہلی میں شدید فضائی آلودگی پر بی جے پی اور عام آدمی پارٹی میں تنازعہ
اشاعت کی تاریخ: 21st, October 2025 GMT
دہلی حکومت کے وزیر کا کہنا تھا کہ عآپ کا مقصد دہلی کے آلودگی کے مسئلہ کیلئے کسانوں کو ذمہ دار ٹھہرانا اور دیوالی کو بدنام کرنا ہے۔ اسلام ٹائمز۔ دہلی میں فضائی آلودگی کے مسئلے پر ایک بار پھر سیاسی کشیدگی بڑھ گئی ہے۔ دہلی حکومت کے وزیر منجندر سنگھ سرسا نے منگل کو عام آدمی پارٹی (عآپ) اور اروند کیجریوال پر شدید حملہ کیا اور الزام عائد کیا کہ عآپ جان بوجھ کر پنجاب کے کسانوں کو پرالی جلانے کے لئے اکسا رہی ہے تاکہ دہلی کی ہوا مزید آلودہ ہو اور عوام میں ناراضگی بڑھے۔ سرسا نے کہا کہ پنجاب میں عآپ کے لیڈر کسانوں کو چہرہ ڈھانپ کر پرالی جلانے پر مجبور کر رہے ہیں تاکہ ان کی شناخت نہ ہو۔ سرسا نے مزید کہا "میں آپ کو دکھانا چاہتا ہوں کہ عام آدمی پارٹی کس طرح کسانوں کو پرالی جلانے پر مجبور کر رہی ہے، کسان خود یہ نہیں کرنا چاہتے لیکن انہیں ایسا کرنے کے لئے کہا جا رہا ہے"۔ ان کا کہنا تھا کہ عآپ کا مقصد دہلی کے آلودگی کے مسئلہ کے لئے کسانوں کو ذمہ دار ٹھہرانا اور دیوالی کو بدنام کرنا ہے۔
سرسا نے کیجریوال پر مذہبی جذبات کو ٹھیس پہنچانے کا بھی الزام لگایا۔ انہوں نے کہا کہ دیوالی کے موقع پر پٹاخوں پر پابندی عائد کی جاتی ہے لیکن دوسری مذہبی رسومات پر خاموشی اختیار کی جاتی ہے۔ سرسا نے کہا کہ جب عید قربان پر سڑکوں پر جانوروں کی قربانی دی جاتی ہے تو کیا کیجریوال کچھ کہتے ہیں، یہ لوگ دیوالی کو بدنام کرنے میں لگے ہوئے ہیں اور اورنگزیب کی طرح ہندو روایات پر حملہ کر رہے ہیں۔ جواب میں سوربھ بھاردواج نے ایک اسکرین شاٹ شیئر کیا ہے جس میں دکھایا گیا ہے کہ پنجاب کا اے کیو آئی (ایئر کوالٹی انڈیکس) 156 ہے۔ سوربھ نے پوسٹ میں لکھا کہ ایک انپڑھ کہہ رہا ہے پنجاب میں پرالی جلانے سے دہلی کی فضائی آلودگی میں اضافہ ہوگیا، مسئلہ یہ ہے کہ پنجاب کا اے کیو آئی صرف 156 ہے۔
ذریعہ: Islam Times
کلیدی لفظ: پرالی جلانے کسانوں کو
پڑھیں:
دنیا کے آلودہ ترین شہروں کی فہرست میں لاہور دوسرے نمبر پر آگیا
لاہور:فضائی آلودگی کے باعث لاہور دنیا کے آلودہ ترین شہروں میں دوسرے نمبر پر پہنچ گیا۔
عالمی ماحولیاتی نگرانی کے ادارے آئی کیو ایئر کے مطابق اتوار کے روز لاہور میں فضائی معیار کی شرح (اے کیو آئی) 209 ریکارڈ کی گئی جب کہ بھارتی دارالحکومت نئی دہلی 218 اے کیو آئی کے ساتھ پہلے نمبر پر رہا۔
ادارہ تحفظِ ماحولیات پنجاب کے مطابق مشرقی سمت سے آنے والی ہواؤں کے باعث شہر میں آلودگی کی شدت بڑھ رہی ہے۔ اتوار کے روز لاہور میں فضائی معیار کی اوسط شرح 195 سے 210 کے درمیان رہنے کا امکان ظاہر کیا گیا ہے جو انتہائی خراب درجہ شمار ہوتا ہے۔
بھارت میں دیوالی کی تقریبات میں آتش بازی کے باعث آئندہ چند روز تک لاہور کی فضائی آلودگی مزید بڑھنے کا امکان بھی ہے، ماہرین کے مطابق اس سطح کی آلودگی عام شہریوں کی صحت کے لیے خطرناک ہے، بالخصوص بچوں، بزرگوں اور سانس کے امراض میں مبتلا افراد کو گھروں تک محدود رہنے کی ہدایت دی گئی ہے۔
محکمہ موسمیات کے مطابق ہوا کی رفتار ایک سے نو کلومیٹر فی گھنٹہ رہنے کا امکان ہے جبکہ دوپہر کے وقت معمولی ہوا چلنے سے فضائی معیار میں عارضی بہتری متوقع ہے۔ دوپہر 12 سے شام 5 بجے تک اے کیو آئی 150 تک گر سکتا ہے، تاہم شام کے اوقات میں دوبارہ 165 سے 200 کے درمیان رہنے کا امکان ہے۔
فضائی آلودگی کے پیش نظر حکومت پنجاب نے لاہور میں انسدادِ سموگ اقدامات تیز کر دیے ہیں۔ وزیراعلیٰ مریم نواز شریف کی ہدایت پر ماحولیاتی تحفظ فورس، پولیس، واسا اور ضلعی انتظامیہ مشترکہ طور پر اینٹی اسموگ آپریشن میں مصروف ہیں۔
شہر کے داخلی راستوں پر دھواں چھوڑنے والی اور اوورلوڈڈ گاڑیوں کے خلاف کارروائی جاری ہے، جبکہ بغیر ترپال تعمیراتی سامان لانے والی ٹرالیاں اور ٹرک بند کیے جا رہے ہیں۔
تعمیراتی مقامات پر گردوغبار کم کرنے کے لیے رات کے اوقات میں واٹر سپرنکلنگ آپریشن جاری ہے۔ وزیراعلیٰ نے تمام اداروں کو روزانہ کی بنیاد پر رپورٹ پیش کرنے اور عوامی آگاہی مہم مزید مؤثر بنانے کی ہدایت دی ہے۔
دوسری جانب فصلوں کی باقیات نہ جلانے کی مہم بھی تیزی سے جاری ہے۔ پنجاب بھر میں 91 بیلر اور 814 کبوٹا مشینوں کے ذریعے لاکھوں ایکڑ اراضی سے فصل کی باقیات کو چارے کی گانٹھوں کی صورت میں جمع کیا جا رہا ہے۔ ماہرین کے مطابق یہ اقدام فضائی آلودگی میں کمی اور سموگ کے تدارک کے لیے مثبت پیش رفت ہے۔
اسرائیلی وزیردفاع کا حماس کو شکست دینےکیلئے فوج کو جامع منصوبہ تیار کرنےکا حکم