ٹک ٹاک پر دوستی، ملتان جیل کے پولیس اہلکار نے نوجوان لڑکے کو زیادتی کا نشانہ بنا ڈالا
اشاعت کی تاریخ: 26th, October 2025 GMT
ٹک ٹاک پر دوستی کا بھیانک انجام، راولپنڈی کے نوجوان کو ملتان جیل کے پولیس اہلکار نے زیادتی کا نشانہ بناکر ویڈیو بنائی اور بلیک میلنگ کر کے ہزاروں روپے وصول کرلیے۔
ایکسپریس نیوز کے مطابق حکمہ جیل خانہ جات کے ملازم نے محبت کا اظہار کرکے نوجوان کو برگر میں بے ہوشی کی دوا کھلا کر مبینہ زیادتی کا نشانہ بنایا اور پھر اس دوران نازیبا ویڈیو ریکارڈ کر کے اُسے بلیک میل کرکے ہزاروں روپے موبائل نمبر منگوائے۔
پولیس اہلکار کی بلیک میلنگ سے تنگ آکر نوجوان نے نیوٹاون پولیس سے رجوع کرلیا پولیس نے ملزم کے خلاف مقدمہ درج کرکے تفتیش شروع کردی۔
پولیس کے مطابق راولپنڈی کی نجی کمپنی میں ملازمت کرنے والے نوجوان نے نیوٹاون پولیس کو مقدمہ درج کراتے ہوئے بتایا کہ سینٹرل جیل نشتر ملتان میں تعینات جیل پولیس اہلکار ٹک ٹاک پر مسلسل دوستی کے لیے مجبور کرتا رہا۔
نوجوان کے مطابق پولیس اہلکار نے اپنی نجی زندگی اور طلاق وغیرہ کا بتا کر کہا تم اچھے لگے ہو دوستی کرنا چاہتا ہوں چھ ماہ تک دن میں متعدد مرتبہ رابطہ کرتا اور ملتان آنے کی دعوت دیتا، انکار پر کچھ عرصہ رابطہ ختم کردیا پھر واٹس ایپ پر پیغامات بھیجنے شروع کردیے۔
درخواست میں نوجوان نے بتایا کہ ’جواب نہ ملنے پر یکم جون کو دوبارہ ٹک ٹاک پر رابطہ کرکے نمبر لیکر بات کی اور کہا تمھاری خاطر ملتان سے دو ماہ کے لیے پنڈی اڈیالہ جیل پوسٹنگ کروا رہا ہوں، جس پر میں نے منع کیا اور وجہ پوچھی تو ملزم نے کہا کہ تم سے دل لگی ہے اور محبت ہوگئی ہے۔
’بعدازاں مسیج کرکے پانچ ہزار روپے ایزی پیسہ مانگے پھر کچھ دن بعد رابطہ کرکےکہا ڈیوٹی پر گیا کسی نے بکسے سے پیسے نکال لیے، کھانے پینے کے لیے بھی پیسے نہیں بچے، پھر مزید پیسوں کا تقاضہ کیا‘۔
نوجوان کے مطابق انسانی ہمدردی و دوستی کی خاطر اسکو پانچ ہزار مزید ایزی پیسہ کردئیے، جون میں ہی بار بار ملنے کے اسرار پر وہ گھر کے قریب آگیا، اس سے ملنے کے لیے گیا تو کمرشل مارکیٹ لنچ کیا پھر اس نے مجھے اسلام آباد گھمانے کے لیے کہا، اسلام آباد سے واپس آئے تو اس نےکہا کہ رات زیادہ ہوگئی ہے اڈیالہ جیل نہیں جاسکتا فیض آباد کے ہوٹل میں کمرہ لے لیں۔
نوجوان کے مطابق میں پرائیویٹ کمپنی میں نوکری کرتا ہوں، دو روز سے نیند نہ ہونے کی وجہ سے ہوٹل کے کمرے میں سوگیا مگر جب رات کو اٹھا تو دیکھا کہ جیل کا اہلکار موجود نہ تھا، کچھ دیر بعد آیا تو اُس کے ہاتھ میں برگر تھے۔
’اُس نے مجھے برگر کھانے پر مجبور کیا جس کے بعد مجھے ہوش نہ رہا اور پھر اُس نے زیادتی کر کے ویڈیو بنائی جو مجھے واٹس ایپ پر بھیج کر بلیک میل کیا‘۔
نوجوان کے مطابق پولیس اہلکار اب تک بلیک میل کرکے مجھ سے 65 ہزار روپے وصول کرچکا ہے، مجھے انصاف فراہم کرکے ویڈیو ڈیلیٹ اور رقم واپس کرائی جائے،
پولیس حکام کا کہنا تھاکہ مقدمہ درج کرلیا ہے مدعی واقعہ تقریبا چار ماہ پرانہ بتایا ہے تاہم تفتیش میں مصروف ہیں جس میں صورتحال واضع ہو گی۔
.
ذریعہ
ذریعہ: Express News
کلیدی لفظ: نوجوان کے مطابق پولیس اہلکار ٹک ٹاک پر کے لیے
پڑھیں:
کسی کی برائی کرکے نہیں کارکردگی پر ووٹ مانگتے ہیں، نوازشریف
صدر مسلم لیگ (ن) نوازشریف(nawaz shrif) کا کہنا ہے کہ کسی پر تنقید کرکے،کسی کی برائی کرکے ووٹ نہیں مانگتا بلکہ اپنی کارکردگی کی بنیاد پر ووٹ مانگتے ہیں۔
گلگت میں انتخابی جلسے سے خطاب کرتے ہوئے نواز شریف کا کہنا تھا کہ کسی پارٹی یا حکومت کے خلاف بات نہیں کرنا چاہتا، حکومت ملنے پر کیوں اس علاقے کو نظر انداز کیا گیا؟
کیوں اس علاقے پر توجہ نہیں دی گئی؟ جب وزیراعظم تھا تو کئی بار گلگت آیا اور اسکردو گیا تھا، کئی برسوں بعد آپ سے گفتگو کرکے بہت خوشی ہورہی ہے۔
نوازشریف نے کہا کہ وزیراعلیٰ اور وزیراعظم بننے سے بھی پہلے گلگت،اسکردو آیاتھا، گلگت، بلتستان، اسکردو سے مجھے دلی محبت ہے، جس گلگت کو میں جانتا تھا وہ گلگت کہاں ہے؟ میرا دل روتا ہے کہ آپ کا پیسہ آپ پر کیوں نہیں لگا یاگیا۔
صدر مسلم لیگ (ن) نے کہا کہ کسی ایک پارٹی نے یہاں منصوبے کی بنیاد نہیں رکھی، جومیرےزمانے میں ایئرپورٹ تھا، آج بھی وہی ہے، شہبازشریف سے کہوں گا اس ایئرپورٹ کو بڑا کریں، جیٹ طیارے لینڈ کرنے اور ٹیک آف کی گنجائش پیدا کریں گے۔
نوازشریف کا کہنا تھا کہ خیبرپختونخوا میں لواری ٹنل 70سال سے مکمل نہیں ہورہی تھی، ہم نے اربوں روپےخرچ کرکے لواری ٹنل مکمل کی، یہاں منصوبہ شروع ہوتا ہے تو مکمل ہونے کا نام نہیں لیتا۔
گلگت بلتستان میں 10،10 اور12،12گھنٹےکی لوڈشیڈنگ منظور نہیں۔ ووٹ ملے نہ ملے، آپ کو ان چیزوں سے محروم نہیں کرسکتے۔
سابق وزیراعظم نے کہا کہ ہماری حکومت آئی تو یہاں ہر دوسرے تیسرے ماہ آتارہوں گا، اپنی نگرانی میں منصوبے مکمل کراؤں گا، تمام اسٹیک ہولڈرز کو بٹھا کر آپ کے حق میں فیصلہ کریں گے۔ تجارت بڑھنے پر گلگت بلتستان بہت خوشحال ہوجائے گا۔
مزید پڑھیں:پائیدارمعاشی ترقی کیلئے صنعت وپیداوار اور بیرونی سرمایہ کاری میں اضافہ ناگزیر ہے، وزیر اعظم
نوازشریف نے کہا کہ مجھے کیوں نکالا؟ کیوں مجھے ملک چھوڑ کر جانا پڑا؟ کیوں مجھے جیلوں میں ڈالا گیا۔ قصور آپ کا بھی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ