رونالڈو کو ورلڈ کپ کے افتتاحی میچ میں کھیلنے کی اجازت مل گئی
اشاعت کی تاریخ: 26th, November 2025 GMT
data-id="863a0a8" data-element_type="widget" data-widget_type="theme-post-content.default">
فٹبال کی دنیا میں کرشماتی اسٹار کرسٹیانو رونالڈو کے مداحوں کے لیے خوشخبری ہے کیونکہ فیفا نے ان پر لگائی گئی تین میچوں کی پابندی میں سے دو میچوں کی سزا معطل کر دی ہے۔
عالمی خبر رساں اداروں کے مطابق اس فیصلے کے بعد رونالڈو ورلڈ کپ 2026 کے افتتاحی میچ میں حصہ لے سکیں گے، جس کے لیے دنیا بھر کے مداح بے صبری سے فیفا کے اعلان کا انتظار کر رہے تھے۔
یاد رہے کہ رونالڈو کو رواں ماہ آئرلینڈ کے خلاف ورلڈ کپ کوالیفائر میں آئرش ڈیفینڈر دارا او شی پر کہنی مارنے کے الزام میں پہلا ریڈ کارڈ ملا تھا، اور فیفا نے ان پر تین میچوں کی پابندی عائد کی تھی۔ ایک میچ کی سزا رونالڈو نے آرمینیا کے خلاف میچ میں حصہ نہ لے کر پوری کر لی تھی۔
اب فیفا نے باقی دو میچوں کی پابندی ایک سال کی عبوری مدت کے لیے معطل کر دی ہے، اور شرط یہ رکھی ہے کہ اگر رونالڈو نے آئندہ ایک سال میں اسی نوعیت کی خلاف ورزی کی تو دونوں معطل شدہ میچوں کی سزا فوری طور پر بحال ہو جائے گی۔
40 سالہ کرسٹیانو رونالڈو اس وقت تک چھٹے ورلڈ کپ کی تیاری کر رہے ہیں، اور ان کا خواب ہے کہ وہ عالمی فٹبال کی سب سے بڑی چمپیئن شپ جیتیں۔ ورلڈ کپ 2026 کا ڈرا 5 دسمبر کو واشنگٹن کے جان ایف کینیڈی سینٹر میں ہوگا، جس میں ڈونلڈ ٹرمپ اور فیفا کے صدر گیانی انفانٹینو بھی موجود ہوں گے۔
فیفا کے صدر نے اعلان کیا ہے کہ ورلڈ کپ 2026 کے 104 میچز اتنے دلچسپ اور سنسنی خیز ہوں گے جتنے سپر باؤلز، جس سے فٹبال کے شائقین میں جوش و خروش میں اضافہ ہو گیا ہے۔ رونالڈو کی پابندی کی معطلی اور فیفا کے دلچسپ بیان نے مداحوں کو پہلے سے کہیں زیادہ پرجوش کر دیا ہے، اور ورلڈ کپ کے آغاز کا انتظار مزید دلچسپ ہو گیا ہے۔
ذریعہ: Jasarat News
کلیدی لفظ: کی پابندی میچوں کی ورلڈ کپ فیفا کے
پڑھیں:
آئی سی سی نے ٹی20 ورلڈ کپ 2026 کے وینیوز اور شیڈول کا اعلان کر دی
data-id="863a0a8" data-element_type="widget" data-widget_type="theme-post-content.default">
انٹرنیشنل کرکٹ کونسل (آئی سی سی) نے ٹی20 ورلڈ کپ 2026 کے وینیوز اور شیڈول کا باضابطہ اعلان کر دیا ہے۔
آئی سی سی کی جانب سے جاری کردہ شیڈول کے مطابق پاکستان اور بھارت ایک ہی گروپ میں شامل ہوں گے، بھارت اور سری لنکا کی مشترکہ میزبانی میں منعقد ہونے والا یہ عالمی ایونٹ 7 فروری سے 8 مارچ تک جاری رہے گا، جس میں 20 ٹیمیں چار گروپس میں تقسیم کی گئی ہیں۔
شیڈول کے مطابق ٹورنامنٹ کا آغاز 7 فروری کو ہوگا اور افتتاحی روز ہی چھ ٹیمیں میدان میں اتریں گی، جن میں دفاعی چیمپیئن بھارت بھی شامل ہے۔ گروپ اسٹیج کے تمام میچز بھارت اور سری لنکا کے مختلف شہروں میں بیک وقت جاری رہیں گے۔
پاکستان اپنی مہم 7 فروری کو کولمبو میں نیدرلینڈز کے خلاف میچ سے شروع کرے گا، جب کہ دوسرا میچ 10 فروری کو امریکا کے خلاف طے ہے۔
روایتی حریف پاکستان اور بھارت کا ہائی وولٹیج ٹاکرا 15 فروری کو پریماداسا اسٹیڈیم کولمبو میں کھیلا جائے گا۔ پاکستان اپنا چوتھا میچ 18 فروری کو نمیبیا کے خلاف کھیل کر گروپ اسٹیج مکمل کرے گا۔
ٹی20 ورلڈ کپ کے گروپ ون میں پاکستان، بھارت، نمیبیا، ہالینڈ اور امریکا شامل ہیں۔ گروپ ٹو میں آسٹریلیا، سری لنکا، آئرلینڈ، زمبابوے اور عمان ہیں، جب کہ گروپ تھری میں انگلینڈ، ویسٹ انڈیز، اٹلی، بنگلادیش اور نیپال کو رکھا گیا ہے۔ گروپ فور جنوبی افریقہ، نیوزی لینڈ، افغانستان، متحدہ عرب امارات اور کینیڈا پر مشتمل ہے۔
ایونٹ کے تمام مقابلے مجموعی طور پر آٹھ بین الاقوامی مقامات پر کھیلے جائیں گے—بھارت میں پانچ اور سری لنکا میں تین گراؤنڈز میزبانی کریں گے۔ بھارت میں ارون جیٹلی اسٹیڈیم دہلی، ایڈن گارڈنز کولکتہ، ایم اے چدمبرم اسٹیڈیم چنئی، نریندرا مودی اسٹیڈیم احمد آباد اور وانکھڈے اسٹیڈیم ممبئی کو میزبان وینیوز میں شامل کیا گیا ہے۔
سری لنکا میں پالی کیلے انٹرنیشنل کرکٹ اسٹیڈیم کینڈی، پریماداسا اسٹیڈیم کولمبو اور سنہالیز اسپورٹس کلب گراؤنڈ کولمبو میں میچز منعقد ہوں گے۔
آئی سی سی کے مطابق پاکستان کے تمام گروپ میچز سری لنکا میں ہی شیڈول کیے گئے ہیں۔ ایونٹ کے سیمی فائنلز کولکتہ اور ممبئی میں جبکہ فائنل احمد آباد میں شیڈول ہے۔ تاہم اگر پاکستان سیمی فائنل یا فائنل کے مرحلے میں پہنچتا ہے تو یہ دونوں میچز کولمبو منتقل کر دیے جائیں گے۔
مزدور کی کم از کم تنخواہ 4 لاکھ روپے، جواد احمد کے دعوے پر سوشل میڈیا صارفین کا دلچسپ ردعمل