پی ایس ایل سیزن 10: لاہور ٹریفک پولیس کا پارکنگ و روڈ مینجمنٹ پلان جاری
اشاعت کی تاریخ: 25th, May 2025 GMT
سٹی42: پاکستان سپر لیگ (پی ایس ایل) سیزن 10 کا فائنل آج کوئٹہ گلیڈی ایٹرز اور لاہور قلندرز کے درمیان کھیلا جائے گا جس کے لیے ٹریفک پولیس لاہور نے جامع ٹریفک اور پارکنگ پلان جاری کر دیا ہے۔
سی ٹی او لاہور ڈاکٹر اطہر وحید کے مطابق میچ کے دوران 600 سے زائد ٹریفک اہلکار ڈیوٹی پر مامور ہوں گے جبکہ 20 فورک لفٹرز اور 4 بریک ڈاؤن گاڑیاں ہمہ وقت تیار رہیں گی تاکہ رانگ پارکنگ اور ٹریفک کی روانی میں خلل نہ پڑے۔
غزہ:اسرائیلی بمباری سےفلسطینی خاتون ڈاکٹر کے 9 بچے شہید
ڈیفنس سے آنے والے افراد فردوس مارکیٹ سے سنٹر پوائنٹ کا لیفٹ ٹرن لے کر CBD میں گاڑیاں پارک کریں گے۔فیروز پور روڈ سے آنے والے افراد کلمہ چوک سے ٹرن لے کر نیشنل پارک سے گورنمنٹ کالج گلبرگ میں پارکنگ کریں گے۔
ڈیفنس، کینٹ سے آنے والے شرکاء حسین چوک یا شیرپاؤ برج سے ہوتے ہوئے مین بلیوارڈ گلبرگ سے لبرٹی پارکنگ کا رخ کریں گے۔مغل پورہ، گڑھی شاہو سے آنے والے افراد مین بلیوارڈ گلبرگ سے سن فورٹ ہوٹل لبرٹی پارکنگ میں گاڑیاں پارک کر سکتے ہیں۔سی ٹی او لاہور نے واضح کیا کہ کسی بھی روڈ کو مستقل بند نہیں کیا جائے گا۔تمام اہم سڑکیں، بشمول مال روڈ، جیل روڈ، کینال روڈ، فیروزپور روڈ اور مین بلیوارڈ گلبرگ، ٹریفک کے لیے کھلی رہیں گی۔
کوہ پیما سعد منور نے بھی دنیا کی بلند ترین چوٹی ماؤنٹ ایورسٹ سر کر کے پاکستان کا نام روشن کر دیا
ذریعہ: City 42
کلیدی لفظ: سے آنے والے
پڑھیں:
میں نے پہلے ای چالان کی معافی کی ہدایت جاری کر دی ہے؛ مراد علی شاہ
ویب ڈیسک : سندھ کے وزیر اعلیٰ مراد علی شاہ نے کہا ہے کہ میں نے پہلے ای چالان کی معافی کی ہدایت جاری کر دی ہے، دوبارہ ٹریفک قوانین کی خلاف ورزی کرے گا اس کو چالان ادا کرنا ہوگا۔
ٹریفک قوانین کی خلاف ورزی کرنے والوں کے ای چالان کے حوالے سے آئی جی پولیس غلام نبی میمن نے تیار کردہ رپورٹ وزیر اعلیٰ مراد علی شاہ کو پیش کی۔ اس رپورٹ کے مطابق ای ٹکٹنگ سسٹم کے تحت 35 سرکاری گاڑیوں کا چالان کیا ہے، سیٹ بیلٹ، جمپنگ ریڈ لائیٹس، ٹینڈگلاسز اور موبائل کے استعمال پر گاڑیوں کا ای چالان ہوا۔
یو ٹیوبرز کے لیے خوشخبری ؛ غیر معیاری ویڈیوز کو فوری طور پر بہتر بنانے کا نیا فیچر متعارف
وزیر اعلیٰ مراد علی شاہ نے آئی جی پولیس غلام نبی میمن سے پہلے ای چالان کی تفصیلات طلب کیں جس میں بتایا گیا کہ ای ٹکٹنگ سسٹم کے تحت پولیس کی سرکاری گاڑی SPE-950 کو سیٹ بیلٹ خلاف ورزی پر چالان کیا گیا۔ ڈی آئی جی ٹریفک پیر محمد شاہ نے وزیر اعلیٰ سندھ کو بتایا کہ لیاری ایکسپریس وے پر 28 اکتوبر کو دوپہر 01:36 بجے پولیس گاڑی کا پہلا چالان کیا گیا، ڈرائیور نے گارڈن لیاری ایکسپریس وے پر 2 مقامات پر سیٹ بیلٹ نہیں باندھی تھی۔
ریلوےکوارٹرزکی غیرقانونی الاٹمنٹ پر 10 کروڑ روپے کی رشوت;4ملازم گرفتار مزید 19 کے ملوث کا انکشاف
وزیر اعلیٰ مراد علی شاہ نے کہا کہ سندھ پولیس کا جدید ای ٹکٹنگ سسٹم مؤثر ثابت ہو رہا ہے، تمام شہریوں کے مساوی حقوق ہیں قانون پر عملدرآمد یقینی بنایا جائے۔
وزیر اعلیٰ مراد علی شاہ نے شہریوں کو ہدایت کی کہ اپنی حفاظت کی خاطر ٹریفک قوانین کی پاسداری کریں، مہذب شہری ہمیشہ ٹریفک قوانین پر عمل کرتے ہیں۔ انہوں نے کہا کہ میں نے پہلے چالان کی معافی کی ہدایت جاری کر دی ہے، دوبارہ ٹریفک قوانین کی خلاف ورزی کرے گا اس کو چالان ادا کرنا ہوگا، پولیس بھی قانون سے بالاتر نہیں ہے۔
وزیراعظم کی سیلز ٹیکس فراڈ کرنیوالے اداروں، کمپنیوں اور افراد کیخلاف سخت قانونی کارروائی کی ہدایت
آئی جی پولیس غلام نبی میمن نے کہا ہے کہ پہلی مرتبہ ای چالان ہونے پر 10 یوم میں رابطہ کر کے معافی کے ساتھ فیس معاف ہو سکتی ہے۔
پاکستان میں کاروبار کرنا مشکل، رکاوٹیں کھڑی کرنا آسان ہے: وزیراعلیٰ پنجاب