ماہرہ خان کا کراچی کی حالت زار پر افسوس کا اظہار
اشاعت کی تاریخ: 6th, October 2025 GMT
کراچی:
نامور پاکستانی اداکارہ ماہرہ خان نے کراچی کی حالت زار پر افسوس کا اظہار کردیا۔
ماہرہ خان نے انسٹاگرام پر کراچی کے مختلف علاقوں کی تصاویر شیئر کی جس کے ساتھ انہوں نے اپنے پیغام میں لکھا کہ کبھی کبھی میں اپنے شہر کو دیکھ کر حیران رہ جاتی ہوں۔ مجھے اپنے کام کے سلسلے میں ایسی جگہوں پر جانے کا موقع ملتا ہے جہاں شاید میں کبھی خود سے نہ جا پاتی۔ مجھے ایسی گلیاں اور بستیاں دیکھنے کا موقع ملا جنہیں میں نے پہلے کبھی نہیں دیکھا تھا۔
اداکارہ نے لکھا کہ ہم سب اپنی چھوٹی سی دنیا میں رہتے ہیں۔ پریشانیاں سب کو ہوتی ہیں لیکن میں نے کراچی میں ایسے علاقوں کو بھی دیکھا جہاں لوگ ہمیشہ سے تکلیف میں ہیں، یہاں گھنٹوں بجلی نہیں ہوتی، کھانے کو بمشکل کچھ میسر ہوتا ہے اور گندگی ہفتوں جمع رہتی ہے، اس شہر میں امیر اور غریب کا فرق بہت زیادہ ہے۔
ماہرہ خان نے لکھا کہ ان سب مسائل کے باوجود کراچی کی زندگی میں اُمید اور محبت کی جھلک اب بھی موجود ہے۔ میں نے یہاں بچوں کو ہنستے کھیلتے دیکھا، ماؤں کو اپنے بیٹوں کے لیے تازہ پراٹھے بناتے دیکھا، وہ بیٹے جو روزی کمانے کے لیے نکل رہے تھے۔
ماہرہ خان نے لکھا کہ میں نے کراچی میں ایک ایسی گلی بھی دیکھی جہاں مندر، چرچ اور مسجد ایک ہی دیوار شیئر کر رہے تھے۔ میں نے لوگوں کے چہروں پر وہ مسکراہٹیں دیکھیں جن میں اداسی تھی مگر ساتھ ہی امید بھی تھی۔
ماہرہ خان نے آخر میں اپنے شہر سے محبت کا اظہار کرتے ہوئے لکھا کہ کراچی میں تم سے پیار کرتی ہوں۔ افسوس ہے کہ ہم تمہاری ویسی دیکھ بھال نہیں کر پائے جیسے تم ہماری کرتے ہو۔
.ذریعہ: Daily Mumtaz
کلیدی لفظ: ماہرہ خان نے لکھا کہ
پڑھیں:
دیپیکا پڈوکون کے پیچھے چلتے ہوئے رنبیر کپور اپنی کار بھول گئے
بالی ووڈ اداکار رنبیر کپور اور دیپیکا پڈوکون کی ممبئی ایئر پورٹ پر حالیہ ملاقات کے بعد ان کے ایک ساتھ سفر کرنے کی ویڈیو انٹرنیٹ پر وائرل ہو گئی۔
بھارتی میڈیا کے مطابق بالی ووڈ اداکار رنبیر کپور اور دیپیکا پڈوکون گزشتہ صبح ممبئی ایئر پورٹ پر ایک بار پھر ملے، ان کی ملاقات کی کئی تصاویر اور ویڈیوز آن لائن سامنے آئیں، جنہیں دیکھ کر مداح بہت خوش ہوئے، اب ایک اور ویڈیو وائرل ہوئی ہے جس میں دکھایا گیا ہے کہ ایئر پورٹ سے باہر نکلتے ہوئے رنبیر دیپیکا کے پیچھے چلتے ہوئے لگ بھگ اپنی گاڑی ہی بھول گئے۔
ایک فین پیج کی جانب سے شیئر کیے گئے ویڈیو کلپ میں رنبیر اور دیپیکا کو اپنے سیکیورٹی اہلکاروں کے ساتھ ایئر پورٹ سے باہر نکلتے دیکھا جا سکتا ہے، جہاں دیپیکا آگے چل رہی تھیں جبکہ رنبیر ان کے بالکل پیچھے تھے، جیسے ہی رنبیر کے ڈرائیور نے ان کے لیے کار کا دروازہ کھولا، مگر وہ توجہ دیے بغیر دیپیکا کے پیچھے چلتے رہے، جب دیپیکا اپنی گاڑی تک پہنچ گئیں، تب رنبیر کو احساس ہوا کہ وہ اپنی گاڑی کے پاس سے گزر چکے ہیں، پھر وہ مڑے اور اپنے اس بھلکڑ پن پر انہیں خود ہی ہنستے دیکھا جا سکتا ہے۔
یہ ویڈیو دیکھ کر ان کے مداح اس پر تبصرے کیے بغیر نہ رہ سکے، ایک مدا ح نے سوال اٹھایا ہے کہ دیپیکا کے ارد گرد یہ اتنے مضحکہ خیز کیوں ہو جاتے ہیں؟
ایک مداح نے کمنٹ کیا ہے کہ یہ بالکل بچے ہیں، کسی اور نے لکھا ہے کہ بھائی بھول گئے کہ انہیں کہاں جانا ہے، تیسرے صارف نے لکھا کہ جب انہوں نے دیپیکا کو دیکھا تو ان کا دماغ بند ہو گیا۔
ایک کمنٹ لکھا گیا کہ میں اس بات کو بھلا نہیں پا رہا، یہ کتنے پیارے ہیں، ایک اور نے لکھا کہ میں ہنسنا بند نہیں کر پا رہا اور یہ دیپیکا پڈوکون کا اثر ہے۔
اس سے قبل بھی ان کی ممبئی ایئر پورٹ پر دیپیکا سے ملاقات کی ایک اور ویڈیو وائرل ہوئی تھی، اس کلپ میں رنبیر کو دیپیکا کی جانب ہاتھ ہلاتے ہوئے دیکھا گیا تھا جو ایئر پورٹ کارٹ میں اپنے گیٹ کی طرف جا رہی تھیں۔
رنبیر کو دیکھ کر دیپیکا فوراً رک گئیں اور رنبیر کا انتظار کرنے لگی تھیں، جس کے بعد رنبیر ان کے برابر میں بیٹھ گئے اور کارٹ کے چلنے سے پہلے دونوں نے گرم جوشی سے بغلگیر ہو کر بات چیت بھی کی، بعد میں جب وہ ممبئی واپس لوٹتے ہوئے دیکھے گئے، تو انہیں اپنی اپنی گاڑیوں کی طرف جانے سے پہلے دوستانہ انداز میں الوداعی گلے ملتے دیکھا گیا۔
یاد رہے کہ رنبیر اور دیپیکا کی پہلی ملاقات فلم 2008ء میں فلم ’بچنا اے حسینو ‘ کے سیٹ پر ہوئی تھی اور اس کے بعد انہوں نے 2 سال تک ایک دوسرے کو ڈیٹ کیا تھا، بعد میں بریک اپ کے باوجود انہوں نے ’یہ جوانی ہے دیوانی‘ اور ’تماشہ‘ جیسی ہٹ فلموں میں ایک ساتھ کام کیا۔
دیپیکا نے 2018ء میں رنویر سنگھ سے شادی کی تھی جبکہ رنبیر نے 2022ء میں عالیہ بھٹ سے شادی کی، اب دیپیکا اور رنویر بیٹی دعا کے جبکہ رنبیر اور عالیہ راہا کے والدین ہیں۔
ماورا حسین کی سالگرہ کی دلکش تصاویر نے سوشل میڈیا پر دھوم مچادی