اقوامِ متحدہ کی 80ویں سالگرہ، پاکستان کا کثیرالجہتی تعاون کا عزم
اشاعت کی تاریخ: 24th, October 2025 GMT
فائل فوٹو
اقوامِ متحدہ کے قیام کی 80ویں سالگرہ کے موقع پر پاکستان نے عالمی امن، ترقی اور انسانی وقار کے فروغ کے لیے اپنے عزم کو ایک بار پھر دہرا دیا۔
وزارتِ خارجہ کی جانب سے جاری بیان میں کہا گیا کہ اقوامِ متحدہ عالمی تنازعات کے حل، انسانی بحرانوں سے نمٹنے اور ماحولیاتی چیلنجز پر قابو پانے کی بھرپور صلاحیت رکھتا ہے۔
ترجمان دفترِ خارجہ کا کہنا تھا کہ پاکستان کی خارجہ پالیسی مساوات، عدم مداخلت، حقِ خودارادیت اور تنازعات کے پُرامن حل کے اصولوں پر مبنی ہے۔
ان کا کہنا تھا کہ پاکستان 1960 سے اقوامِ متحدہ کے امن مشنز میں فعال کردار ادا کر رہا ہے اور عالمی امن کے قیام کےلیے اپنی خدمات جاری رکھے گا۔
دفترِ خارجہ نے کہا کہ بھارت کے زیر قبضہ جموں و کشمیر اور فلسطین میں اقوامِ متحدہ کے اصولوں کی مسلسل خلاف ورزیاں کی جا رہی ہیں، جو عالمی ضمیر کے لیے لمحہ فکریہ ہیں۔
ترجمان نے مزید کہا کہ پاکستان اقوامِ متحدہ اور سلامتی کونسل کے پلیٹ فارم سے عالمی امن و انصاف کے فروغ میں اپنا مؤثر کردار ادا کرتا رہے گا۔
انہوں نے اس عزم کا اعادہ کیا کہ وہ اقوامِ متحدہ کے منشور کی روشنی میں امن، ترقی اور انسانی وقار کےلیے اپنی کاوشیں جاری رکھے گا۔
.ذریعہ: Jang News
کلیدی لفظ: متحدہ کے
پڑھیں:
نائب وزیراعظم اسحاق ڈار کی اقوام متحدہ کے ایلچی برائے روڈ سیفٹی ژان ٹوڈ سے ملاقات
نائب وزیراعظم اسحاق ڈار نے اقوام متحدہ کے ایلچی برائے روڈ سیفٹی ژان ٹوڈ سے ملاقات کی ہے۔
یہ بھی پڑھیں: اسحاق ڈار سے یورپی یونین کے نئے سفیر کی ملاقات، دوطرفہ تعلقات مضبوط بنانے پر اتفاق
جمعے کے روز نائب وزیراعظم و وزیرِ خارجہ سینیٹر محمد اسحاق ڈار نے اقوام متحدہ کے روڈ سیفٹی کے خصوصی ایلچی ژان ٹوڈ سے اسلام آباد میں ملاقات کی۔
ملاقات کے دوران اسحاق ڈار نے ژان ٹوڈ کے موٹر اسپورٹس، فلاحی سرگرمیوں اور عالمی سطح پر سڑکوں کی حفاظت کے فروغ میں نمایاں کردار کو سراہا۔
یہ بھی پڑھیں: کراچی میں نئے ٹریفک اور روڈ سیفٹی قوانین کا نفاذ
ڈپٹی وزیراعظم و وزیرِ خارجہ نے اس عزم کا اعادہ کیا کہ پاکستان شہریوں کے لیے محفوظ شاہراہوں کی فراہمی کے لیے پرعزم ہے اور اس مقصد کے حصول کے لیے اقوام متحدہ کے روڈ سیفٹی فنڈ، یو این ای سی ای اور دیگر متعلقہ اداروں کے ساتھ تعاون جاری رکھا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اقوام متحدہ پاکستان روڈ سیفٹی ژان ٹوڈ نائب وزیراعظم
سندھ حکومت کا دیوالی پر دوروزہ عام تعطیل