ایشین یوتھ گیمز: پاکستان کی مینز والی بال ٹیم نے کوارٹر فائنل میں جگہ بنا لی
اشاعت کی تاریخ: 24th, October 2025 GMT
پاکستان کی قومی مینز والی بال ٹیم نے سعودی عرب کو دلچسپ اور سنسنی خیز مقابلے کے بعد1-3 سے شکست دے کر تیسرے ایشین یوتھ گیمز کے کوارٹر فائنل میں رسائی حاصل کر لی۔
بحرین سے موصولہ اطلاعات کے مطابق، 18 سال بعد ہونے والے گیمز میں پاکستان نے گروپ ای کے دوسرے میچ میں سعودی عرب کو ہرا کرگروپ چیمپئن کے طور پر کوارٹر فائنل میں جگہ حاصل کی۔ چوتھے سیٹ میں مقابلہ انتہائی سنسنی خیز رہا اور اس وقت اسکور 24-24 تھا، جس کے بعد نیٹ فالٹ کے فیصلے کے بعد پاکستان نے فتح حاصل کی۔
سیمی فائنل میں رسائی کے لیے پاکستان اتوار کو پول ایف کی نمبر 4 ٹیم سے مقابلہ کرے گا۔ پاکستان نے اپنے ابتدائی گروپ میچ میں ازبکستان کو باآسانی 0-3 سے شکست دی تھی۔
ایشین یوتھ گیمز میں اس بار45 ممالک کے تقریباً 4 ہزار کھلاڑی حصہ لے رہے ہیں، جو26 کھیلوں کے 259 ایونٹس میں اپنی مہارتیں دکھا رہے ہیں۔ یاد رہے کہ 2013 میں چین میں دوسرے ایشین یوتھ گیمز ہوئے تھے، 2017 میں سری لنکا کے کولمبو میں گیمز کی میزبانی واپس لے لی گئی تھی، جبکہ 2019 میں کوویڈ-19 کی وجہ سے گیمز دوبارہ ملتوی ہوئے تھے۔
اس بار کے گیمز31 اکتوبر تک جاری رہیں گے۔
ذریعہ: Daily Mumtaz
کلیدی لفظ: ایشین یوتھ گیمز فائنل میں
پڑھیں:
ویمنز ورلڈکپ: جنوبی افریقا سے شکست کے بعد پاکستان سیمی فائنل کی دوڑ سے باہر
آئی سی سی ویمنز ورلڈکپ میں پاکستان ٹیم جنوبی افریقا سے شکست کے بعد سیمی فائنل کی دوڑ سے باہر ہوگئی۔
کولمبو میں کھیلے گئے میچ میں پاکستان نے ٹاس جیت کر جنوبی افریقا کو بیٹنگ کی دعوت دی تو دوسرے ہی اوور میں بارش کے باعث میچ روکنا پڑا۔
ابتدائی طور پر میچ کو 40 اوورز فی اننگز تک محدود کردیا گیا۔ جنوبی افریقا نے مقررہ 40 اوورز میں 9 وکٹوں کے نقصان پر 312 رنز بنائے۔
کپتان لورا وولوارڈٹی 90، مریزانے کیپ ناقابل شکست 68 اور سونے لوس 61 رنز بناکر نمایاں رہیں۔
پاکستان کی جانب سے سعدیہ اقبال اور نشرہ سندھو نے 3،3 جبکہ فاطمہ ثناء نے ایک وکٹ حاصل کی۔
بارش سے دوبارہ متاثر ہونے پر میچ کو 20 اوورز تک محدود کردیا گیا اور پاکستان ٹیم کو جیت کے لیے 234 رنز کا ہدف ملا۔
پاکستان ٹیم مقررہ 20 اوورز میں 7 وکٹوں کے نقصان پر 83 رنز ہی بناسکی۔ سدرہ نواز 22 رنز بناکر ناٹ آؤٹ رہیں۔
نتالیہ پرویز نے 20 اور سدرہ امین نے 13 رنز بنائے۔
جنوبی افریقا کی جانب سے مریزانے کیپ نے 3، شنگاسے نے 2 اور آیابونگا خاکا نے ایک وکٹ حاصل کی۔
Pakistan’s slim chances of making the #CWC25 semis are ended in a damp defeat to South Africa ❌ pic.twitter.com/7v71ACyWEd
— ESPNcricinfo (@ESPNcricinfo) October 21, 2025
سندھ حکومت کا دیوالی پر دوروزہ عام تعطیل