ٹرمپ ٹیرفس اعلان: یورپی یونین کی نگاہیں فوری تجارتی معاہدے پر
اشاعت کی تاریخ: 10th, July 2025 GMT
اسلام آباد (اُردو پوائنٹ ۔ DW اردو۔ 10 جولائی 2025ء) امریکی صدر ڈونلڈ ٹرمپ نے جس طرح نئے محصولات کی دھمکیاں دی ہیں اس کے بعد یوروپی یونین نے بدھ کو کہا کہ وہ چند دنوں میں امریکہ کے ساتھ ایک تجارتی معاہدہ کر سکتا ہے۔
ٹرمپ ٹیرفس: یورپی یونین اقتصادی نمو کے اہداف بدلنے پر مجبور
ٹرمپ نے، تجارتی جنگ کو وسیع کرتے ہوئے، جس نے عالمی معیشت کو بے حال کر دیا ہے، ایک روز قبل اعلان کیا تھا کہ وہ درآمدی تانبے پر 50 فیصد ٹیرف لگائیں گے اور جلد ہی سیمی کنڈکٹرز اور فارما سیوٹیکلز پر محصولات نافذ کریں گے، جس کی دھمکی وہ پہلے سے دیتے رہے ہیں۔
ٹرمپ اب کیا دھمکی دے رہے ہیں؟وائٹ ہاؤس نے بدھ کو تصدیق کی کہ ٹرمپ نے نئے ٹیرف لیٹرز جاری کیے ہیں جن میں چھ ممالک کو نشانہ بنایا گیا ہے۔
(جاری ہے)
ان میں الجزائر پر 30 فیصد، برونائی پر 25 فیصد، عراق پر 30 فیصد، لیبیا پر 30 فیصد، مالڈووا پر 25 فیصد اور فلپائن پر 20 فیصد ٹیرف لگانے کا حکم دیا گیا ہے۔
ٹرمپ نے یورپی یونین پر مجوزہ 50 فیصد محصولات فی الحال معطل کر دیے
امریکی صدر نے کہا تھا کہ بدھ کی صبح ’’کم از کم سات‘‘ نئے ٹیرف نوٹس آئیں گے، اور ان کے بعد مزید نوٹس آئیں گے۔
تازہ ترین دھمکی اس کے ایک دن بعد سامنے آئی ہے جب ٹرمپ انتظامیہ نے 14 تجارتی شراکت داروں کو ٹیرف لیٹر بھیجے، جن میں بڑے تجارتی شراکت دار جنوبی کوریا اور جاپان بھی شامل ہیں۔ انہیں یکم اگست سے 25 فیصد اور اس سے بھی زیادہ ڈیوٹی کی تنبیہ کی گئی ہے۔
ٹرمپ نے کہا کہ چین اور یورپی یونین کے ساتھ تجارتی مذاکرات ’’بہت بہتر‘‘جا رہے ہیں اور انہوں نے وعدہ کیا کہ دو دن کے اندر یورپی یونین کی نئی برآمدی شرحیں ’’شاید‘‘ ظاہر کر دی جائیں گی۔
انہوں نے منگل کو کہا کہ ’’انہوں نے ہمارے ساتھ بہت برا سلوک کیا تھا، اور اب وہ ہمارے ساتھ بہت اچھا سلوک کر رہے ہیں۔ یہ دراصل ایک مختلف دنیا کی طرح ہے۔‘‘
یورپی یونین کیا توقع کر رہی ہے؟یورپی یونین کے تجارتی سربراہ ماروس سیفکووچ نے قانون سازوں کو بتایا کہ ایک فریم ورک معاہدے پر اچھی پیش رفت ہوئی ہے اور کچھ دنوں میں معاہدہ ممکن ہو سکتا ہے۔
ٹرمپ کے نئے محصولات ’عالمی معیشت کے لیے دھچکا‘، یورپی یونین
انہوں نے یورپی یونین کے قانون سازوں کو بتایا کہ انہیں امید ہے کہ یورپی یونین کے مذاکرات کار اپنے کام کو جلد حتمی شکل دے سکتے ہیں۔ خیال رہے کہ امریکی ڈیڈ لائن 9 جولائی سے بڑھا کر یکم اگست کردی گئی ہے۔
سیفکووچ نے کہا، ’’میں ممکنہ طور پر آنے والے دنوں میں ایک تسلی بخش نتیجے پر پہنچنے کی امید کرتا ہوں۔
‘‘تاہم، اطالوی وزیر اقتصادیات نے خبردار کیا کہ بات چیت ’’بہت پیچیدہ‘‘ ہے اور آخری لمحے تک کھنچ سکتی ہے۔
اگر نئے اقدامات آگے بڑھتے ہیں، تو وہ امریکی ٹیرف کو 1934 کے بعد سے اپنی بلند ترین سطح پر لے جائیں گے۔
برازیل کی درآمدات پر 50 فیصد ٹیرف کا اعلانبدھ کے روز، ٹرمپ نے یہ بھی اعلان کیا کہ امریکہ برازیل کی تمام درآمدات پر 50 فیصد ٹیرف لگائے گا۔
یہ اعلان اس ہفتے برازیل کے صدر لوئیز اناسیو لولا ڈا سلوا کے ساتھ عوامی تنازعہ کے بعد ہوا، جنہوں نے ٹرمپ کو ’’ناپسندیدہ شہنشاہ‘‘ کہا تھا۔ٹرمپ نے ٹیرف کو برازیل کے سابق صدر جیر بولسونارو کے ساتھ کیے گئے سلوک سے جوڑا، جن پر 2023 میں دا سلوا کو اقتدار سنبھالنے سے روکنے کے لیے مبینہ طور پر بغاوت کی منصوبہ بندی کے لیے مقدمہ چل رہا ہے۔
اس کے جواب میں لولا نے ایکس پر لکھا، ’’کسی بھی یکطرفہ ٹیرف میں اضافے کا جواب برازیلی قانون برائے اقتصادی باہمی تعاون کی روشنی میں دیا جائے گا۔‘‘
ادارت: صلاح الدین زین
.ذریعہ: UrduPoint
کلیدی لفظ: تلاش کیجئے یورپی یونین کے فیصد ٹیرف انہوں نے کے ساتھ رہے ہیں کے بعد
پڑھیں:
اسپین میں امریکا اور چین کے درمیان تجارتی مذاکرات کا آغاز
میڈرڈ: امریکا اور چین کے حکام نے اسپین کے دارالحکومت میڈرڈ میں کشیدہ تجارتی تعلقات پر اہم مذاکرات شروع کر دیے ہیں۔
ان مذاکرات میں امریکی پابندیوں، روسی تیل کی خریداری، اور مشہور چینی ایپ ٹک ٹاک کی امریکی آپریشنز کی فروخت کی ڈیڈ لائن پر بات چیت ہو رہی ہے۔
رائٹرز کے مطابق امریکی وزیر خزانہ اسکاٹ بیسنٹ اور تجارتی نمائندہ جیمیسن گریئر نے میڈرڈ میں چینی نائب وزیراعظم ہی لی فینگ اور اعلیٰ تجارتی مذاکرات کار لی چنگ گانگ سے ملاقات کی۔ یہ ملاقات گزشتہ چار ماہ میں دونوں ممالک کے درمیان یورپ میں چوتھی بڑی نشست ہے۔
ماہرین کا کہنا ہے کہ اس اجلاس سے کسی بڑے بریک تھرو کی توقع کم ہے، تاہم امکان ہے کہ ٹک ٹاک کی فروخت کی ڈیڈ لائن میں توسیع کر دی جائے گی، ورنہ اسے امریکا میں بندش کا سامنا ہوگا۔
امریکی صدر ڈونلڈ ٹرمپ نے 10 نومبر تک چینی مصنوعات پر موجودہ محصولات برقرار رکھنے کا فیصلہ کیا ہے، جبکہ ماہرین کے مطابق بڑے فیصلے ممکنہ طور پر سال کے آخر میں ٹرمپ اور چینی صدر شی جن پنگ کی ملاقات میں متوقع ہیں۔
مذاکرات میں روسی تیل کی خریداری پر دباؤ بڑھانے، برآمدی کنٹرولز اور امریکی اتحادیوں کو اضافی محصولات کے حوالے سے بھی بات چیت ہو رہی ہے۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ