وزیراعلیٰ خیبر پختونخوا کا استعفیٰ باقاعدہ طور پر گورنر ہاؤس کو موصول
اشاعت کی تاریخ: 11th, October 2025 GMT
وزیراعلیٰ خیبر پختونخوا کا استعفیٰ باقاعدہ طور پر گورنر ہاؤس کو موصول ہوگیا۔
گورنر ہاؤس خیبر پختونخوا کے ترجمان کے مطابق آج دوپہر 2 بج کر 30 منٹ پر وزیراعلیٰ خیبر پختونخوا کا اپنے عہدے سے دستنویس استعفیٰ باقاعدہ طور پر گورنر ہاؤس کو موصول ہوا اور اس کی وصولی کی تصدیق بھی کر دی گئی ہے۔
گورنر خیبر پختون خوا نے کہا کہ آئینِ پاکستان اور متعلقہ قوانین کے مطابق استعفے کی جانچ پڑتال اور قانونی تقاضوں کی تکمیل کے بعد، وزیراعلیٰ کا استعفیٰ آئینی طریقہ کار کے تحت عمل میں لایا جائے گا۔
گورنر کے پی نے مزید کہا کہ گورنر ہاؤس تمام آئینی و قانونی تقاضوں کو مدنظر رکھتے ہوئے معاملے کو شفاف اور منظم انداز میں آگے بڑھائے گا۔
Today at 2:30 pm, the handwritten resignation advice of the CM Khyber Pakhtunkhwa was duly received and acknowledged by Governor House.
After thorough scrutiny and legal formalities as per the Constitution & relevant laws, subject resignation will be processed in due course of… pic.twitter.com/wD9phdWUIQ — Faisal Karim Kundi (@fkkundi) October 11, 2025
ذرائع کے مطابق وزیراعلیٰ خیبر پختونخوا کے استعفے کے بعد گورنر ہاؤس میں اس وقت ابتدائی قانونی کارروائیاں مکمل کر لی گئی ہیں، تاہم گورنر خیبر پختونخوا فیصل کریم کنڈی نے معاملے پر حتمی آئینی رائے پیر کے روز حاصل کرنے کا فیصلہ کیا ہے۔
ذرائع کے مطابق ہفتہ وار تعطیل (اتوار) کے باعث گورنر ہاؤس کا قانونی عملہ کل دستیاب نہیں ہوگا، لہٰذا بروز پیر معمولات زندگی کے آغاز کے ساتھ ہی گورنر اپنی قانونی ٹیم سے مشاورت کریں گے۔ اس مشاورت میں وزیراعلیٰ کے استعفے سے متعلق آئینی تقاضوں، ممکنہ پیچیدگیوں اور آئندہ کے لائحہ عمل پر غور کیا جائے گا۔
ذرائع کا کہنا ہے کہ گورنر فیصل کریم کنڈی آئینی اور قانونی امور کو مدنظر رکھتے ہوئے کسی بھی فیصلے سے قبل مکمل قانونی رائے اور متعلقہ دستاویزات کا جائزہ خود لیں گے۔
وزیراعلیٰ نے اس سے قبل تحریری ٹائپ شدہ استعفی 8 اکتوبر کو ارسال کیاتھا، ذرائع نے کہا کہ وزیراعلیٰ کا پہلا ارسال کردہ استعفیٰ پراسرارطور پر غائب ہوچکاہے۔
ذریعہ: Express News
کلیدی لفظ: خیبر پختونخوا گورنر ہاؤس کے مطابق
پڑھیں:
گورنر خیبر پختونخوا نے علی امین گنڈاپور کا استعفیٰ اعتراض لگا کر واپس کردیا
گورنر خیبر پختونخوا فیصل کریم کنڈی نے وزیراعلیٰ علی امین گنڈاپور کے دستخط پر اعتراض کر کے ان کا استعفی واپس کر دیا۔
گورنر خیبر پختونخوا فیصل کریم کنڈی نے وزیر اعلیٰ علی امین گنڈاپور کو مبینہ استعفوں کی تصدیق کے لیے 15 اکتوبر کو گورنر ہاؤس طلب کرلیا ہے۔
یہ بھی پڑھیے: علی امین گنڈاپور کا استعفیٰ موصول ہو چکا، منظوری تک وہ وزیراعلیٰ رہیں گے، گورنر خیبرپختونخوا
گورنر ہاؤس سے جاری خط کے مطابق، گورنر کو 8 اور 11 اکتوبر 2025 کو وزیر اعلیٰ کے دفتر سے دو استعفے موصول ہوئے ہیں جن پر غیر مشابہ اور مختلف دستخط ہیں۔
فیصل کریم کنڈی نے اپنے خط میں کہا کہ وہ فی الحال شہر سے باہر ہیں اور 15 اکتوبر کی شام پشاور واپس آئیں گے۔ لہٰذا، وزیر اعلیٰ کو ہدایت کی گئی ہے کہ وہ 15 اکتوبر کو سہ پہر 3 بجے گورنر ہاؤس آئیں تاکہ استعفوں کی اصل حیثیت کی تصدیق کی جا سکے اور معاملہ آئین پاکستان کے مطابق نمٹایا جا سکے۔
اس سے قبل گزشتہ دنوں گورنر خیبر پختونخوا فیصل کریم کنڈی نے کہا ہے کہ علی امین گنڈاپور کا استعفیٰ موصول ہو چکا ہے، تاہم اس کی منظوری تک وہ بدستور وزیراعلیٰ کے عہدے پر برقرار رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
استعفی گورنر خیبرپختونخوا وزیراعلیٰ علی امین گنڈاپور
26ویں آئینی ترمیم کیس کی سماعت براہِ راست نشر کرنے کی درخواستیں منظور