غیر قانونی بھارتی تارک وطن لوگوں کی زندگیوں کے دشمن بن گئے، نشے میں ڈرائیونگ کی ویڈیو وائرل
اشاعت کی تاریخ: 24th, October 2025 GMT
غیر قانونی بھارتی تارک وطن لوگوں کی زندگیوں کے دشمن بن گئے۔ کیلیفورنیا میں ایک غیر قانونی بھارتی تارکِ وطن جشانپریت سنگھ نے نشے کے زیر اثر ڈرائیونگ کرتے ہوئے اپنے ٹرک سے کئی گاڑیوں میں ٹکر مار دی، جس کے نتیجے میں 3 افراد جاں بحق ہو گئے، حادثے کی ویڈیو سوشل میڈیا پر وائرل ہو گئی ہے۔
خوفناک ویڈیو میں دکھایا گیا ہے کہ 21 سالہ غیر قانونی بھارتی تارکِ وطن کے زیرِ قیادت ایک بڑا ٹرک کیلیفورنیا کی سڑک پر کئی گاڑیوں سے ٹکرا گیا، جس کے نتیجے میں 3 افراد ہلاک اور کئی زخمی ہوگئے۔
???? ALL of America should be FURIOUS right now.
TOP: Indian illegal alien Jashanpreet Singh causes multiple deaths while driving a semitruck in CA
BOTTOM: Indian illegal alien Harjinder Singh causes multiple deaths while driving semitruck in FL
Both resided in Newsom's… pic.twitter.com/XraWLUzRqI
— Eric Daugherty (@EricLDaugh) October 23, 2025
جشانپریت سنگھ 2022 میں غیر قانونی طور پر امریکہ میں داخل ہوا تھا اور اسے نشے کی حالت میں ڈرائیونگ کے دوران غفلت سے قتل (گروس ویہیکولر مین سلاٹر) کے الزامات کا سامنا ہے۔
پولیس کے مطابق، سنگھ کا سیمی ٹرک سان برنارڈینو کاؤنٹی کی I-10 فری وے پر سست رفتار ٹریفک سے ٹکرا گیا، جس سے زبردست آگ بھڑک اٹھی اور تین افراد ہلاک اور کئی زخمی ہوگئے۔ پولیس کا کہنا ہے کہ بھارتی تارک وطن نے بریک نہیں لگائی۔ بعد میں تحقیق سے ثابت ہوا کہ وہ منشیات کے زیر اثر تھا۔
یہ بھی پڑھیں: سعودی عرب ٹریفک حادثہ، بونیر سے تعلق رکھنے والے ایک ہی خاندان کے 7 عمرہ زائرین جاں بحق
پولیس نے بتایا کہ اسے اسپتال لے جایا گیا اور میڈیکل اسٹاف نے چیک کیا۔ ہمارے افسران نے تعین کیا کہ وہ نشے کی حالت میں گاڑی چلا رہا تھا۔ تفتیش کاروں نے کہا کہ ویڈیو ثابت کرتی ہے کہ حادثے کی اصل وجہ ڈرائیور کی لاپرواہی تھی۔ سنگھ کے ٹرک کے سامنے کوئی گاڑی اچانک نہیں آئی، اور نہ ہی کسی میکانیکی خرابی کی وجہ سے حادثہ ہوا۔
ان کا مزید کہنا تھا کہ یہ افسوسناک یاد دہانی ہے کہ زندگی کتنی قیمتی ہے اور کتنی تیزی سے کسی لاپروا ڈرائیور کی وجہ سے ختم ہو سکتی ہے۔ سب سے مشکل بات یہ جاننا ہے کہ تین لوگ کرسمس نہیں منا سکیں گے اور گھر واپس نہیں پہنچیں گے۔
یہ کیس اگست میں فلوریڈا میں ہونے والے ایک مہلک حادثے سے مشابہت رکھتا ہے جس میں ایک اور بھارتی غیر قانونی تارکِ وطن ملوث تھا۔
یہ بھی پڑھیں: ڈیرہ اسماعیل خان: داناسر میں المناک ٹریفک حادثہ، ایک ہی خاندان کے 11 افراد جاں بحق
اس حادثے میں، ہرجندر سنگھ، جو 2018 میں غیر قانونی طور پر امریکہ میں داخل ہوا تھا، نے فلورڈا کے فورٹ پیئرس میں ایک حادثہ کیا جس میں تین افراد ہلاک ہوئے۔
جشانپریت سنگھ کی طرح، ہرجندر سنگھ نے کیلیفورنیا میں کمرشل ڈرائیونگ لائسنس حاصل کیا، حالانکہ وہ غیر دستاویزی تھا۔ بعد میں تفتیش میں پتہ چلا کہ ہرجندر سنگھ نے لائسنس حاصل کرنے سے پہلے انگریزی اور سڑک کے نشانات کے ٹیسٹ میں ناکام رہا تھا۔ اس حادثے کے بعد، فلوریڈا نے کیلیفورنیا اور واشنگٹن کے خلاف مقدمہ دائر کیا، ان پر وفاقی قوانین اور ڈرائیور کی حفاظت کے قواعد نظرانداز کرنے کا الزام لگایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی ریاست ٹرانسپورٹ ڈیپارٹمنٹ ٹریفک حادثہذریعہ: WE News
کلیدی لفظ: امریکا امریکی ریاست ٹرانسپورٹ ڈیپارٹمنٹ ٹریفک حادثہ غیر قانونی بھارتی تارک
پڑھیں:
بھارتی وزیرکامسلمانوں کو نمک حرام کہنے پر تنازع کھڑا ہوگیا
وہ نمک حراموںکے ووٹ لینا نہیں چاہتے، بھارتی وزیرکابیان سوشل میڈیا پر وائرل
جو بی جے پی کو ووٹ نہیں دے گا اسے پاکستان بھیج دیا جائیگا،گری راج سنگھ کا خطاب
بھارت کی حکمران جماعت بھارتیہ جنتا پارٹی (بی جے پی) کے رہنما کی جانب سے مسلمانوں کو نمک حرام کہنے پر تنازع کھڑا ہوگیا۔بی جے پی کے سینیٔر رہنما اور وفاقی وزیر گری راج سنگھ نے بہار کے ضلع ارول میں 18 اکتوبر کو ایک جلسے کے دوران اپنے خطاب میں مسلمانوں کے حوالے سے کہا کہ وہ ’نمک حراموں‘ کے ووٹ لینا نہیں چاہتے، ان کا یہ بیان اگلے ہی روز سوشل میڈیا پر وائرل ہوگیا۔وائرل ویڈیو میں گری راج سنگھ نے اقلیتی برادری کے افراد کو تنقید کا نشانہ بناتے ہوئے کہا کہ وہ بی جے پی کو ووٹ نہیں دیتے، حالانکہ انہیں مختلف سرکاری اسکیموں سے فائدہ پہنچا ہے۔انہوں نے بتایا کہ ایک موقع پر ان کی ایک عالم دین سے گفتگو ہوئی، ’میں نے ان سے پوچھا کہ کیا تمہیں آیوشمان کارڈ ملا؟ انہوں نے کہا ہاں، میں نے پوچھا کہ کیا ہندوؤں اور مسلمانوں میں کوئی امتیاز کیا گیا؟ انہوں نے کہا نہیں۔ پھر میں نے پوچھا کہ کیا آپ نے مجھے ووٹ دیا؟ انہوں نے کہا ہاں، جب میں نے کہا اللہ کی قسم کھاؤ تو انہوں نے کہا کہ نہیں، ووٹ نہیں دیا‘۔گری راج سنگھ نے مزید کہا کہ جو احسان نہیں مانتے وہ ’نمک حرام‘ کہلاتے ہیں۔ ’میں نے صاف کہا کہ ہمیں نمک حراموں کے ووٹ درکار نہیں‘۔بھارتی وزیر کے بیان پر اپوزیشن جماعتوں نے سخت ردعمل ظاہر کیا ہے۔ راشٹریہ جنتا دل (آر جے ڈی) کے رہنما مرتنجے تیواری نے الزام لگایا کہ وفاقی وزیر جان بوجھ کر مذہبی منافرت کو ہوا دے رہے ہیں۔ انہوں نے کہا کہ ’جب بھی کسی ریاست میں الیکشن ہوتے ہیں، بی جے پی لیڈر ہندو-مسلم کارڈ کھیلتے ہیں۔ وہ اس سے آگے سوچ ہی نہیں سکتے۔ یہ وہی لیڈر ہیں جنہوں نے پہلے کہا تھا کہ جو بی جے پی کو ووٹ نہیں دے گا اسے پاکستان بھیج دیا جائے گا۔ بی جے پی پچھلے 11 سال سے اقتدار میں ہے، کیا انہوں نے کسی کو پاکستان بھیجا؟‘انہوں نے مزید کہا کہ ’بہار کے عوام ایسے رہنماؤں سے تنگ آ چکے ہیں، جو تلواریں بانٹنے کی سیاست کرتے ہیں‘۔پورنیہ سے رکنِ پارلیمنٹ راجیش رنجن عرف پپو یادو نے بھی گری راج سنگھ پر تنقید کرتے ہوئے کہا کہ ’بی جے پی لیڈر کو پہلے اپنے گریبان میں جھانکنا چاہیے اور دیکھنا چاہیے کہ آزادی کی جدوجہد میں غدار کون تھے‘۔
سندھ حکومت کا دیوالی پر دوروزہ عام تعطیل