لاہور سے دن دہاڑے اغوا کی جانے والی خاتون اور بچے باحفاظت بازیاب، گرفتار ملزم کون ہے؟
اشاعت کی تاریخ: 25th, May 2025 GMT
لاہور:
لاہور کے علاقے ڈیفنس اے سے خاتون اور تین بچوں کو اغوا کرنے والے شخص کو پولیس نے گرفتار کر کے خاتون اور بچوں کو باحفاظت بازیاب کروالیا۔
ایکسپریس نیوز کے مطابق ڈیفنس اے، میں خاتون کو اغواء کے معاملے پر پولیس نے فوری ایکشن لیتے ہوئے ضلع وہاڑی کی تحصیل لڈن سے ملزم کو گرفتار کر کے خاتون اور تین بچوں کو بازیاب کروالیا۔
پولیس کے مطابق ملزم کی شناخت ایوب کے نام سے ہوئی جو خاتون کا شوہر اور بچوں کا باپ ہے اور اُس نے اپنے ساتھیوں کے ہمراہ دن دہاڑے کاتون کو اغوا کیا تھا۔
ڈی آئی جی آپریشنز نے واقعہ کا نوٹس لے کر اسپیشل ٹیم تشکیل دی تھی، جس نے جدید ٹیکنالوجی کی مدد سے ملزمان کا سراغ لگایا اور ریکی کر کے انہیں گرفتار کیا۔
ڈی آئی جی آپریشنز کا کہنا ہے کہ مغویہ کو بچوں سمیت بحفاظت بازیاب کروا لیا گیا، وقوعہ میں استعمال ہونے والی مہران گاڑی نمبری 6613 بھی برآمد کر لی گئی۔
ڈی آئی جی آپریشنز فیصل کامران کی ایس پی کینٹ، ایس ایچ او سمیت پوری ٹیم کو شاباش دی اور کہا کہ خواتین اور بچے ہماری ریڈ لائن، کسی بھی قسم کی ذیادتی ہرگز برداشتت نہیں ہے۔
انہوں نے کہا کہ قانون کو ہاتھ لینے والے کسی بھی رعائت کے مستحق نہیں ہیں۔ ابھی تک اغوا کی وجہ سامنے نہیں آسکی تاہم امکان ہے کہ خاتون شوہر کے ساتھ نہیں رہ رہی تھی جس پر اُس نے یہ قدم اٹھایا۔
.ذریعہ: Express News
کلیدی لفظ: خاتون اور
پڑھیں:
استنبول جانے والی پرواز میں ٹیک آف کے فوراً بعد فنی خرابی، لاہور ایئرپورٹ پر ہنگامی لینڈنگ
data-id="863a0a8" data-element_type="widget" data-widget_type="theme-post-content.default">
لاہور کے علامہ اقبال انٹرنیشنل ایئرپورٹ پر اُس وقت سنسنی خیز صورت حال پیدا ہو گئی جب ترکی ایئرلائن کی ایک بین الاقوامی پرواز، جو استنبول کے لیے روانہ ہو رہی تھی، روانگی کے فوراً بعد غیر متوقع تکنیکی خرابی کا شکار ہو گئی۔
پائلٹ کی فوری مہارت اور کنٹرول ٹاور کے بروقت ردعمل کی بدولت طیارے کو بحفاظت واپس ایئرپورٹ پر اتار لیا گیا، لیکن اس تمام واقعے نے طیارے میں سوار مسافروں کو شدید ذہنی دباؤ اور خوف میں مبتلا کر دیا۔
میڈیا ذرائع کے مطابق یہ پرواز جب فضا میں بلند ہو رہی تھی تو اچانک طیارے کے ایک اہم تکنیکی نظام میں خرابی پیدا ہو گئی، جس کے بعد پائلٹ نے فوری طور پر کنٹرول ٹاور سے رابطہ کر کے ہنگامی لینڈنگ کی اجازت طلب کی۔
ایئر ٹریفک کنٹرول کی طرف سے فوری اجازت کے بعد پائلٹ نے نہایت مہارت سے طیارے کو واپس موڑا اور ایک پرسکون مگر تناؤ بھرے ماحول میں اسے لاہور ایئرپورٹ پر بحفاظت اتار دیا۔
ایوی ایشن ذرائع کا کہنا ہے کہ پائلٹ کی پیشہ ورانہ قابلیت اور تیز فیصلے نے ممکنہ بڑے حادثے کو ٹال دیا۔ لینڈنگ کے بعد طیارے کو فوری طور پر ٹیکنیکل ایریا میں منتقل کر دیا گیا، جہاں ماہر انجینئرز نے طیارے کا تفصیلی معائنہ شروع کر دیا ہے تاکہ خرابی کی اصل نوعیت اور وجہ کا تعین کیا جا سکے۔
پرواز میں موجود تمام مسافروں کو فوری طور پر جہاز سے بحفاظت باہر نکالا گیا اور ایئرپورٹ لاؤنج میں منتقل کر دیا گیا، جہاں انہیں تازہ صورتحال سے آگاہ کرنے اور متبادل پرواز سے متعلق بریفنگ دی جا رہی ہے۔
مسافروں میں شامل کئی افراد نے اس واقعے کے بعد اپنے تحفظات اور خوف کا اظہار کیا، کچھ کہا کہ لینڈنگ سے قبل جہاز کے اندر گھبراہٹ اور بے چینی کا ماحول تھا، تاہم عملے نے مسافروں کو پرسکون رکھنے کی بھرپور کوشش کی۔
ایئرلائن انتظامیہ نے واقعے کے بعد فوری طور پر صورتحال کا جائزہ لینا شروع کردیا ہے اور تکنیکی ٹیم کو طیارے کی مکمل جانچ پڑتال کی ہدایت جاری کی گئی ہے۔
اس واقعے کے بعد مسافروں کے لیے متبادل پرواز کی فراہمی کے حوالے سے ایئرلائن کی کوششیں جاری ہیں اور توقع ہے کہ جلد ہی انہیں نئی فلائٹ کے ذریعے منزل کی طرف روانہ کیا جائے گا۔
ملک بھر میں مون سون بارشوں کی پیشگوئی؛ کئی علاقوں میں سیلاب و لینڈسلائیڈنگ کا خدشہ