روشن اور تاریک پہلو (پہلا حصہ)
اشاعت کی تاریخ: 25th, May 2025 GMT
ہر چیز کے دو پہلو ہوتے ہیں، ایک روشن دوسرا تاریک۔ اب دیکھنا یہ ہے کہ کن پہلوؤں سے کون کون لوگ فائدے اٹھاتے ہیں۔ اس کا سیدھا سا جواب یہ ہے کہ جس کی جیسی سوچ یا خیالات ہوں گے وہ اپنی ہی پسندیدہ چیزوں کا انتخاب کرے گا۔ مثبت اور منفی سوچ تعلیم و تربیت اورگھر کے ماحول سے ملتی ہے۔
والدین اورگھر کے بڑے بچوں کو جو بتائیں گے اور فوائد و نقصان سے آگاہ کریں، بچے وہی سیکھیں گے لیکن آج کے دور میں تربیت کا فقدان ہے اسی وجہ سے چھوٹے بڑے بچے، طلبا وطالبات برائیوں کی طرف راغب ہیں جھوٹ بولنا، نشہ کرنا، روپے پیسے میں بد دیانتی روزکا معمول بن چکا ہے۔
سوشل میڈیا گویا یہ ایک تربیت گاہ اور معلومات کا بیش بہا خزانہ ہے، اب یہ طالب پر منحصر ہے کہ وہ اپنے لیا کیا پسند کرتا ہے، برباد ہونا چاہتا ہے تو تباہ ہونے کے ذرایع اورگُر سکھائے جاتے ہیں اور اگر اپنے معاشرے بلکہ پوری دنیا میں نام اور دولت حاصل کرنے کا خواہش مند ہے تو یہ آرزو بھی محنت اور کوشش کے بل پر آسانی یا مشکل سے مل ہی جاتی ہے۔
آج کے نوجوان دن رات سوشل میڈیا پر فلمیں، ڈرامے اور موسیقی دیکھنے میں گزار دیتے ہیں، انھیں اپنے مستقبل کی فکر ہے اور نہ بوڑھے والدین کے دکھ بیماری کا احساس ہے، وہ دونوں جوانی کے دنوں سے آج تک محنت کرنے میں مصروف ہیں تب کہیں بچوں کی تعلیم، علاج معالجہ اورگھر کا خرچ چلاتے ہیں لیکن بے فکر اور بگڑی ہوئی اولاد تفریح کے مزے لوٹتی ہے اور بات بات پر اپنے والدین سے اونچی آواز میں بات کرتی ہے اور اپنی فرمائشیں پوری کرانے کے لیے ان کی جمع پونجی محض اکڑ اور دھونس کے ساتھ ہتھیا لیتی ہے۔
اس کاہل اور ناکردہ قوم کے پاس موبائل میں کارڈ لوڈ کرانے کے پیسے بھی نہیں ہوتے ہیں، نہ دوستوں کے ساتھ گھومنے پھرنے کے، لہٰذا بے چارے والدین اپنی نالائق اورگستاخ اولاد کو اپنی ضرورتوں کے پیسے دینے پر مجبور ہو جاتے ہیں، انکار کی صورت میں جوان اولاد اپنے بوڑھے باپ سے ہاتھا پائی کرنے کے لیے تیار ہو جاتی ہے اور بے شمار ماں باپ ایسے بھی ہیں جن کی اولادیں باقاعدہ ڈنڈوں اور جوتوں سے ان کے سر اور جسم کو نشانہ بناتے ہیں۔
ماں باپ اپنے بچاؤکی فریاد کرتے ہیں لیکن پڑوسی پرائی آگ میں نہیں کودتے ہیں اور اگر کسی کا ضمیر جاگ گیا تو وہ ضرور بیچ بچاؤ اور لعنت ملامت کرنے پہنچ جاتے ہیں اس قسم کے واقعات گاؤں، دیہات میں زیادہ رونما ہوتے ہیں اولاد کا ظلم، دھکم پیل، لڑائی جھگڑے پر ہی ختم نہیں ہوتا ہے بلکہ یہ ظالم اور بدنصیب بچے اپنے والدین کو قتل کرنے سے بھی باز نہیں آتے ہیں۔
سوشل میڈیا پر ’’پب جی‘‘ جیسے گیم بھی لڑکے لڑکیوں کو گمراہ کرنے میں اہم کردار ادا کرتے ہیں ایک اور کھیل بلیو وہیل گیم بھی پاکستان میں نوجوان خصوصاً ٹین ایجر کے لیے نہایت خطرناک ہے، اس کھیل میں ٹاسک دیے جاتے ہیں، مثلاً رات کو چھت پر جانا مقررہ وقت پر ایڈمنسٹریٹر کو بتانا ہوتا ہے۔
آج تک ڈھائی سو لوگوں کی اموات ہو چکی ہیں۔سوشل میڈیا پر پسند کی شادیوں کا بھی رواج بہت تیزی سے بڑھ رہا ہے باہر کے ملکوں سے دلہنیں آ رہی ہیں اور پھر پاکستانی دولہا سے شادی ہوتی ہے اور پھر دلہنیں یا تو یہاں کی ہی ہو جاتی ہیں یا پھر اپنے دولہا کو اپنے ساتھ لے جاتی ہیں اس طرح دولہے میاں کی قسمت کھل جاتی ہے۔
شہریت بھی مل جاتی ہے اور دولت، پیسہ، گھر مکان غرض اس ملک کی جو بھی سہولیات اپنے شہریوں کو حاصل ہوتی ہیں ان سب سے نیا نویلا جوڑا استفادہ کرتا ہے لیکن بات یہ ہے نیت میں کھوٹ نہیں ہونا چاہیے اگر بددیانتی ہے تب لٹیا ڈوب جاتی ہے مع دولہا کے۔ابھی حال ہی میں ایک ماں سمان جیسی دلہن بھی دیار غیر سے تشریف لائی تھیں، دولہا نے انھیں دیکھ کر نہ صرف یہ کہ شادی کرنے سے انکار کیا بلکہ گھر سے ہی بھاگ گیا، تو اس طرح خوشی و غم، کامیابی و ناکامی کے قصے جنم لیتے ہیں ان حالات میں زندگیاں برباد بھی ہوتی ہیں اور آباد بھی۔
بس ذرا سی عقل، سمجھ داری اور شرافت کی ضرورت ہوتی ہے، جو انسان بوتا ہے وہی اسے کاٹنا پڑتا ہے۔اب آتے ہیں نجی چینلز کی طرف۔ ان چینلز پر جو ڈرامے اور ٹاک شوز دکھائے جاتے ہیں انھیں کسی بھی صورت میں معاشرے کے افراد کے لیے سود مند نہیں کہہ سکتے، زیادہ تر ان ڈراموں میں ساس بہو کی لڑائی، جھگڑا اور دشمنی کو پروان چڑھتا ہوا دیکھنا ڈرامے کے ناظرین کی مجبوری بن جاتا ہے کہ انھیں ایک دو قسط دیکھ کر چسکا لگ چکا ہوتا ہے اور پھر فارغ اوقات کا استعمال، ظاہر ہے پاکستان ایک خوشحال ملک ہے، تمام قرضوں سے پاک کسی شخص پر معاشی ذمے داریاں نہ ہونے کے برابر ہیں تو یہ بے چارے کریں تو کیا کریں؟ لہٰذا ہر طرح کے ڈرامے دیکھنا تفریح طبع کے لیے بہترین ثابت ہوتے ہیں۔
یہ فارغ حضرات بھی اپنے ملک کے حکمرانوں کی طرح اپنی زندگیاں قرض کے بل بوتے پر گزارتے ہیں، لیکن اس کے ساتھ سوشل میڈیا اور ٹی وی کے پروگرام دیکھنے کے بھی شوقین ہوتے ہیں۔ حال ہی میں ہم نے بھی کئی ڈراموں کی چند قسطیں بے دلی سے دیکھ ڈالیں، مکار ساسیں جو اپنی بہوؤں اور اپنے گھر کی خوشیوں اور جان کی دشمن بہو تو گویا ان کا تازہ تازہ شکار ہوتی ہے، معصوم اور گونگی بہوئیں مار کھاتی ہیں، بھوکی رہتی ہیں، آنے جانے حتیٰ کہ والدین سے ملنے پر بھی پابندی مگر مجال ہے زبان پر اف بھی آجائے۔
کہاں ملتی ہیں ایسی بہوئیں؟ حقیقی زندگی میں بھی کچھ بے چاری شامت ماری ایسے گھرانوں میں بدنصیبی سے پھنس جاتی ہیں اور اپنی بے وقوفی و کم عقلی کے باعث درد ناک موت کا شکار ہو جاتی ہیں، ساس، بہوؤں، شوہر بیوی اور ساس نندوں کے ظلم و ستم کے قصے طشت ازبام میڈیا کے توسط سے بہت جلد ہو جاتے ہیں۔
ٹی وی چینلز ان قصوں، کہانیوں پر نمک مرچ لگا کر خوب پبلک کے سامنے پیش کرتے ہیں- ہر دفعہ ایک نئی کہانی، ساس، نندیں، سوکن قتل کرنے میں بڑی مہارت اور شوق رکھتی ہیں، معمولی سی بات پر جان لینے کے منصوبے بن جاتے ہیں، قانون کا خوف نہ جیل جانے اور بدنامی کا ڈر۔ اپنی موت اور اللہ کے حضور حاضر ہونے کا خیال تو دور دور تک نہیں جاتا ہے، بالکل جانوروں بلکہ درندوں جیسے کرداروں کا انتخاب، خطا کرداروں کی نہیں بلکہ کہانی نویس اور ہدایت کار کی ہے جو عقل سے پیدل ہیں، انسانی فطرت اور جبلت سے ناواقف، اپنے انجام سے بے خبر۔
ساس نندوں کے ظلم و ستم ایک طرف تو دوسری طرف اپنے بہنوئی پر ڈورے ڈالنے کا عمل، ان حالات میں اپنی اور والدین کی عزت و سکون کی ذرہ برابر پرواہ نہیں، اپنی سگی بہن کا گھر اجاڑنے کا یہی مطلب ہے ناں کہ پوری دنیا میں کوئی دوسرا شخص میسر نہیں، دونوں طرف سے شدید محبت اور بڑھتی ہوئی پینگیں دکھائی جاتی ہیں۔کبھی ان ڈرامہ سازوں نے یہ بھی سوچا کہ ان کے اس طرز سے معاشرے پر کیا اثر پڑے گا؟
بہت سے گھرانوں کی کنواری لڑکیاں اپنے بہنوئی کو دل دینے اور بہن کی خوشیوں بھری زندگی میں آگ لگانے کی ذرہ برابر پرواہ نہیں کریں گی چونکہ وہ اس قسم کے ڈرامے دیکھ کر ٹرینڈ ہو چکی ہیں، نیکی، سچائی، شرافت جیسی دولت سے محروم ہو گئی ہیں، جہاں یہ لڑکیاں قصور وار ہیں وہاں یہ ہرجائی مرد بھی جو اپنی نیک اور باوفا بیوی کو دھوکا اس حد تک دے رہے ہیں کہ نوبت طلاق تک بھی آ سکتی ہے اور اکثر یہ بھی دیکھا گیا ہے یہ بدچلن مرد عورت اس نکتے سے بے خبر ہو کر کہ ایک مرد کی دو سگی بہنوں سے شادی ناممکن اور حرام ہے۔ (جاری ہے)
.ذریعہ: Express News
کلیدی لفظ: سوشل میڈیا ہیں اور ا جاتی ہیں جاتے ہیں ہوتے ہیں جاتی ہے ہے اور کے لیے
پڑھیں:
گووندا کا مراٹھی اداکارہ سے مبینہ معاشقہ، اہلیہ سنیتا آہوجا کا ردعمل سامنے آگیا
بالی وُڈ اداکار گووندا اور ان کی اہلیہ سنیتا آہوجا ایک بار پھر خبروں میں ہیں۔ گزشتہ چند ماہ سے دونوں کے درمیان مبینہ اختلافات کی خبریں گردش کر رہی تھیں، جنہیں جوڑے نے کئی بار مسترد کیا، مگر اب سنیتا نے ایک حالیہ انٹرویو میں شوہر کے مبینہ معاشقے پر کھل کر بات کی ہے۔
سنیتا آہوجا نے پارس ایس چھابڑا کے پوڈکاسٹ ابرا کا ڈبرا شو میں گفتگو کرتے ہوئے انکشاف کیا کہ انہوں نے بھی شوہر کے ایک 30 سالہ مراٹھی اداکارہ کے ساتھ تعلقات کے بارے میں سنا ہے۔ تاہم، ان کا کہنا تھا کہ وہ خود کسی بات پر یقین نہیں کرتیں جب تک اپنی آنکھوں سے دیکھ نہ لیں۔
انہوں نے کہا کہ ’میں نے بھی یہ سنا ہے، لیکن جب تک میں اسے اپنی آنکھوں سے نہ دیکھ لوں یا رنگے ہاتھوں پکڑ نہ لوں، میں کسی بات کا اعلان نہیں کر سکتی۔ ہاں، سنا ہے کہ وہ مراٹھی اداکارہ ہے۔‘
یہ بھی پڑھیے اداکار گووندا مشکل میں، بیوی سنیتا آہوجا کا بے وفائی اور ظلم کرنے کا الزام
سنیتا نے مزید کہا کہ اس عمر میں گووندا کو اس طرح کے معاملات میں نہیں پڑنا چاہیے بلکہ اپنی بیٹی ٹینا اور بیٹے یشوردھن کے مستقبل کے بارے میں سوچنا چاہیے۔
گفتگو کے دوران سنیتا نے خواتین کو مشورہ دیا کہ وہ مالی طور پر خودمختار بنیں۔ انہوں نے بتایا کہ وہ یوٹیوب پر وی لاگنگ کر رہی ہیں اور 4 ماہ میں سلور بٹن حاصل کر چکی ہیں۔
ان کے مطابق ’عورت کو خود اپنے پیروں پر کھڑا ہونا چاہیے۔ اپنا کمانا ایک الگ خوشی دیتا ہے۔ شوہر سے پیسے مانگنے سے بہتر ہے کہ اپنی محنت سے کمائیں۔‘
اسی موقع پر سنیتا نے شوہر سے بڑے گھر کا مطالبہ بھی کیا۔ انہوں نے بتایا کہ وہ فی الحال اپنی بیٹی اور بیٹے کے ساتھ 4 بیڈ روم والے گھر میں رہتی ہیں جبکہ گووندا ان کے ساتھ نہیں رہتے۔
انہوں نے مزاحیہ انداز میں کہا’ یہ گھر ہمارے لیے چھوٹا ہے۔ میں اس پوڈکاسٹ کے ذریعے چیچی (گووندا) سے کہنا چاہتی ہوں کہ میرے لیے 5 بیڈ روم والا بڑا گھر خرید لو، ورنہ دیکھ لینا کیا ہوتا ہے۔‘
یہ بھی پڑھیں: گووندا اور اہلیہ سنیتا میں طلاق، حقائق کیا ہیں؟
دلچسپ بات یہ ہے کہ سنیتا نے اپنے بھتیجے کرشنا ابھیشیک کے ساتھ پرانے اختلافات ختم کرنے کا اعلان بھی کیا۔ انہوں نے کہا ’اب کسی بچے سے کوئی جھگڑا نہیں۔ کرشنا میرا بچہ ہے، میں نے اسے پالا ہے۔ اب وقت لڑنے کا نہیں، خوش رہنے کا ہے۔ میں چاہتی ہوں سب بچے ہنسیں، خوش رہیں۔‘
گووندا اور سنیتا آہوجا کی شادی 1987 میں ہوئی تھی، جو کئی سال تک خفیہ رکھی گئی۔ ان کی بیٹی ٹینا آہوجا 1989 میں پیدا ہوئیں جبکہ ان کے بیٹے کا نام یشوردھن ہے۔ جوڑا گزشتہ کچھ عرصے سے ازدواجی اختلافات کی خبروں کے باعث میڈیا کی توجہ کا مرکز بنا ہوا ہے، تاہم اب سنیتا کے اس انٹرویو نے ان افواہوں کو مزید ہوا دے دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکارہ گووندا انٹرٹینمنٹ سنیا آہوجا
کسی سزا یافتہ شخص کی مشاورت پر حکومتی فیصلے کرنا آئینی طور پر درست نہیں; طلال چوہدری