’بات نہیں مانی تو گرفتار کرلوں گا‘، ٹرمپ کی دھمکی پر ظہران ممدانی پھٹ پڑے
اشاعت کی تاریخ: 2nd, July 2025 GMT
نیویارک سٹی کے میئر کے لیے ڈیموکریٹک پارٹی کے امیدوار ظہران ممدانی نے امریکی صدر ڈونلڈ ٹرمپ کی جانب سے گرفتاری اور ملک بدری کی دھمکی کو جمہوریت پر حملہ قرار دیتے ہوئے مسترد کر دیا ہے۔ 33 سالہ ترقی پسند رہنما نے کہا کہ وہ خوف زدہ نہیں ہوں گے اور اپنی سیاسی پالیسیوں پر ثابت قدم رہیں گے۔
صدر ٹرمپ نے فلوریڈا میں ایک حراستی مرکز کے دورے کے دوران ایک صحافی کے سوال کے جواب میں کہا کہ ’ہمیں اسے گرفتار کرنا ہوگا، ہمیں اپنے ملک میں کمیونسٹ نہیں چاہیے۔‘ انہوں نے اس بات کا بھی دعویٰ کیا کہ ’کافی لوگ کہہ رہے ہیں کہ وہ غیر قانونی طور پر یہاں موجود ہے۔ ہم اس حوالے سے سب کچھ دیکھیں گے۔‘
یہ بھی پڑھیں: نیویارک کے میئر امیدوار ظہران ممدانی کو ابتدائی جیت کے بعد اسلاموفوبیا کا سامنا
ظہران ممدانی، جو ایک مسلم تارک وطن اور ڈیموکریٹک سوشلسٹ ہیں، نے اس بیان کے ردعمل میں کہا کہ ’صدرِ امریکا نے مجھے گرفتار کرنے، شہریت چھیننے، حراستی کیمپ میں ڈالنے اور ملک بدر کرنے کی دھمکی دی، صرف اس لیے کہ میں نیویارک شہر میں امیگریشن اینفورسمنٹ کے خلاف آواز بلند کرتا ہوں۔ یہ صرف میری ذات پر حملہ نہیں بلکہ ان تمام نیویارک والوں کے لیے پیغام ہے جو سچ بولتے ہیں۔ ’اگر آپ بولیں گے، تو وہ آپ کے پیچھے آئیں گے۔‘
ظہران ممدانی نے ٹرمپ انتظامیہ کی امیگریشن پالیسیوں پر شدید تنقید کرتے ہوئے کہا ہے کہ وہ نیویارک کے وسائل کو امیگریشن گرفتاریوں کے لیے استعمال نہیں ہونے دیں گے اور تارکین وطن کے لیے 165 ملین ڈالر کی قانونی امداد فراہم کریں گے۔
حال ہی میں ظہران ممدانی نے سابق گورنر اینڈریو کومو کو ڈیموکریٹک پرائمری انتخابات میں شکست دے کر ملکی سطح پر توجہ حاصل کی۔ انہیں 56 فیصد ووٹ ملے اور وہ نومبر میں ہونے والے میئر کے انتخابات میں حصہ لینے جارہے ہیں۔ ان کا منشور کرایوں پر کنٹرول، مفت بسیں، عوامی اسکولوں کے لیے زیادہ فنڈنگ، ایل جی بی ٹی کیو پلس حقوق کا تحفظ، اور مہاجرین کے حقوق کے دفاع جیسے نکات پر مشتمل ہے۔
یہ بھی پڑھیں: بھارتی دائیں بازو کی قوتیں ظہران ممدانی کی کامیابی پر برہم کیوں ؟
ظہران ممدانی نے اپنے ایک بیان میں کہا، ’میں ڈونلڈ ٹرمپ کا بدترین خواب ہوں، ایک ترقی پسند مسلمان تارک وطن، جو اپنے اصولوں کے لیے لڑتا ہے۔‘ ان کے مطابق صدر ٹرمپ کی دھمکیاں انہیں خاموش نہیں کرا سکتیں، بلکہ یہ جمہوریت کو چیلنج کرنے کی ایک واضح کوشش ہیں۔
صدر ٹرمپ نے اپنے بیان میں نیویارک کے موجودہ میئر ایرک ایڈمز کی بھی تعریف کی، جو کرپشن کیس میں گرفتار ہونے کے بعد آزاد حیثیت سے دوبارہ انتخابات میں حصہ لے رہے ہیں۔ ان کے خلاف 2024 میں مقدمہ چلا لیکن اپریل 2025 میں محکمہ انصاف نے ان کے خلاف الزامات واپس لے لیے، جسے سیاسی سودے بازی کے طور پر دیکھا جارہا ہے۔
ظہران ممدانی نے اس پر تبصرہ کرتے ہوئے کہا کہ ٹرمپ کی جانب سے ایرک ایڈمز کی تعریف دراصل نیویارک میں تقسیم، توجہ ہٹانے اور نفرت کو فروغ دینے کی کوشش ہے، اور یہ اس بات کا ثبوت ہے کہ موجودہ میئر کو بدلنے کی ضرورت ہے۔ ان کا کہنا تھا کہ ’ایسے وقت میں جب میگا ریپبلکنز عوامی فلاح و بہبود کو ختم کرنے، لاکھوں نیویارک والوں کو ہیلتھ کیئر سے محروم کرنے اور ارب پتیوں کو مزید امیر کرنے کی کوشش کر رہے ہیں، ایڈمز کی سیاست اس ایجنڈے کی توسیع ہے۔‘
یہ بھی پڑھیں: نیویارک میئر کے لیے امیدوار ظہران ممدانی اور امریکی صدر ٹرمپ آمنے سامنے
یہاں بات بھی قابل ذکر ہے کہ ظہران ممدانی اس وقت نیویارک سٹی کے میئر کے لیے مضبوط ترین امیدواروں میں سے ایک سمجھے جارہے ہیں، اور انہیں ملک بھر میں ترقی پسند حلقوں کی حمایت حاصل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا امیگریشن تارکین وطن ڈونلڈ ٹرمپ ظہران ممدانی گرفتاری نیویارک میئر.ذریعہ: WE News
کلیدی لفظ: امریکا امیگریشن تارکین وطن ڈونلڈ ٹرمپ گرفتاری نیویارک میئر میئر کے ٹرمپ کی کہا کہ کے لیے
پڑھیں:
گلستان جوہر سے بے نام ڈمپر پکڑا گیا، ڈرائیور گرفتار
data-id="863a0a8" data-element_type="widget" data-widget_type="theme-post-content.default">
کراچی(مانیٹرنگ ڈیسک) گلستان جوہر سے بے نامی ڈمپر پکڑا گیا جبکہ ٹریفک قوانین کی خلاف ورزیاں کرنے والے ڈرائیور کو گرفتار کرکے مقدمہ درج کرلیا۔تفصیلات کے مطابق گلستان جوہر بلاک 9 سے ٹریفک پولیس نے ایک بے نامی ڈمپر پکڑا جو ٹریفک قوانین کی خلاف ورزی کرتے ہوئے سڑک پر چل رہا تھا۔ ڈرائیور کے پاس لائسنس نہیں تھا، گاڑی میں نمبر پلیٹ یا ٹریکر موجود نہیں تھا، اور وہ مقررہ اوقات کار کی خلاف ورزی بھی کر رہا تھا۔ٹریفک پولیس کا افسر سوال پوچھتا رہا اور ڈرائیور نفی میں گردن ہلاتا رہا، افسر نے پوچھا این آئی سی ہے؟ تو ڈرائیور نے کہا نہیں، گاڑی کے آگے پیچھے نمبرپلیٹ ہے؟ وہ بھی نہیں، گاڑی میں ٹریکر لگا ہے وہ پتہ نہیں اور لائسنس ہے نہیں ابتدائی تفتیش کے دوران ڈرائیور نے اعتراف کیا کہ وہ گزشتہ تین سال سے اسی ڈمپر کو اسی طرح چلا رہا ہے۔بغیر نمبر پلیٹ اورلاپرواہی سے ڈمپرچلانے پرڈرائیورکوروکا گیا اور ڈرائیور کی لاپرواہی پر پولیس نے اے ایس او ٹریفک سیکشن گلستان جوہر کی مدعیت میں مقدمہ درج کر دیا۔تاہم ڈمپر کا مالک معلوم نہ ہونے کی وجہ سے ای چالان ابھی نہیں بھیجا جا سکا تاہم مالک کا پتہ چلتے ہی بھاری چالان بھیجا جائے گا۔ایس پی اور ڈی آئی جی ٹریفک کی ہدایات پر کراچی میں سخت چیکنگ اور ناکے لگائے گئے ہیں اور شہریوں کو محفوظ ٹریفک کے لیے ہدایات دی جا رہی ہیں۔
پنجاب بھر کی عدالتوں میں سیکیورٹی انتظامات مزید سخت