تیسری عالمی جنگ کے بادل گہرے ہو چکے ہیں۔ مغربی انٹیلی جنس ادارے واضح اشارے دے رہے ہیں کہ یہ جنگ موجودہ عشرے کے آخری برسوں میں پھٹ سکتی ہے۔ اس جنگ کی تیاریوں کا اندازہ اس بات سے لگایا جا سکتا ہے کہ حال ہی میں شمالی کوریا سے 25 ہزار ماہر ڈرون ٹیکنیشن روس پہنچے ہیں، جو جدید ترین ڈرون ٹیکنالوجی پر مہارت رکھتے ہیں۔ انہی ماہرین کے ساتھ ایران سے بھی اسکلڈ فوجی و صنعتی ورکرز پر مشتمل ایک خفیہ فورس روس منتقل کی گئی ہے، جنہیں روس کے مقامی 50 ہزار ورکرز کے ساتھ ملا کر دنیا کی سب سے بڑی ڈرون فیکٹری قائم کی جا رہی ہے۔ اس فیکٹری کی تیاری خالصتاً جنگی مقاصد کے تحت ہو رہی ہے۔ یہ صرف ڈرونز کی بات نہیں۔ روس نے میزائلوں، لڑاکا طیاروں، بکتر بند گاڑیوں اور ٹینکوں کی پیداوار کو بھی تین گنا تک بڑھا دیا ہے۔ یہ سب معمولی جنگ کے لئے نہیں، بلکہ ایک فیصلہ کن عالمی تصادم کی تیاری ہے۔یہ تیاریاں دو بنیادی اہداف کے گرد گھومتی ہیں۔ پہلا، پورے یوکرین پر مکمل قبضہ، اور دوسرا نیٹو کے ساتھ براہ راست جنگ۔ اس ممکنہ جنگ میں ابتدائی طور پر چھوٹے اور کمزور ممالک جیسے لٹویا، اسٹونیا اور لتھوانیا نشانہ بنیں گے۔ ان ممالک کو کچل کر روس اپنے بڑے اہداف کی طرف بڑھے گا، جہاں اصل معرکہ روس اور جرمنی، اور روس اور برطانیہ کے درمیان ہو گا۔ یہ صرف یورپی جنگ نہیں، بلکہ مغربی تسلط کے خلاف مشرقی طاقتوں کی مشترکہ یلغار ہو گی۔جون 2025ء کے اختتام پر شائع ہونے والی ISW رپورٹ نے دنیا کو چونکا دیا۔
روس نے دفاعی صنعت کو جس برق رفتاری سے جدید خطوط پر استوار کیا ہے، وہ معمولی پیش رفت نہیں بلکہ مکمل عسکری انقلاب کی غمازی کرتی ہے۔ صرف ایک ماہ میں صنعتی پیداوار میں 2.
روس کی ہتھیار سازی صرف یوکرین کے خلاف نہیں۔ یہ جنگی مشینری ایک بڑے تصادم کے لیے دوبارہ ترتیب دی جا رہی ہے وہ تصادم جو نیٹو کے خلاف ہو سکتا ہے، یا چین اور امریکہ کے درمیان پراکسی جنگ کی صورت میں سامنے آئے۔ یوکرین کی سفارت کاری، چاہے جتنی بھی فعال ہو، جب تک CRINK اتحاد کی زنجیروں کو توڑنے میں ناکام رہے گی، دنیا ایک نیا ورلڈ آرڈر بنتے دیکھے گی اگر چہ کچھ دیر ہو جائے لیکن یہ تبدیلی اب نوشتہ دیوار ہے۔ادھر مشرق میں حالات مغرب سے بھی زیادہ سنگین ہیں۔ چین نے گزشتہ چند برسوں میں اپنی دفاعی تیاریوں کو جس تیزی سے بڑھایا ہے، وہ محض داخلی سیکیورٹی یا روایتی دفاع تک محدود نہیں رہی۔ جدید میزائل سسٹمز، ہائپرسونک ٹیکنالوجی، مصنوعی ذہانت سے چلنے والے ڈرونز، اور بحری طاقت میں اضافہ اس بات کی نشاندہی کر رہا ہے کہ بیجنگ کسی بڑے اسٹریٹجک ہدف کی طرف بڑھ رہا ہے۔ خاص طور پر تائیوان کے حوالے سے چین کا رویہ اب سفارتی حدود سے نکل کر کھلی فوجی تیاری میں بدل چکا ہے۔شی جن پنگ کھلے عام کہہ چکے ہیں کہ تائیوان کا انضمام ایک ’’تاریخی ذمہ داری‘‘ہے، اور چین ہر قیمت پر اسے پورا کرے گا، خواہ وہ پرامن طریقے سے ہو یا عسکری مداخلت سے۔ اس کے ساتھ ہی چینی فوج کی تائیوان کے اطراف جنگی مشقیں، بحری گھیرا، اور مسلسل فضائی خلاف ورزیاں اب روز کا معمول بن چکی ہیں۔ مغربی دفاعی ماہرین اس صورتحال کو صرف دبا کی حکمتِ عملی نہیں بلکہ حملے کی پیش بندی تصور کر رہے ہیں۔ادھر چین نے روس، ایران اور شمالی کوریا کے ساتھ دفاعی تعاون کو نئی بلندیوں پر پہنچا دیا ہے۔ حالیہ مہینوں میں شمالی کوریا کے ہزاروں ٹیکنیکل ورکرز روسی اسلحہ فیکٹریوں میں کام کرنے پہنچے ہیں، جبکہ ایران بھی ڈرونز اور میزائل ٹیکنالوجی میں چین و روس کے ساتھ خفیہ اشتراک کر رہا ہے۔ ان تینوں ممالک کا اشتراک ایک نیا عالمی عسکری بلاک بنتا دکھائی دے رہا ہے، جو امریکی اثرورسوخ کے خلاف کھلی مزاحمت کی علامت بنتا جا رہا ہے۔امریکی انٹیلی جنس رپورٹس میں واضح طور پر نشاندہی کی گئی ہے کہ اگر چین نے تائیوان پر حملہ کیا تو امریکہ اور اس کے اتحادیوں کیلئے ردعمل ناگزیر ہو گا۔ تائیوان ریلیشنز ایکٹ کے تحت امریکہ کو تائیوان کی دفاعی مدد فراہم کرنی ہے، جس سے ایک علاقائی تنازعہ عالمی جنگ میں تبدیل ہو سکتا ہے۔ جاپان، آسٹریلیا، فلپائن اور نیٹو کے کئی ممالک اس ممکنہ تنازع کا حصہ بن سکتے ہیں، بالکل اسی طرح جیسے یوکرین جنگ میں یورپ نے کردار ادا کیا۔یہ تمام علامات محض اتفاق نہیں بلکہ ایک منظم تیاری کا حصہ ہیں۔ چین کی عسکری سرگرمیاں، روس کی جنگی پیداوار، اور ایران و شمالی کوریا کا عملی تعاون اس جانب اشارہ کرتے ہیں کہ تیسری عالمی جنگ کی بنیادیں رکھی جا چکی ہیں۔ ممکن ہے کہ ابھی ہتھیار نہ چلیں، لیکن عالمی اسٹیج پر صف بندیاں مکمل ہو رہی ہیں۔ یہ وقت محض خاموشی سے دیکھنے کا نہیں، بلکہ تاریخ کے ایک نازک موڑ کو سمجھنے کا ہے۔ایسا محسوس ہوتا ہے جیسے تیسری عالمی جنگ کا الارم کہیں بج چکا ہے۔ ہم شاید صرف اس کی بازگشت سننے میں تاخیر کر رہے ہیں۔
ذریعہ: Daily Ausaf
کلیدی لفظ: تیسری عالمی جنگ شمالی کوریا نہیں بلکہ کر رہا ہے کی تیاری کے ساتھ سکتا ہے کے خلاف رہے ہیں روس کو چین نے چکا ہے جنگ کے ہیں کہ جنگ کی رہی ہے
پڑھیں:
مائیکروسافٹ کا ہزاروں ملازمین کی برطرفی کا اعلان
عالمی شہرت یافتہ ٹیکنالوجی کمپنی مائیکروسافٹ نے دنیا بھر سے تقریباً 9 ہزار ملازمین کو نوکریوں سے نکالنے کا اعلان کر دیا، جو 2023ء کے بعد کمپنی کی سب سے بڑی برطرفی تصور کی جا رہی ہے۔
کمپنی کے ترجمان کے مطابق اس اقدام کا مقصد تیزی سے بدلتی ہوئی عالمی مارکیٹ میں کمپنی کو مزید مؤثر، چست اور جدید خطوط پر استوار کرنا ہے، یہ برطرفیاں مائیکروسافٹ کی مجموعی عالمی افرادی قوت کا تقریباً 4 فیصد حصہ بنتی ہیں۔
امریکی نشریاتی ادارے سی این این کے مطابق یہ فیصلہ 2 جولائی 2025ء کو کیا گیا اور یہ حالیہ مہینوں کے دوران کمپنی کی جانب سے کی جانے والی تیسری مرحلہ وار چھانٹی ہے۔
مایکروسافٹ کے ترجمان نے کہا کہ ہم تنظیمی تبدیلیاں لا رہے ہیں تاکہ کمپنی اور اس کی ٹیمیں جدید، متحرک اور مسابقتی مارکیٹ میں زیادہ بہتر طور پر کامیاب ہو سکیں۔
مائیکروسافٹ کے گیمنگ ڈویژن کے سی ای او فِل اسپینسر نے اپنے شعبے کے ملازمین کو بھیجے گئے ایک میمو میں لکھا کہ گیمنگ کے شعبے میں دیرپا کامیابی کے لیے ضروری ہے کہ ہم مخصوص علاقوں میں کام کو محدود کریں یا بند کر دیں اور انتظامی سطحوں کو کم کر کے چُستی اور کارکردگی کو بڑھائیں۔
مائیکروسافٹ کی جانب سے اس بڑے پیمانے پر عملے کو کم کرنے کا ایک اہم سبب کمپنی میں مصنوعی ذہانت (AI) کا تیزی سے بڑھتا ہوا استعمال بھی ہے۔
کمپنی کے سی ای او ستیہ نڈیلا پہلے ہی واضح کر چکے ہیں کہ مائیکروسافٹ کا تقریباً 20 سے 30 فیصد سافٹ ویئر کوڈ اب AI کے ذریعے تیار کیا جا رہا ہے۔
انہوں نے مزید بتایا کہ مائیکروسافٹ AI انفراسٹرکچر میں اربوں ڈالر کی سرمایہ کاری بھی کر رہی ہے تاکہ مستقبل میں کمپنی کی کارکردگی مزید بڑھائی جا سکے۔
مائیکروسافٹ کے علاوہ، گوگل، ایمازون، میٹا اور دیگر بڑی ٹیک کمپنیاں بھی حالیہ مہینوں میں ہزاروں ملازمین کو فارغ کر چکی ہیں، یہ سب کمپنیاں اپنے آپریشنز کو زیادہ مؤثر بنانے اور AI ٹیکنالوجیز کے ذریعے خودکاری نظام اپنانے کی کوشش کر رہی ہیں۔
مائیکروسافٹ کی حالیہ برطرفیاں اس حقیقت کی طرف اشارہ کرتی ہیں کہ دنیا کی بڑی ٹیک کمپنیاں اب روایتی ڈھانچے سے نکل کر کم افراد پر مشتمل ٹیکنالوجی پر مبنی ماڈلز کی طرف تیزی سے بڑھ رہی ہیں، جہاں کمپنیوں کے لیے یہ فیصلے مستقبل کی تیاری کا حصہ ہیں۔
واضح رہے کہ مائیکروسافٹ نے 2023ء میں بھی 10 ہزار ملازمین کو برطرف کیا تھا۔
Post Views: 4
اروڑ یونیورسٹی کے خلاف پروپیگنڈے کی تردید، ترجمان نے گمراہ کن قرار دے دیا