’ہم اپنی بیٹیوں کو ڈیٹنگ سکھا رہے ہیں؟‘ فضا علی ’لازوال عشق‘ پر کڑی تنقید
اشاعت کی تاریخ: 13th, October 2025 GMT
اداکارہ اور میزبان فضا علی نے پاکستان کے پہلے رئیلٹی ڈیٹنگ شو ’لازوال عشق‘ کے فارمیٹ کو شدید تنقید کا نشانہ بنایا ہے نا کا کہنا ہے کہ ہم اپنی بچیوں کو اجازت دے رہے ہیں کہ معاشرے میں جا کر سکھاؤ ڈیٹ کیسے ہوتی ہے۔
فضا علی نے اپنے مارننگ شو ’مارننگ وِد فضا‘ میں اس ڈیٹنگ شو کو معاشرتی اقدار کے منافی قرار دیا ہے۔ ان کا کہنا ہے کہ اس طرح کے پروگرام ہماری معاشرتی اقدار کو نقصان پہنچا رہے ہیں۔
ان کا مزید کہنا تھا کہ اب یہ سب کچھ ایک نفیس انداز میں کیا جا رہا ہے۔ ڈیٹنگ اور فحاشی کو ایک ریئلٹی شو کے ذریعے پروموٹ کیا جا رہا ہے، اور معاشرے کی عزت اور اقدار کو نقصان پہنچایا جا رہا ہے، ڈیٹنگ شوز اب ڈیجیٹل میڈیا پر چل رہے ہیں، جہاں لوگوں کو سکھایا جا رہا ہے کہ ڈیٹ کیسے کریں، اور فحاشی کیسے پروموٹ کریں۔
یہ بھی پڑھیں: سوشل میڈیا شو ’لازوال عشق’ اسلام آباد ہائیکورٹ میں چیلنج
اداکارہ و میزبان کا نے کہا کہ لوگ ان ڈیٹنگ کے طریقوں کو دیکھ رہے ہیں، مشاہدہ کر رہے ہیں، اور سیکھ رہے ہیں۔ اب ہم اپنی بیٹیوں کو یہ سکھانے کی اجازت دے رہے ہیں کہ دوسروں کو ڈیٹنگ کیسے سکھائیں۔ کیا یہ درست ہے؟ کیا انہیں اس سے عزت مل رہی ہے؟
واضح رہے کہ یوٹیوب پر نشر ہونے والا یہ ڈیجیٹل شو ترکی میں فلمایا گیا ہے، جس میں چار لڑکے اور چار لڑکیاں ایک ساتھ ایک ولا میں رہ کر اپنی ’ہمیشہ کی محبت‘ تلاش کرتے ہیں۔ شو کی میزبانی معروف اداکارہ عائشہ عمر کر رہی ہیں۔
یہ بھی پڑھیں: ’شروع ہونے سے پہلے ہی بائیکاٹ کیا جائے‘، عائشہ عمر کے ڈیٹنگ ریئلٹی شو ‘لازوال عشق’ پر صارفین پھٹ پڑے
شو کے متنازع فارمیٹ پر نہ صرف سوشل میڈیا صارفین بلکہ شوبز سے وابستہ شخصیات کی جانب سے بھی شدید ردعمل سامنے آ رہا ہے۔
سوشل میڈیا پر نشر ہونے والے شو ’لازوال عشق‘ کو اسلام آباد ہائیکورٹ میں چیلنج کر دیا گیا ہے۔ درخواست چیئرمین امن ترقی پارٹی فائق شاہ کی جانب سے دائر کی گئی، جسے عدالت نے ڈائری نمبر الاٹ کر دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عائشہ عمر فضا علی لازوال عشق لازوال عشق پر پابندی لازوال عشق تنقید.ذریعہ: WE News
کلیدی لفظ: فضا علی لازوال عشق لازوال عشق پر پابندی لازوال عشق تنقید لازوال عشق جا رہا ہے فضا علی رہے ہیں
پڑھیں:
مٹن، بیف اور مچھلی کھانےکی ویڈیو وائرل، رنبیر کپور کو تنقید کا سامنا
ممبئی (ویب دیسک) سبزی خور ہونے کا دعویٰ کرنے والے بولی وڈ اداکار رنبیر کپور کی مٹن، بیف، مچھلی اور پائے کھانے کی ویڈیو وائرل ہونے پر اداکارہ کو تنقید کا سامنا ہے۔
بھارتی اخبار ’انڈیا ٹوڈے‘ کے مطابق رنبیر کپور ان دنوں اپنی آنے والی ہندو مذہبی کہانی پر بنائی جانے والی فلم ’رامائن‘ کی شوٹنگ میں مصروف ہیں، جس میں وہ بھگوان رام کا کردار ادا کرتے نظر آئیں گے اور انہوں نے شوٹنگ کے دوران مٹن اور بیف نہ کھانے کا اعلان کیا تھا۔
اداکار کی میڈیا ٹیم نے بھی فلم کی شوٹنگ کے وقت بتایا تھا کہ چوں کہ رنبیر کپور فلم میں بھگوان رام کے روپ میں نظر آئیں گے، اس لیے وہ پوری فلم کی شوٹنگ کے دوران شراب اور سگریٹ نوشی نہیں کریں گے اور نہ ہی گوشت اور چکن کھائیں گے۔
تاہم اب ان کی جانب سے کپور خاندان کے افراد کے ساتھ دعوت میں مٹن، بیف، مچھلی اور پائے کے سالن کو مزے لے لے کر کھانے کی ویڈیو وائرل ہوگئی، جس پر صارفین نے انہیں آڑے ہاتھوں لے لیا۔
مذکورہ ویڈیو ’ڈائننگ ود دی کپورز‘ نامی شو کی ہے، جو راج کپور کی 100ویں سالگرہ کے موقع پر بنائی گئی تھی اور اس وقت بھی رنبیر کپور کی فلم کی شوٹنگ جاری تھی۔
رنبیر کپور نے حال ہی میں بتایا تھا کہ وہ فلم ’رامائن‘ میں لارڈ رام کا کردار ادا کرنے کی تیاری میں سخت ’ساتوک‘ (ساتویک) لائف اسٹائل اپنا چکے ہیں۔
انہوں نے بتایا تاھ کہ انہوں نے شراب، سگریٹ اور غیر سبزی والے کھانے چھوڑ دیے ہیں۔
لیکن ویڈیو میں رنبیر کپور اپنے خاندان کے ساتھ مچھلی کا سالن اور چاول، جنگلی مٹن اور پایہ کھاتے دیکھا جا سکتا ہے۔
ویڈیو میں اداکارہ کی ماں نیتو کپور، کزن کرینہ کپور اور ان کے شوہر سیف علی خان بھی موجود ہیں۔
سوشل میڈیا پر لوگوں نے رنبیر کپور پبلک ریلیشنز (پی آر) ٹیم پر تنقید کا نشانہ بنایا اور لکھا کہ وہ جھوٹے دعوے پھیلا رہی ہے۔
ایک صارف نے لکھا کہ رنبیر کپور کی پی آر ٹیم نے کہا تھا کہ رامائن فلم میں رام کا کردار ادا کرنے کے احترام میں انہوں نے غیر سبزی والے کھانے چھوڑ دیے ہیں لیکن ویڈیو میں وہ خاندان کے ساتھ مچھلی، مٹن اور پایہ کھاتے نظر آ رہے ہیں۔
کچھ صارفین نے لکھا کہ انہیں لگتا ہے بولی وڈ اداکاروں کی پی آر ٹیموں کو فائر کر دینا چاہیے، خاص طور پر رنبیر کپور اور عالیہ بھٹ کی ٹیم کو، کیوں کہ وہ کلائنٹس کی ویڈیوز چیک کیے بغیر ایسی احمقانہ باتیں پوسٹ کر دیتی ہیں۔
قال اللہ تعالیٰ وقال رسول اللہﷺ