سموگ تدارک مہم دھواں چھوڑنے والی گاڑیوں کو بھاری جرمانے
اشاعت کی تاریخ: 14th, October 2025 GMT
علی ساہی:صوبہ بھر میں سموگ کے تدارک کے لیے کارروائیاں جاری ہیں, ٹریفک پولیس نے ماحولیاتی آلودگی اور دھواں چھوڑنے والی گاڑیوں کے خلاف بڑے پیمانے پر کارروائیاں کیں۔
ڈی آئی جی ٹریفک محمد وقاص نذیر نے دھواں چھوڑنے والی گاڑیوں کے خلاف سخت کارروائیوں کا حکم دیا ہے۔
ترجمان کے مطابق گزشتہ 13 روز میں ایسی گاڑیوں پر 3 کروڑ 92 لاکھ 88 ہزار روپے کے جرمانے عائد کیے گئے، جبکہ رواں ماہ کے دوران مجموعی طور پر 11 کروڑ 26 لاکھ روپے سے زائد کے جرمانے کیے گئے۔
رپورٹ کے مطابق 19 ہزار 600 سے زائد دھواں چھوڑنے والی گاڑیوں کو چالان ٹکٹ جاری کیے گئے، 82 گاڑیوں کے فٹنس سرٹیفکیٹ اور 27 سے زائد گاڑیوں کے روٹ پرمٹ معطل کر دیے گئے۔
اسی طرح 22 گاڑیوں کے خلاف ایف آئی آر درج کی گئی جبکہ 3 ہزار 200 سے زائد گاڑیاں دھواں چھوڑنے پر بند کی گئیں۔
سیمنٹ سستاہوگیا
مزید بتایا گیا کہ 1700 سے زائد ریت اور مٹی سے لدی آن کورڈ گاڑیوں پر بھی آلودگی پھیلانے پر بھاری جرمانے کیے گئے۔
ڈی آئی جی ٹریفک محمد وقاص نذیر نے کہا کہ دھواں چھوڑنے والی گاڑیوں پر 2 ہزار روپے جرمانہ عائد کیا جا رہا ہے اور قانون کی سختی سے عملدرآمد جاری ہے۔
انہوں نے شہریوں سے اپیل کی کہ ناقص انجن آئل اور غیر معیاری فیول کے استعمال سے گریز کریں۔
ڈی آئی جی ٹریفک نے ہدایت دی کہ پنجاب کو سموگ فری بنانے کے لیے تمام ٹریفک افسران متحرک ہوکر کام کریں، جبکہ حکومتی ہدایات پر سختی سے عملدرآمد کرایا جا رہا ہے۔
نادرا کی جانب سے شہریوں کیلئے نئی سہولت
ذریعہ
ذریعہ: City 42
پڑھیں:
ہیڈ مرالہ میں پانی کی سطح میں ایک بارپھر اضافہ
سٹی 42 : سیالکوٹ میں ہیڈ مرالہ کے مقام پر پانی کی سطح میں ایک بار پھر اضافہ ہونے لگا۔
ہیڈ مرالہ میں مجموعی پانی کی آمد 1 لاکھ 95 ہزار 857 کیوسک، ہے ۔دریائے چناب میں اخراج 1 لاکھ 80 ہزار 356 کیوسک ریکارڈ کیا گیا ۔
جموں توی میں 11 ہزار 868 کیوسک جبکہ مناور توی میں 5 ہزار 747 کیوسک پانی ریکارڈ کیا گیا ۔ دریائے چناب میں بہاؤ 1 لاکھ 74 ہزار 441 کیوسک ہے ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار