ابوظہبی ٹی10: شاہنواز دھانی کے جادوئی اوور نے وارئیرز کو آخری گیند پر فتح دلوائی
اشاعت کی تاریخ: 19th, November 2025 GMT
ابوظہبی ، :اابوظہبی ٹی10 لیگ میں نادرن وارئیرز نے اپنے افتتاحی میچ میں شکست کے بعد شاندار کم بیک کرتے ہوئے نئے آنے والی ٹیم ایسپن اسٹالینز کو ایک سنسنی خیز میچ میں 4 رنز سے شکست دے دی۔ زاید کرکٹ اسٹیڈیم میں کھیلے گئے اس مقابلے میں نادرن وارئیرز نے ایک وکٹ کے نقصان پر 114اسکور کیے، جس میں جانسن چارلس کی ناقابلِ شکست 55 رنز کی اننگز نمایاں رہی۔حضرت اللہ زازئی کے جلد آؤٹ ہونے کے بعد چارلس نے جارحانہ انداز اپنایا۔ کولن منرو نے بھی 38 بال پر21رنز کے ساتھ بھرپور ساتھ نبھایا۔ دونوں کے درمیان 102 رنز کی شاندار شراکت قائم ہوئی اور ٹیم نے مقررہ 10 اوورز میں 114 رنز بنائے۔ہدف کے تعاقب میں اسٹالینز نے دھواں دار آغاز کیا۔ رحمٰن اللہ گرباز اور اویشکا فرننڈو نے برق رفتاری سے رنز بنا کر ٹیم کو تین اوورز میں 48/1 تک پہنچا دیا۔گرباز 29 (11) اور فرننڈو 33 (20) نے کھیل کا رخ اپنی ٹیم کی طرف موڑنے کی بھرپور کوشش کی، مگر ٹاسکن احمد کے اہم اوورز، شمس کے بریک تھرو اور آخری اوور میں شاہنواز دھانی کی شاندار باولنگ نے میچ کا نقشہ بدل دیا۔آخری اوور میں اسٹالینز کو 8 رنز درکار تھے مگر دھانی نے صرف 2 رنز دیے، سیف حسن اور ملز کو آؤٹ کیا، جبکہ آخری گیند پر سیم بلنگز مطلوبہ شاٹ کھیلنے میں ناکام رہے اور یوں وارئیرز نے میچ اپنے نام کر لیا۔ڈیکن گلیڈی ایٹرز نے یو اے ای بُلز کو 6 رنز سے مات دے دیدوسرے میچ میں گزشتہ سال کے چیمپئن ڈیکن گلیڈی ایٹرز نے یو اے ای بُلز کو شاندار مقابلے کے بعد 6 رنز سے شکست دے کر اپنی مہم کا کامیاب آغاز کیا۔ٹاس جیت کر پہلے کھیلتے ہوئے گلیڈی ایٹرز نے 141/2 رنز کا بڑا اسکور ترتیب دیا، جس کا سہرا ٹام کولر کیڈمور کی دھماکے دار 78 (29) رنز کی اننگز کو جاتا ہے، جس میں 7 چھکے اور 6 چوکے شامل تھے۔ ڈیوڈ ویزا نے بھی 35 (17) رنز کے ساتھ تیز رفتار اننگز کھیلی، دونوں کے درمیان 98 رنز کی شراکت نے بُلز کے بولرز کو بے بس کر دیا۔یو اے ای بُلز نے ہدف کا آغاز شاندار کیا۔فل سالٹ نے 5 گیندوں پر 18 رنز بنا کر تین چھکے جڑے، جبکہ روومن پاؤل نے 22 (9) رنز کی برق رفتار اننگز کھیلی۔ٹم ڈیوڈ نے 26 گیندوں پر نصف سنچری اسکور کی اور آخری اوور تک مقابلہ جاندار رکھا، مگر 21 رنز درکار تھے، جن میں سے وہ صرف 14 بنا سکے اور ٹیم 135/5 تک محدود رہی۔
ذریعہ
ذریعہ: Daily Mumtaz
پڑھیں:
ارشد ندیم کی قیادت میں پاکستانی دستے کی کامن ویلتھ گیمز کی رنگا رنگ افتتاحی تقریب میں شاندار شرکت
اسکاٹ لینڈ کے شہر گلاسگو میں 23ویں کامن ویلتھ گیمز کا آغاز شاندار اور رنگا رنگ افتتاحی تقریب سے ہوگیا، جہاں اولمپک چیمپئن ارشد ندیم کی قیادت میں پاکستانی دستے نے قومی پرچم کے ساتھ باوقار انداز میں مارچ پاسٹ کیا۔ پاکستان ایونٹ میں 6 مختلف کھیلوں میں حصہ لے گا اور تمغوں کی سب سے زیادہ امید ارشد ندیم سے وابستہ ہے۔
اسکاٹ لینڈ کے شہر گلاسگو میں 23ویں کامن ویلتھ گیمز کا آغاز جمعرات کو ہائیڈرو ایرینا میں ایک شاندار، رنگا رنگ اور منفرد افتتاحی تقریب سے ہوا، جس نے اسکاٹ لینڈ کی بھرپور ثقافتی روایات کو جدید انداز میں پیش کرتے ہوئے گیمز کی تاریخ کی یادگار افتتاحی تقریبات میں اپنا مقام بنا لیا۔
یہ بھی پڑھیے کامن ویلتھ گیمز میں ارشد ندیم ایک بار پھر تاریخ دہرانے کے لیے پرعزم
افتتاحی تقریب میں سینکڑوں کھلاڑیوں، آفیشلز اور شائقین نے شرکت کی۔ موسیقی، دلکش روشنیوں، جدید بصری اثرات اور فنکارانہ پرفارمنسز نے پورے ایرینا کو جشن کے رنگوں میں رنگ دیا، جبکہ دولتِ مشترکہ کے مختلف رکن ممالک سے آنے والے کھلاڑیوں کا پرتپاک خیرمقدم کیا گیا۔
27 رکنی پاکستانی دستہ اولمپک گولڈ میڈلسٹ اور عالمی ریکارڈ ہولڈر جیولن تھروور ارشد ندیم کی قیادت میں میدان میں داخل ہوا۔ مارچ پاسٹ کے دوران ارشد ندیم نے قومی پرچم تھام رکھا تھا۔ اس بار روایت سے ہٹ کر کھلاڑیوں کی پریڈ انگریزی حروفِ تہجی کے بجائے براعظموں کی بنیاد پر ترتیب دی گئی، جس کے تحت سب سے پہلے افریقی ممالک کے دستے اور اس کے بعد ایشیائی ممالک کے کھلاڑی میدان میں آئے۔
پاکستان کامن ویلتھ گیمز میں 6 مختلف کھیلوں میں اپنی صلاحیتوں کا مظاہرہ کرے گا، جن میں ایتھلیٹکس، باکسنگ، جمناسٹکس، جوڈو، لان بولز اور تیراکی شامل ہیں۔
قومی دستے کی سب سے بڑی امید ارشد ندیم ہیں، جنہوں نے اپنی غیرمعمولی کارکردگی اور عالمی سطح پر نمایاں کامیابیوں کے باعث ایک بار پھر پاکستان کے لیے تمغہ جیتنے کی توقعات کو مضبوط کر دیا ہے۔
ایک ہفتے سے زائد جاری رہنے والے ان کھیلوں میں دولتِ مشترکہ کے بہترین ایتھلیٹس مختلف مقابلوں میں اپنی صلاحیتوں کا لوہا منوائیں گے، جبکہ پاکستان خصوصاً ایتھلیٹکس اور باکسنگ میں نمایاں کامیابی حاصل کرکے اپنے تمغوں کی تعداد میں اضافہ کرنے کے عزم کے ساتھ میدان میں اترے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
23ویں کامن ویلتھ گیمز اسکاٹ لینڈ اولمپک چیمپئن ارشد ندیم کھیل گلاسگو
بھارت سے جنگ اور افغانستان میں کارروائی خارج ازامکان نہیں، وزیردفاع