عامر خان کی فلم ’ستارے زمین پر‘ کا ٹریلر جاری؛ جذبات، حوصلے اور مزاح سے بھرپور کہانی
اشاعت کی تاریخ: 13th, May 2025 GMT
بالی وڈ کے مسٹر پرفیکشنسٹ نے اپنی پچھلی فلم لال سنگھ چڈھا کی ناکامی کے طویل وقفے کے بعد پھر سے تہلکہ مچانے کے لیے میدان میں اترنے کا فیصلہ کرلیا۔
عامر خان اپنے مداحوں کے لیے اس بار سنہ 2007 کی سپرہٹ فلم تارے زمین پر کے سیکوئل کے ساتھ واپس آرہے ہیں۔
اس سیکوئل کا نام معمولی تبدیلی کے ساتھ ’’ستارے زمین پر‘‘ رکھا گیا ہے۔ مداحوں کا انتظار ختم ہوا اور فلم کا ٹریلر بالآخر جاری کردیا گیا۔
عامر خان ایک بار پھر ایک ایسی فلم کے ساتھ واپس آ گئے جو ناظرین کو رُلا دے گی، ہنسا دے گی اور دل سے جھنجھوڑ کر ایک نیا عزم اور حوصلہ دے گی۔
ٹریلر میں عامر خان کو ایک باسکٹ بال کوچ کے کردار میں دکھایا گیا ہے جو ذہنی طور پر معذور بچوں کو تربیت دیتے ہیں۔
فلم کا مرکزی اور دل کو چھو لینے والا پیغام "سب کا اپنا اپنا نارمل" ہے۔ یعنی کسی کے نارمل اور ابنارمل ہونے کا معیار سب کا الگ الگ ہے۔ یہ سلوگن معاشرے میں قبولیت اور انفرادیت کی اہمیت کو اجاگر کرتا ہے۔
ٹریلر میں محبت، ہنسی اور جذبات کا خوبصورت امتزاج دیکھنے کو ملتا ہے، جو ناظرین کو ایک دلکش سفر پر لے جاتا ہے۔
فلم کی سب سے خاص بات اس میں 10 نئے اداکاروں کا ڈیبیو کرنا ہے جن کے نام اروش دتہ، گوپی کرشنا ورما، سموِت دیسائی، ویدانت شرما، آیوش بھنسالی، آشش پینڈسے، رشی شہانی، رشبھ جین، نمن مشرا، اور سمرن مانگیشکر شامل ہیں۔
عامر خان کے ساتھ اداکارہ جنیلیا ڈیسوزا بھی مرکزی کردار میں نظر آئیں گی۔ فلم کی ہدایتکاری آر ایس پرسنا نے کی ہے اور اسے عامر خان اور اپرنا پُروہت نے عامر خان پروڈکشنز کے بینر تلے پروڈیوس کیا ہے۔
فلم کے گانے شنکر-احسان-لائے نے ترتیب دیے ہیں جبکہ نغمات امیتابھ بھٹاچاریہ نے لکھے ہیں۔ پس منظر موسیقی رام سمپت نے دی ہے اور اسکرین پلے دیوی ندھی شرما نے تحریر کیا ہے۔
ستارے زمین پر 20 جون 2025 کو سنیما گھروں کی زینت بنے گی۔ فلم کے ٹریلر کو مداحوں کی جانب سے زبردست پذیرائی حاصل ہو رہی ہے اور شائقین کا کہنا ہے کہ یہ فلم عامر خان کی ایک اور بلاک بسٹر ثابت ہوگی۔
.
ذریعہ: Express News
کلیدی لفظ: کے ساتھ
پڑھیں:
ویمنز ورلڈ کپ: پاکستان ٹیم کی سری لنکا میں پریکٹس، بھرپور تیاریاں
پاکستان ویمن کرکٹ ٹیم نے بدھ کو سری لنکا کے دارالحکومت کولمبو میں ویمنز ورلڈ کپ کے لیے باقاعدہ تربیتی سیشن کا آغاز کر دیا، قومی ٹیم گزشتہ رول کولمبو پہنچی جہاں وہ اپنے تمام میچز سری لنکا کے میدانوں میں کھیلے گی۔
آئی سی سی کے طے کردہ ہائبرڈ ماڈل کے تحت سیاسی کشیدگی کی وجہ سے پاکستان کی ٹیم بھارت نہیں جائے گی بلکہ کولمبو میں اپنے تمام میچز کھیلے گی۔ ورلڈ کپ کا آغاز 30 ستمبر کو بھارت کے شہر گوہاٹی میں ہوگا جبکہ ٹورنامنٹ 2 نومبر تک جاری رہے گا۔
یہ بھی پڑھیں: ’جیسے کو تیسا‘ پاکستان کے ویمنز ورلڈ کپ میچز بھارت کے بجائے سری لنکا منتقل
رانی سنگھے پریماداسا اسٹیڈیم میں ہونے والے پہلے تربیتی سیشن میں بیٹنگ، بولنگ اور فیلڈنگ پر خصوصی توجہ دی گئی۔ ہیڈ کوچ محمد وسیم کی نگرانی میں کھلاڑیوں نے بھرپور محنت کی۔ ورلڈ کپ کے آغاز سے پہلے پاکستان دو اہم وارم اپ میچز کھیلے گا، پہلا میچ 25 ستمبر کو سری لنکا اور دوسرا 28 ستمبر کو جنوبی افریقہ کے خلاف ہوگا۔
قومی ویمن ٹیم کی کپتان فاطمہ ثنا نے روانگی سے قبل لاہور میں گفتگو کرتے ہوئے کہا کہ بھارت کے خلاف میچ کو کسی اضافی دباؤ کے ساتھ نہیں کھیلیں گے۔ ان کے مطابق ورلڈ کپ کا ہر میچ اہم ہے اور ٹیم سبھی مقابلوں کو یکساں سنجیدگی سے لے گی۔ انہوں نے کہا کہ ’ہماری کوشش ہوگی کہ بنگلہ دیش کے خلاف اچھا آغاز کریں اور پھر اسی رفتار سے ایونٹ میں آگے بڑھیں۔‘
یہ بھی پڑھیں: آئی سی سی ویمنز کرکٹ ورلڈ کپ کے لیے پاکستان کا 15 رکنی اسکواڈ اعلان
فاطمہ نے مزید کہا کہ حالیہ جنوبی افریقہ سیریز میں 300 سے زائد رنز کے ہدف کا تعاقب کرنے کی کوشش ظاہر کرتی ہے کہ ٹیم درست سمت میں جا رہی ہے۔ اگرچہ پاکستان نے یہ میچ 25 رنز سے ہارا، لیکن تیسرے ون ڈے میں کامیابی نے کھلاڑیوں کو اعتماد دیا ہے۔
پاکستانی کرکٹر سدرہ امین نے جنوبی افریقہ کے خلاف شاندار سینچری سکور کی، اس موقعہ اس نے ٹرول کرتے ہو بھارت کو 0-6 سکور یاد کروا دیا
پاکستانی کسی کا قرض نہیں رکھتے
یہ تو باجوہ فیض نثار پارلیمنٹ میں کھوتا نہ باندھتے تو مالی قرض بھی آج ختم ہوتا☝️ pic.twitter.com/ikfEXUzsQs
— ???????????? ℂ???????????????????????????????? (@AliCh7777) September 20, 2025
پاکستان کا ورلڈ کپ شیڈول کچھ اس طرح ہے کہ 2 اکتوبر کو پہلا میچ بنگلہ دیش کے خلاف ہوگا۔ 5 اکتوبر کو پاکستان اور بھارت آمنے سامنے آئیں گے۔ 8 اکتوبر کو آسٹریلیا سے مقابلہ ہوگا۔ 15 اکتوبر کو انگلینڈ، 18 اکتوبر کو نیوزی لینڈ، 21 اکتوبر کو جنوبی افریقہ اور 24 اکتوبر کو آخری گروپ میچ سری لنکا کے خلاف کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت پاکستان سری لنکا شیڈول کرکٹ ورلڈ کپ ویمنز ٹیم
کوئٹہ؛ محکمہ خوراک کے افسران کا گندم میں غبن کا مبینہ سنگین اسکینڈل بے نقاب