پاکستان کیخلاف نہ بولنے پر بالی ووڈ اسٹارز کیخلاف مہاراشٹرا پولیس ایکشن میں آگئی
اشاعت کی تاریخ: 14th, May 2025 GMT
ممبئی(شوبز ڈیسک)حالیہ پاک بھارت کشیدگی اور جنگ پر پاکستان کیخلاف خاموشی اختیار کرنے پر مہاراشٹر پولیس نے اپنے ہی فنکاروں کو تنقید کا نشانہ بنا ڈالا۔
جہاں پاک بھارت کشیدگی کے دوران بھارت کے کئی فنکار پاکستان کیخلاف زہر اُگلتے رہے اور سوشل میڈیا پر جھوٹی خبریں پھیلائیں وہیں بھارت کے کچھ بڑے اسٹارز ایسے بھی تھے جنہوں نے اس سنگین نوعیت کے معاملے پر خاموشی اختیار کی اور کسی بھی قسم کا بیان دینے سے گریز کیا۔
تاہم بھارتی انتہا پسندوں سمیت مہاراشٹرا پولیس کو بھی یہ بات ہضم نہ ہوئی اور اپنے ہی فنکاروں کو سوشل میڈیا پر ٹرول کرنا شروع کردیا۔
مہارشٹرا پولیس کی انسٹاگرام اسٹوری کا ایک اسکرین شاٹ سوشل میڈیا پر وائرل ہو رہا ہے جس میں انہوں نے پاکستان کیخلاف نہ بولنے والے سپر اسٹارز کی تصاویر شیئر کی ہیں جن کے منہ پر تالے کا ایموجی لگا ہے۔
اس اسٹوری میں مہاراشٹرا پولیس نے سلمان خان، شاہ رُخ خان، عامر خان، دیپیکا پڈوکون اور عالیہ بھٹ جیسے دیگر بڑے بالی ووڈ اسٹارز پر تنقید کرتے ہوئے کہا کہ ’ ڈیئر سیلیبریٹیز اب امن ہے، اب آپ لوگ انسٹاگرام پر واپس آ سکتے ہیں، اب آپ کے غیرملکی مداحوں کے ناراض ہونے کا کوئی خطرہ باقی نہیں رہا‘۔
سوشل میڈیا صارفین کی جانب سے مہاراشٹرا پولیس کی اِس پوسٹ کو بالی ووڈ فنکاروں خاص طور پر بالی ووڈ کے تینوں خانز کی پاکستان کیلئے کچھ نہ بولنے کی پالیسی پر ایک طنزیہ حملہ قرار دیا جارہا ہے۔
یاد رہے کہ دونوں ممالک کے درمیان جنگ بندی کے بعد سلمان خان اور عامر خان کا ردعمل سامنا آگیا تھا جس میں انہوں نے جنگ بندی اور امن کی اپیل کی تھی تاہم اسکے باوجود دونوں فنکاروں پر شدید تنقید کی گئی کیوںکہ انہوں نے اپنے بیان میں پاکستان کیخلاف ایک جملہ بھی نہیں لکھا۔
یہی وجہ تھی کہ چند گھنٹوں بعد ہی سلمان خان کی جانب سے ان کا بیان سوشل میڈیا سے ڈیلیٹ کر دیا گیا۔
مزیدپڑھیں:ملک کے مختلف علاقوں میں زلزلے کے جھٹکے، شد ت و مقام جانیں
ذریعہ: Daily Ausaf
کلیدی لفظ: مہاراشٹرا پولیس پاکستان کیخلاف سوشل میڈیا بالی ووڈ
پڑھیں:
کرسٹیانو رونالڈو نے کس بالی ووڈ اداکارہ کو ڈیٹ کیا؟
دنیا کے معروف فٹبالر کرسٹیانو رونالڈو جہاں امریکا، برطانیہ، روس اور اسپین کی حسیناؤں کے اسیر رہے وہیں بلکہ ایک موقع پر ان کا نام بھارت کی ایک معروف اداکارہ کے ساتھ بھی جوڑا گیا تھا۔
2007 میں، فٹبال کے عالمی سپر اسٹار کرسٹیانو رونالڈو اور بالی ووڈ کی معروف اداکارہ بپاشا باسو اُس وقت عالمی خبروں کی زینت بنے جب ایک تقریب کے دوران ان کی ایک دوسرے کو بوسہ دینے کی تصویر منظرِ عام پر آئی۔ یہ تصویر پرتگال کے دارالحکومت لزبن میں ایک ہائی پروفائل ایونٹ میں لی گئی تھی، جو دیکھتے ہی دیکھتے دنیا بھر میں وائرل ہو گئی اور کھیل و فلمی دنیا میں بحث کا موضوع بن گئی۔
یہ بھی پڑھیں: 25 کیرٹ کا محبت نامہ، رونالڈو نے جارجینا کو بالآخر شادی کی پیشکش کردی
اُس وقت بپاشا باسو بھارتی فلم انڈسٹری کی صفِ اول کی اداکاراؤں میں شمار ہوتی تھیں، جب کہ رونالڈو پہلے ہی بین الاقوامی سطح پر فٹبال کے چمکتے ستارے بن چکے تھے۔ ان دونوں کی غیر متوقع ملاقات اور قریبی لمحے نے مداحوں کو حیران کر دیا، اور افواہوں کا بازار گرم ہو گیا۔
بعد ازاں ایک انٹرویو میں بپاشا باسو نے رونالڈو سے ملاقات کو ’خوابوں جیسا لمحہ‘ قرار دیا۔ انہوں نے بتایا کہ تقریب کے بعد وہ دونوں کلب بھی گئے، اور پوری شام ایک شاندار تجربہ تھی۔ بپاشا نے یہ بھی کہا کہ رونالڈو نے انہیں ’کیوٹ‘ کہا اور وعدہ کیا کہ وہ انہیں اپنے تمام میچز میں مدعو کریں گے۔ تاہم، دونوں نے کبھی بھی اس ملاقات کو محبت یا تعلق کا درجہ نہیں دیا۔
یہ بھی پڑھیں: بالی وڈ اداکارہ بپاشا باسو اپنا وزن کم کرنے کے لیے کیا کر رہی ہیں؟
میڈیا رپورٹس کے مطابق، اس تصویر کے منظرعام پر آنے کے بعد بپاشا اور اُن کے اُس وقت کے ساتھی، اداکار جان ابراہام کے درمیان کشیدگی پیدا ہوئی۔ ذرائع کا کہنا ہے کہ جان اس واقعے پر سخت ناراض تھے اور رشتہ ختم کرنے پر غور کر رہے تھے۔ اگرچہ دونوں نے کچھ عرصے بعد صلح کر لی، مگر آٹھ سال کی رفاقت کے بعد بالآخر ان کا رشتہ اختتام کو پہنچا۔
بپاشا کے ساتھ ملاقات، بھارت میں رونالڈو کی سب سے زیادہ زیرِ بحث آنے والی مشہور شخصیات میں سے ایک رہی، لیکن اُن کی محبت بھری زندگی کا دائرہ کئی معروف چہروں تک پھیلا ہوا ہے۔ انہوں نے 2009 سے 2015 تک روسی سپر ماڈل ایرینا شیک کے ساتھ تعلق رکھا۔ اس کے علاوہ اُن کا نام نیریڈا گیلارڈو، کم کردشیان، پیرس ہلٹن، ماریا شیراپوا، جیما ایٹ کینسن، جورڈانا جارڈیل اور یہاں تک کہ دوا لیپا کے ساتھ بھی جوڑا گیا۔
آج کل رونالڈو اپنی دیرینہ ساتھی، ارجنٹائنی-اسپینش ماڈل اور کاروباری شخصیت جارجینا روڈریگز کے ساتھ ہیں۔ حال ہی میں جارجینا نے انسٹاگرام پر ایک شاندار ہیرے کی انگوٹھی کے ساتھ اپنی منگنی کی تصدیق کی، جس کی مالیت تقریباً 3 ملین ڈالر بتائی جاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بپاشا باسو جان ابراہم کرسٹیانو رونالڈو
لاہور، پی ٹی آئی کا 300 کارکنان گرفتار کیے جانے کا دعوی