امین فہیم کی دسویں برسی ہالا درگاہ سرور نوح میں منائی گئی
اشاعت کی تاریخ: 22nd, November 2025 GMT
data-id="863a0a8" data-element_type="widget" data-widget_type="theme-post-content.default">
ہالا (نمائندہ جسارت )پیپلز پارٹی کے سینیئر سیاستدان، اے آر ڈی کے سابق صدرمرحوم مخدوم محمد امین فہیم کی دسویں برسی ہالا درگاہ سرور نوحؒ میں عقیدت و احترام کے ساتھ منائی گئی۔ برسی کے موقعے پر سروری جماعت پاکستان کے مریدین، عقیدتمندوں اور علاقے کے معززین شہریوں کی بڑی تعداد شریک ہوئی، جہاں قرآن خوانی کا اہتمام کرکے مرحوم کو ایصالِ ثواب پہنچایا گیا،سروری جماعت پاکستان کے روحانی پیشوا اور قومی اسمبلی کے رکن مخدوم جمیل الزمان اور صوبائی وزیر خوراک مخدوم محبوب الزمان نے مرحوم مخدوم امین فہیم کی مزار پر پھولوں کی چادر چڑھاکرفاتحہ خوانی کرتے ہوئے دعاکی اور انہیں زبردست خراجِ عقیدت پیش کیا۔ اس موقعے پر کوآرڈینیٹر سید ممتاز شاہ، چیئرمین میونسپل کمیٹی زنوار گل پنہور، ضلع وائس چیئرمین سید مرتضیٰ شاہ چیف خلیفہ سیدنورمحمد شاھ دیگر شخصیات بھی موجود تھی،میڈیا سے گفتگو کرتے ہوئے مخدوم جمیل الزمان نے کہا کہ سندھ میں نئے صوبوں کے قیام کی باتیں محض افواہیں ہیں، ان میں کوئی حقیقت نہیں۔ انہوں نے کہا کہ پیپلز پارٹی کے چیئرمین بلاول بھٹو زرداری وہ واحد رہنما ہیں جو مختلف بڑی سیاسی جماعتوں کو ساتھ لے کر چل رہے ہیں،انہوں نے مرحوم مخدوم امین فہیم اور مخدوم طالب المولا کی عوامی، سیاسی اور جمہوری خدمات کو سراہتے ہوئے کہا کہ مخدوم خاندان نے ہمیشہ پیپلز پارٹی کے ساتھ وفاداری نبھائی ہے اور آئندہ بھی نبھاتا رہے گا،اس موقعے پر اسسٹنٹ کمشنر ڈاکٹر مظاہر برڑو، کندن لال کھتری، ڈاکٹر رام، ڈاکٹر قربان میمن، سینئر صحافی محمد افتخار میمن، عبدالرحیم میمن، اعجاز بگھیو، نثار لغاری، مشتاق میمن، حاجی لاکھو، بشیر پٹھان اور دیگر موجود تھے۔
ذریعہ
ذریعہ: Jasarat News
کلیدی لفظ: امین فہیم
پڑھیں:
علماء کا سرویکل کینسر سے بچاؤ کی مہم میں محکمہ صحت کے ساتھ تعاون کا اعلان
پشاور (بیورو رپورٹ) خیبر پی کے کے علماء کرام نے سرویکل کینسر سے بچاؤ کی مہم میں محکمہ صحت کے ساتھ بھرپور تعاون کا اعلان کر دیا۔ اس ضمن میں محکمہ صحت خیبر پی کے نے یونیسیف کے تعاون سے متحدہ علماء بورڈ خیبر پی کے اور تنظیمات المدارس خیبر پی کے کے اشتراک سے سرویکل کینسر سے بچاؤ کے موضوع پر ایک اہم مشاورتی ورکشاپ کا انعقاد کیا۔ ورکشاپ میں مختلف مکاتب فکر سے تعلق رکھنے والے ممتاز علماء کرام نے شرکت کی۔ ورکشاپ کا مقصد علماء کرام اور محکمہ صحت کے درمیان اعتماد، تعاون اور مشترکہ کوششوں کو فروغ دینا تھا تاکہ خواتین اور بچیوں کو سروائیکل کینسر سے محفوظ رکھنے کے لیے مؤثر آگاہی پیدا کی جا سکے۔ اجلاس کے دوران علماء کرام نے اس اقدام کو سراہا اور کئی اہم سفارشات پیش کیں۔ انہوں نے ویکسین کے اجزاء، حفاظت اور تیاری کے بارے میں واضح معلومات فراہم کرنے، سوشل میڈیا، ٹی وی، ریڈیو، جمعہ کے خطبات، بل بورڈز، ہسپتالوں اور دیگر ذرائع سے بھرپور آگاہی مہم چلانے، علماء اور ماہر ڈاکٹروں کی مشاورت سے مشترکہ فتویٰ جاری کرنے، کینسر کے ماہرین اور علماء کے درمیان مسلسل رابطہ رکھنے، تمام مکاتب فکر کو ساتھ لے کر چلنے، بچیوں کی رازداری اور پردے کا مکمل خیال رکھنے اور محکمہ صحت کی قیادت میں آگاہی مہم کو آگے بڑھانے پر زور دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع