نیویارک(اردوپوائنٹ اخبارتازہ ترین-انٹرنیشنل پریس ایجنسی۔11 مارچ ۔2025 )اقوام متحدہ میں پاکستان کے مستقل مندوب منیر اکرم نے 10 مارچ کو اقوام متحدہ کی سلامتی کونسل کے اجلاس میں افغانستان میں دہشت گرد گروہوں بالخصوص تحریک طالبان پاکستان (ٹی ٹی پی) کی موجودگی پر گہری تشویش کا اظہار کیا ہے.
(جاری ہے)
انہوں نے کہا کہ کابل حکام نہ صرف ان گروہوں کے خلاف کارروائی میں ناکام رہے ہیں بلکہ بعض معاملات میں ان کی پشت پناہی بھی کر رہے ہیں سفیر منیر اکرم نے کہا کہ ٹی ٹی پی 6000 جنگجوﺅں کے ساتھ افغانستان میں سرگرم سب سے بڑی دہشت گرد تنظیم ہے جو پاکستان کے فوجی، شہری اور ریاستی اداروں پر حملے کر رہی ہے ہمارے پاس ایسے شواہد موجود ہیں کہ کابل حکام نے ٹی ٹی پی کی سرحد پار دہشت گردی میں بعض اوقات سہولت کاری بھی کی.
انہوں نے کہا کہ ٹی ٹی پی نہ صرف پاکستان کے لیے بلکہ پورے خطے کے لیے ایک بڑھتا ہوا خطرہ بنتی جا رہی ہے پاکستانی مندوب نے اس امر پر زور دیا کہ پاکستان اپنی قومی سلامتی کے دفاع کے لیے ہر ضروری اقدام کرے گا جس میں اقوام متحدہ کی سلامتی کونسل کی قراردادوں کے تحت دہشت گردوں کے خلاف کارروائیاں بھی شامل ہیں. انہوں نے اس بات پر روشنی ڈالی کہ ہم اپنی سلامتی اور خودمختاری کے تحفظ کے لیے بین الاقوامی قوانین کے مطابق تمام ممکنہ اقدامات کریں گے افغانستان کی طرف سے منیر اکرم کے اس بیان پر فوری ردعمل تو سامنے نہیں آیا البتہ ماضی میں افغان طالبان کی حکومت یہ کہتی رہی ہے کہ وہ عسکریت پسندی کے لیے اپنی سرزمین کسی بھی ملک کے خلاف استعمال نہیں ہونے دے گی.
سفیر منیر اکرم نے کہا کہ افسوس ناک بات یہ ہے کہ کابل حکام داعش سے تو برسرپیکار ہیں لیکن افغانستان میں موجود دیگر دہشت گرد گروہوں جیسے القاعدہ، ٹی ٹی پی اور بلوچ دہشت گردوں ( بی ایل اے) اور مجید بریگیڈ کے خلاف موثر کارروائی میں ناکام رہے ہیں جو پورے خطے کے امن کے لیے خطرہ ہیں انہوں نے عالمی برادری سے مطالبہ کیا کہ افغانستان سے دہشت گردی کے خاتمے کے لیے فوری اور موثر اقدامات کیے جائیں.
انہوں نے اس بات پر بھی زور دیا کہ افغانستان میں موجود دہشت گردوں کے ہاتھوں میں جدید ہتھیاروں کی موجودگی خطرناک ہے ان کا کہنا تھا کہ ہمارے سکیورٹی ادارے سرحد پار سے آنے والے دہشت گردوں سے ایسے جدید ہتھیار برآمد کر چکے ہیں جو غیر ملکی افواج کے چھوڑے گئے ذخائر سے افغان حکام نے حاصل کیے ہیں کابل انتظامیہ کی ذمہ داری ہے کہ وہ ان ہتھیاروں کو دہشت گرد گروہوں سے واپس لے.
پاکستانی مندوب نے چین، ایران، روس اور پاکستان کے وزرائے خارجہ کے 27 ستمبر 2024 کے وزارتی اجلاس کا حوالہ دیتے ہوئے کہا کہ یہ اجلاس افغانستان سے دہشت گرد گروہوں کے خاتمے کے لیے ایک اہم قدم تھا انہوں نے کہا کہ پاکستان علاقائی اور بین الاقوامی شراکت داروں کے ساتھ مل کر دہشت گردی کے خلاف موثر کارروائیاں کرنے کے لیے پرعزم ہے. سفیر منیر اکرم نے اقوام متحدہ کی افغانستان سے متعلق حالیہ رپورٹ پر تنقید کرتے ہوئے کہا کہ اس میں دہشت گردی جیسے اہم مسئلے کو نظر انداز کیا گیا ہے ان کا کہنا تھا کہ یہ حیرت کی بات ہے کہ سیکرٹری جنرل کی رپورٹ میں افغانستان میں دہشت گرد گروہوں کے بڑھتے ہوئے خطرے کا کوئی تفصیلی ذکر نہیں ہے.
پاکستانی مندوب نے افغانستان میں استحکام کے لیے افغان مہاجرین کی جلد از جلد واپسی پر بھی زور دیا اور کہا کہ پاکستان مزید پناہ گزینوں کی میزبانی کا متحمل نہیں ہو سکتا انہوں نے واضح کیا کہ غیر قانونی افغان باشندوں کی ملک بدری کا عمل جاری رہے گا خاص طور پر وہ افراد جو غیر قانونی سرگرمیوں میں ملوث ہیں. سفیر منیر اکرم نے عالمی برادری پر زور دیا کہ افغانستان میں امن و استحکام کے لیے دہشت گرد گروہوں کے خلاف سخت اقدامات کیے جائیں انہوں نے کہاکہ 40 سالہ جنگ کے بعد، افغان عوام امن کے مستحق ہیں اور اس کا واحد راستہ دہشت گرد گروہوں کے خاتمے اور ایک مستحکم حکومت کے قیام میں ہے.
ذریعہ: UrduPoint
کلیدی لفظ: تلاش کیجئے
دہشت گرد گروہوں کے
سفیر منیر اکرم نے
افغانستان میں
انہوں نے کہا
اقوام متحدہ
پاکستان کے
میں افغان
نے کہا کہ
ٹی ٹی پی
کے خلاف
زور دیا
کے لیے
پڑھیں:
ٹرمپ کے غزہ منصوبے کا خیرمقدم کرتے ہیں: پاکستان
—فائل فوٹو
پاکستانی مندوب عاصم افتخار نے کہا ہے کہ غزہ میں تنازع کے خاتمے کے لیے ٹرمپ کے غزہ منصوبے کا خیر مقدم کرتے ہیں، امن معاہدے سے غزہ میں جنگ کا خاتمہ ہوا ہے۔
سلامتی کونسل میں پاکستانی مندوب عاصم افتخار نے کہا کہ پاکستان نے غزہ منصوبے کی قرارداد کے حق میں ووٹ دیا۔
سلامتی کونسل سے خطاب کے دوران انہوں نے کہا کہ بنیادی مقصد غزہ میں معصوم فلسطینوں کے قتل عام کی روک تھام ہے، غزہ سے اسرائیلی فورسز کا مکمل انخلاء چاہتے ہیں۔
سلامتی کونسل میں صدر ٹرمپ کے غزہ منصوبے کی حمایت میں قرارداد منظور
قرار داد میں غزہ کے لیے بین الاقوامی استحکام فورس کی تعیناتی اور غزہ میں عبوری حکومت کے قیام کے نقاط بھی شامل ہیں۔
عاصم افتخار کا کہنا ہے کہ 1967 سے پہلے کی سرحدوں کے مطابق فلسطینی ریاست کا قیام ہمارا مقصد ہے، فلسطینی ریاست کا دارالحکومت القدس ہونا چاہیے۔
واضح رہے کہ سلامتی کونسل میں صدر ٹرمپ کے غزہ منصوبے کی حمایت میں قرارداد منظور کر لی گئی ہے۔
قرارداد کے حق میں پاکستان سمیت 13 ممالک نے ووٹ دیا جبکہ روس اور چین نے ووٹنگ میں حصہ نہیں لیا۔
قرارداد میں غزہ کے لیے بین الاقوامی استحکام فورس کی تعیناتی اور غزہ میں عبوری حکومت کے قیام کے نقاط بھی شامل ہیں۔
وزیراعلیٰ خیبرپختونخوا کا ریڈیو پاکستان پر 9 مئی حملے کی تحقیقات کیلئے انکوائری کمیشن قائم کرنے کا اعلان