دعوت اسلامی کے تحت فیضان مدینہ اسلام آباد میں اسلام آباد کا سب سے بڑا سنت اعتکاف جاری
اشاعت کی تاریخ: 24th, March 2025 GMT
دعوت اسلامی کے تحت فیضان مدینہ اسلام آباد میں اسلام آباد کا سب سے بڑا سنت اعتکاف جاری WhatsAppFacebookTwitter 0 24 March, 2025 سب نیوز
اسلام آباد(سب نیوز)دعوت اسلامی کے تحت اسلام آباد فیضان مدینہ سمیت اسلام آباد کے مختلف دعوت اسلامی کی مساجد میں سنت اعتکاف ہو رہا ہے جبکہ جی الیون فیضان مدینہ میں تربیتی سنت اعتکاف دعوت اسلامی کے رکن شوری حاجی وقار المدینہ صاحب کروا رہے جس میں اسلام کے بنیادی ارکان اور روز مرہ پیش آنے والے مسائل، قرآن کریم درست ادائیگی کے ساتھ پڑھنا، نماز و روزہ کے احکام سمیت مسنون دعائیں و سنت و آداب سکھائے جا رہے ہیں ساتھ ہی ساتھ فیضان مدینہ جی الیون مرکز میں روزانہ افطار اجتماع بھی ہو رہا جس میں معتکف لوگوں کے ساتھ ساتھ اسلام آباد سے مختلف شخصیات اور لوگوں کی شرکت ہوتی اور رکن شوری حاجی وقار المدینہ افطار اجتماع میں رقت انگیز دعا و بیان فرما رہے ۔
میڈیا ڈیپارٹمنٹ دعوت اسلامی کے ذمہ دار نے بتایا کہ الحمدللہ عزوجل ہر سال کی طرح اس سال بھی اس وقت اسلام آباد کا سب سے بڑا سنت اعتکاف اسلام آباد فیضان مدینہ جی الیون مرکز اسلام آباد میں ہو رہا جس میں کم و بیش 1500 لوگ اعتکاف کر رہے اور ان کے انتظامات کے حوالے سے بات چیت کرتے ہوئے رکن شوری حاجی وقار المدینہ صاحب کا کہنا تھا کہ الحمدللہ عزوجل 1500 افراد کا کھانا پینا رہائش اور انکی تربیت اور ان کی کلاسز یہ سب کچھ فی سبیل اللہ ہے معتکف حضرات سے اعتکاف کی کوئی فیس نہیں لی جاتی الحمدللہ عزوجل اسلام آباد کا سب سے بڑا اعتکاف فیضان مدینہ جی الیون مرکز میں ہوتا اور اسکی کوئی فیس نہیں لی جاتی رکن شوری حاجی وقار المدینہ صاحب کا کہنا تھا کہ ہمارا مقصد مجھے اپنی اور لوگوں کی اصلاح کی کوشش کرنی ہے اور امت کی خیر خواہی کرنا ہے ان کو دین کی طرف راغب کرنا اور دین سے منسلک کرنا ہے اور بالخصوص ہماری نوجوان نسل جو بے راہ روی کا شکار ہو رہی ہے اپنی نوجوان نسل کو بچانا ہے اس لیے ہماری کوشش ہوتی ہے کہ جب ہمارے ہاں سنت اعتکاف کے بعد کوئی نوجوان اٹھ کر معاشرہ میں جائے تو وہ ہمارے ہاں سے اپنے اندر مثبت تبدیلیاں لے کر جائے ۔
رکن شوری حاجی وقار المدینہ صاحب کا یہ بھی کہنا تھا کہ الحمدللہ عزوجل دعوت اسلامی کے تحت اسلام آباد میں جی الیون مرکز فیضان مدینہ کے ساتھ ساتھ اسلام آباد کے کئی مقامات پر دعوت اسلامی کے تحت سنت اعتکاف ہو رہا جبکہ مرکزی سنت اعتکاف جی الیون میں ہو رہا۔
ذریعہ: Daily Sub News
کلیدی لفظ: اسلام آباد کا سب سے بڑا دعوت اسلامی کے تحت اسلام آباد میں فیضان مدینہ سنت اعتکاف
پڑھیں:
وفاقی حکومت کو سی ڈی اے تحلیل کر کے اختیارات، اثاثے و ذمہ داریاں MCI کو منتقل کرنے کا حکم
اسلام آباد (محمد ابراہیم عباسی سے)اسلام آباد ہائیکورٹ نے سی ڈی اے کی جانب سے بڑی شاہراہوں سے پیٹرول پمپس اور سی این جی اسٹیشنوں کو براہِ راست رسائی دینے کے عوض رائٹ آف وے چارجز عائد کرنے کے اقدام کو غیر قانونی قرار دے دیا ہ۔
عدالت نے 2015 میں جاری کردہ نوٹیفیکیشن کو کالعدم قرار دیتے ہوئے اس کے تحت وصول کی گئی تمام رقوم واپس کرنے کا حکم بھی جاری کر دیا۔
اسلام آباد ہائیکورٹ کے جسٹس محسن اختر کیانی نے تفصیلی فیصلہ جاری کرتے ہوئے ریمارکس دیے کہ “سی ڈی اے کا اصل مقصد ختم ہو چکا ہے، اب وقت آ گیا ہے کہ وفاقی حکومت اس ادارے کو ختم کرنے کے لیے مناسب اقدامات کرے۔” عدالت نے ہدایت دی کہ سی ڈی اے کے تمام اختیارات، اثاثے اور فرائض میونسپل کارپوریشن اسلام آباد (MCI) کو منتقل کیے جائیں تاکہ اسلام آباد کا نظام مقامی حکومت کے قانونی دائرے میں مؤثر طریقے سے چلایا جا سکے۔
عدالتی فیصلے میں کہا گیا ہے کہ جون 2015 کے نوٹیفکیشن کی بنیاد پر سی ڈی اے کی جانب سے کیے گئے تمام اقدامات غیر مؤثر اور غیر قانونی سمجھے جائیں گے۔ اب اسلام آباد کا انتظامی، ریگولیٹری اور بلدیاتی نظام “اسلام آباد لوکل گورنمنٹ ایکٹ 2015” کے تحت چلایا جا رہا ہے، لہٰذا پرانے قوانین یا ادارہ جاتی ڈھانچے کو نئی قانون سازی کے خلاف نہیں چلنے دیا جا سکتا۔
درخواست گزاروں کے وکیل نے عدالت کو بتایا کہ وہ ریور گارڈن ہاؤسنگ اسکیم کے رہائشی ہیں، جو اسلام آباد ایکسپریس وے سے صرف 1.5 کلومیٹر کے فاصلے پر واقع ہے۔ ان کے مطابق اسکیم میں تمام ترقیاتی کام — بشمول سڑکیں، پانی، بجلی، گیس اور سیوریج — سی ڈی اے کے قوانین کے تحت مکمل ہو چکے ہیں۔ اسکیم کو سی ڈی اے نے 19 جون 2001 کو منظور کیا اور 19 ستمبر 2007 کو این او سی جاری کی گئی۔ 2008 سے یہاں کے مکین سی ڈی اے کے قواعد کے مطابق گھروں میں رہائش پذیر ہیں۔
فیصلے میں عدالت نے آئینِ پاکستان کے آرٹیکل 23 کا حوالہ دیتے ہوئے واضح کیا کہ ہر شہری کو پاکستان کے کسی بھی حصے میں جائیداد خریدنے، رکھنے، اور منتقل کرنے کا حق حاصل ہے، بشرطیکہ یہ حق عوامی مفاد میں بنائے گئے قانون کے تابع ہو۔
عدالت نے مزید قرار دیا کہ جب پرانے قانون کی کوئی شق نئے قانون سے متصادم ہو، اور ہم آہنگی ممکن نہ ہو، تو پرانے قانون کو ختم شدہ تصور کیا جاتا ہے۔
ایوان میں ہنگامہ آرائی ، دھکم پیل ،نعرے بازی پر پنجاب اسمبلی کے 26 ارکان معطل
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی