دوران سرجری مریض کے معدے سے موبائل فون برآمد
اشاعت کی تاریخ: 14th, August 2025 GMT
مصر کے ساحلی شہرالغردقہ کے جنرل ہسپتال میں ڈاکٹروں نے ایک غیر معمولی اور چونکا دینے والی سرجری کے دوران مریض کے معدے سے موبائل فون نکال لیا۔
تفصیلات کے مطابق مریض کو شدید پیٹ درد، مسلسل قے اور کمزوری کی شکایت پر ہسپتال لایا گیا تھا۔ ابتدائی معائنے کے بعد جب ایکسرے اور اسکین کیے گئے، تو ڈاکٹروں کو یہ جان کر حیرت ہوئی کہ مریض کے معدے میں ایک چھوٹا موبائل فون موجود ہے — جسے اس نے کسی نہ کسی طرح نگل لیا تھا۔
ہسپتال کے ڈائریکٹر ڈاکٹر کریم الشبراوی کے مطابق ماہر سرجنز کی ایک ٹیم نے فوری طور پر سرجری کا فیصلہ کیا۔ کامیاب آپریشن کے بعد موبائل فون کو معدے سے بحفاظت نکال لیا گیا۔ خوش قسمتی سے مریض کی حالت اب مستحکم ہے، مگر اُسے ابھی بھی نگرانی میں رکھا گیا ہے تاکہ کسی پیچیدگی سے بچا جا سکے۔
حکام نے یہ واضح نہیں کیا کہ مریض نے فون کیسے نگل لیا لیکن ماہرین کا کہنا ہے کہ ایسی اشیاء نگلنا نہ صرف خطرناک بلکہ جان لیوا بھی ہو سکتا ہے۔
یاد رہے کہ اس سے پہلے 2021 میں بھی مصر میںایک مریض کے جسم سے موبائل فون نکالنے کا واقعہ پیش آ چکا ہے، جس سے ظاہر ہوتا ہے کہ ایسے غیر معمولی واقعات وقتاً فوقتاً رپورٹ ہوتے رہے ہیں۔
ذریعہ: Daily Mumtaz
کلیدی لفظ: موبائل فون مریض کے
پڑھیں:
بلوچستان میں موبائل فون، انٹرنیٹ بندش کیخلاف درخواست سماعت کیلئے منظور
—فائل فوٹوبلوچستان میں موبائل فون اور انٹرنیٹ بندش کے خلاف درخواست سماعت کے لیے منظور کر لی گئی۔
بلوچستان ہائی کورٹ نے معاملے پر محکمہ داخلہ اور پی ٹی اے حکام کو 15 اگست کو طلب کیا۔
بلوچستان بھر میں موبائل فون انٹرنیٹ ڈیٹا سروس ایک...
درخواست میں مؤقف اپنایا گیا ہے کہ موبائل نیٹ ورک کی بندش سے آن لائن تعلیمی نظام درہم برہم اور تجارت متاثر ہے۔ موبائل فون نیٹ ورک کی بندش سے مسافروں کو رابطوں میں دشواری کا سامنا ہے۔
موبائل فون انٹرنیٹ کی بندش کے خلاف درخواست کنزیومر سول سوسائٹی نے دائر کی تھی۔
وزیراعلیٰ پنجاب نے لاہور میں جدید ترین اربن الیکٹرک ٹرام سپراٹانومس ریپڈ ٹرانزٹ چلانے کا افتتاح کردیا