ایف بی ایریا بلاک 15 میں گھر سے خاتون کی پھندا لگی لاش ملی
اشاعت کی تاریخ: 15th, January 2025 GMT
ایف بی ایریا بلاک 15 گلشن مصطفی کے قریب گھر سے ایک خاتون کی پھندا لگی لاش ملی۔
ایس ایچ او جوہر آباد راشد الرحمن نے بتایا کہ خود کشی کرنے والی خاتون کا نام عائشہ زوجہ اظفر ہے, اس کی عمر 24 برس تھی، مذکورہ خاتون کی شادی ایک برس قبل ہوئی تھی, ان کی کوئی اولاد نہیں تھی۔
انہوں نے بتایا کہ اہلخانہ نے بیان دیا یے کہ عائشہ اس سے قبل بھی دو مرتبہ خودکشی کی کوشش کرچکی ہے، تاہم اس میں کامیاب نہیں ہوسکی تھی، اب تیسری مرتبہ اس نے گلے میں پھندا لگاکر خود کشی کرلی اور اپنی جان گنوا دی۔
انہوں نے بتایا کہ اہلخانہ کا کہنا یے کہ عائشہ کو مبینہ طور پرکچھ نفسیاتی مسائل تھے، اہلخانہ نے پولیس کو بیان دیا یے کہ عائشہ نے خودکشی خود کی ہے، یہ اس کا ذاتی فعل ہے، اس لیے وہ مذید قانونی کارروائی نہیں چاہتے ہیں۔
متوفیہ کی لاش گھر سے گلشن اقبال میں واقع نجی ہسپتال لائی گئی، پولیس نے قانونی کارروائی کے بعد خاتون کی لاش ورثاء کے حوالے کردی یے ۔اہل خانہ لاش کو ایدھی سردخانے لے گئے ہیں، جہاں غسل وکفن کے بعد اس کی تدفین کی جائے گی۔
ایس ایچ او جوہر آباد نے بتایا کہ یہ معاملہ خود کشی کا یے، اس لیے پولیس ورثاء کے بیان کے بعد اب مذید کارروائی نہیں کررہی ہے۔
.ذریعہ: Express News
کلیدی لفظ: خاتون کی
پڑھیں:
کورنگی میں تیز رفتار ٹینکر کی ٹکر سے بائیک سوار نوجوان جاں بحق، دوسرا زخمی
کراچی:کورنگی عوامی کالونی میں تیزرفتار واٹر ٹینکر کی ٹکر سے بائیک سوار ایک شخص جاں بحق اور ایک زخمی ہوگیا، مشتعل افراد نے ٹینکر کے شیشے توڑ دیے اور ڈرائیور کو تشدد کرکے شدید زخمی کردیا۔
ایس ایچ او عوامی کالونی ملک عامر نے بتایا کہ عوامی کالونی تھانہ کی حدود میں کورنگی سنگر چورنگی کے قریب تیز رفتار واٹر ٹینکر نے 125 موٹر سائیکل کو ٹکر ماردی، ٹریفک حادثے میں موٹر سائیکل پر سوار ایک شخص جاں بحق اور دوسرا زخمی ہوگیا، حادثے کے مقام پر موجود نامعلوم مشتعل افراد نے واٹر ٹینکر پر پتھراؤ کرکے شیشے توڑ دیے۔ مشتعل افراد واٹر ٹینکر کے ڈرائیور کو تشدد کا نشانہ بنایا جس سے وہ زخمی ہوگیا۔
ٹریفک حادثے کی اطلاع ملتے ہی پولیس موقع پر پہنچ گئی اور صورتحال کو کنٹرول کیا۔پولیس نے ریسیکو ادارے چھیپا ایمبولینسوں کے ذریعے طبی امداد کے لیے جناح اسپتال منتقل کیا۔
انہوں نے بتایا کہ پولیس نے واٹر ٹینکر کو تحویل میں لے کر تھانہ منتقل کردیا، واٹر ٹینکر 16 وہیلر ہے جبکہ موٹر سائیکل مکمل تباہ ہوگئی ہے۔
چھیپا کے ترجمان چوہدری شاہد حسین نے بتایا کہ موٹر سائیکل پر جو شخص پیھچے بیٹھا تھا وہ اس حادثے میں جاں بحق ہوا ہے جبکہ موٹر سائیکل چلانے والا زخمی ہے۔
انہوں نے بتایا کہ جاں بحق شخص کی شناخت 20 سالہ عزیر ولد مبشر احمد سے ہوئی جبکہ زخمی کی شناخت 32 سالہ فہیم ولد صغیر احمد کے نام سے ہوئی۔
ایس ایچ او ملک عامر نے بتایا کہ واٹر ٹینکر کا ڈرائیور شدید زخمی اور بے ہوش ہے اس کی شناخت تاحال نہیں ہوسکی، پولیس اس کی شناخت معلوم کررہی ہے، پولیس حادثے کی تفصیلات معلوم کرکے مزید قانونی کارروائی کرے گی۔
سونے کی تجارت پر لگائی گئی پابندی ختم، وفاقی حکومت کا فیصلہ