قلعہ سیف اللہ کے جنگلات میں آگ بھڑک اٹھی، ریسکیو ٹیمیں متحرک
اشاعت کی تاریخ: 19th, May 2025 GMT
قلعہ سیف اللہ کے جنگلات میں آگ بھڑک اٹھی ہے، ریسکیو ٹیمیں آگ بجھانے کے لیے متحرک ہوگئی ہیں۔
بلوچستان کے ضلع قلعہ سیف اللہ کے زرغون غر کے پہاڑی سلسلے میں اچانک آگ بھڑک اٹھی، جس نے دیکھتے ہی دیکھتے جونیپر کے گھنے درختوں کو اپنی لپیٹ می لے لیا۔ ضلعی انتظامیہ کے مطابق آگ کافی رقبے تک پھیل چکی ہے تاہم تاحال کسی جانی نقصان کی اطلاع موصول نہیں ہوئی ہے، آگ لگنے کی وجوہات بھی معلوم نہیں ہو سکیں۔
یہ بھی پڑھیں: قلعہ سیف اللہ: نایاب پرندے خطرے میں، شکار پر سخت کارروائی کا فیصلہ
لیویز، پی ڈی ایم اے اور مقامی افراد روایتی طریقوں اور فائر بالز کی مدد سے آگ پر قابو پانے کی کوششوں میں مصروف ہیں۔ اس سلسلے میں ڈپٹی کمشنر قلعہ سیف اللہ کی درخواست پر ڈائریکٹر جنرل پی ڈی ایم اے بلوچستان نے ریسکیو فورس کی 2 ٹیمیں تشکیل دے کر فوری طور پر متاثرہ علاقے کی جانب روانہ کر دی گئی ہیں۔
پی ڈی ایم اے کی جانب سے بھجوائی گئی ٹیموں میں 12 تربیت یافتہ ریسکیور اہلکار شامل ہیں، جو 100 فائر بالز، 5 فائر ایکسٹنگوشرز اور 2 ایمبولینسز کے ساتھ آگ بجھانے کے عمل میں حصہ لے رہے ہیں۔ پی ڈی ایم اے صورتحال پر مسلسل نظر رکھے ہوئے ہے اور مکمل امدادی کارروائیوں کے لیے پرعزم ہے۔
یہ بھی پڑھیں : قلعہ سیف اللہ میں ’پاکستان زندہ باد ریلی‘، لوگوں کی بڑی تعداد میں شرکت
متعلقہ ادارے اور مقامی افراد مل کر آگ پر قابو پانے کے لیے بھرپور کوششیں کر رہے ہیں اور امدادی سرگرمیاں تاحال جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آگ بلوچستان پاکستان جنگلات فائر بریگیڈ قلعہ عبداللہ.ذریعہ: WE News
کلیدی لفظ: بلوچستان پاکستان جنگلات فائر بریگیڈ قلعہ عبداللہ قلعہ سیف اللہ پی ڈی ایم اے کے لیے
پڑھیں:
کراچی، اورنگی ٹاؤن صابری چوک کے قریب اندھی گولی لگنے سے 5 سالہ بچہ جاں بحق
کراچی:شہر قائد میں اورنگی ٹاؤن کے علاقے صابری چوک کے قریب نامعلوم سمت سے فائر کی گئی اندھی گولی نے ایک 5 سالہ بچے کی جان لے لی۔
پولیس کے مطابق جاں بحق بچے کی شناخت برہان کے نام سے ہوئی ہے۔
تفصیلات کے مطابق برہان اپنے ماموں کے ہمراہ موٹرسائیکل پر ناظم آباد کی طرف جا رہا تھا کہ اچانک کسی نامعلوم شخص کی جانب سے فائر کی گئی گولی بچے کے سر میں لگ گئی، جو اس کی زندگی کے لیے مہلک ثابت ہوئی۔
بچے کو فوری طور پر عباسی شہید اسپتال منتقل کیا گیا جہاں ڈاکٹروں نے اسے مردہ قرار دے دیا۔
پولیس کا کہنا ہے کہ متوفی بچہ چار بہن بھائیوں میں تیسرے نمبر پر تھا اور اس کے والد شیرشاہ میں مزدوری کرتے ہیں۔
پولیس واقعے کی مزید تحقیقات کر رہی ہے تاکہ گولی چلانے والے شخص کا پتا چلایا جا سکے۔
دبئی میں اُڑن ٹیکسی کی پہلی آزمائشی پرواز کامیاب