وزیراعلیٰ خیبرپختونخوا سہیل آفریدی کا اڈیالہ روڈ داہگل ناکے پر مختصر دھرنا، پھر واپس روانہ
اشاعت کی تاریخ: 23rd, October 2025 GMT
وزیراعلیٰ خیبرپختونخوا سہیل آفریدی نے اڈیالہ روڈ پر واقع داہگل ناکے پر مختصر دھرنا دیا اور بعد ازاں واپس روانہ ہو گئے۔ دھرنے میں پی ٹی آئی کے رہنما جنید اکبر، مینا خان آفریدی، ڈاکٹر شفقت ایاز، رانا فراز نون اور دیگر شامل تھے۔ اس دوران داہگل ناکے پر سکیورٹی کے سخت انتظامات کیے گئے تھے۔
دھرنے کے موقع پر وزیراعلیٰ سہیل آفریدی نے خطاب کرتے ہوئے کہا کہ وہ اپنے لیڈر سے پالیسی لینے آئے ہیں۔ انہوں نے بتایا کہ تمام قانونی راستے اختیار کیے ہیں اور اب وہ عوام کے درمیان جا کر ان سے رائے لیں گے تاکہ وہ فیصلہ کر سکیں۔
وزیراعلیٰ نے کہا، “جب سے میں وزیراعلیٰ بنا ہوں، مجھے ہدف بنایا جا رہا ہے۔ عدالتی احکامات کے باوجود ہمیں آج اپنے لیڈر سے ملاقات کی اجازت نہیں دی گئی۔ رہنمائی لینا میرے لیے بہت ضروری ہے۔”
سہیل آفریدی نے وفاقی اور پنجاب حکومت کو ملاقات کی درخواست بھیجی ہے اور عدالتوں کا دروازہ بھی کھٹکھٹایا ہے، لیکن کوئی سننے والا نہیں ہے۔ انہوں نے کہا، “سوچنا پڑے گا کہ ہمارا ملک کس راہ پر جا رہا ہے۔”
وزیراعلیٰ نے مزید کہا کہ اب وہ عوام کی عدالت میں جائیں گے اور پارٹی کی جانب سے جو بھی ہدایات ملیں گی، اس پر عمل کریں گے۔ ان کا کہنا تھا کہ حکمت عملی واضح ہے اور بانی پارٹی کی اجازت کے بغیر کابینہ تشکیل نہیں دی جائے گی۔
سہیل آفریدی نے یہ بھی کہا کہ بحیثیت وزیراعلیٰ عوام کے کام کرنا ان کا فرض ہے، جب کہ جلسے جلوس پارٹی کا معاملہ ہے۔ انہوں نے افغان مہاجرین کے حوالے سے کہا کہ انہیں عزت اور وقار کے ساتھ وطن واپس بھیجا جائے گا۔
دھرنے کے بعد وزیراعلیٰ خیبرپختونخوا سہیل آفریدی میڈیا سے مختصر گفتگو کے بعد واپس روانہ ہو گئے۔
ذریعہ: Daily Mumtaz
کلیدی لفظ: سہیل ا فریدی نے کہا کہ
پڑھیں:
بانی پی ٹی آئی سے مشاورت وزیراعلیٰ کا آئینی اور قانونی حق ہے: بیرسٹر سیف
— فائل فوٹوپی ٹی آئی کے رہنما بیرسٹر محمد علی سیف کا کہنا ہے کہ بانی پی ٹی آئی سے مشاورت وزیراعلیٰ کا آئینی اور قانونی حق ہے۔
بیرسٹرسیف نے اپنے بیان میں کہا کہ خیبر پختونخوا کے عوام نے بانیٔ پی ٹی آئی کو مینڈیٹ دیا ہے۔
راولپنڈی میں وزیرِ اعلیٰ خیبر پختون خوا سہیل آفریدی نے اڈیالہ داہگل ناکے پر دھرنا دیا بعد میں ختم کر دیا۔
اُنہوں نے کہا کہ عدالتی حکم کے باوجود منتخب وزیراعلیٰ کو ملاقات سے روکا جا رہا ہے، عدالتی احکامات کو روندنا ملک میں لاقانونیت کو فروغ دے رہا ہے۔
بیرسٹرسیف نے کہا کہ وزیراعلیٰ سہیل آفریدی نے پنجاب حکومت کو ملاقات کے لیے باقاعدہ خط بھی لکھا تھا۔
اُنہوں نے مزید کہا کہ عدالتوں پر حملے اور عدالتی احکامات کی خلاف ورزی شریف خاندان کی عادت ہے۔
افغانستان سمیت جو بھی حملہ کرے گا اس کو بھرپور جواب ملے گا، وزیراعلی خیبرپختونخواسہیل آفریدی