وارنر کی جاندار اننگز نے دبئی کیپیٹلز کو آئی ایل ٹی کے پلے آف میں پہنچا دیا
اشاعت کی تاریخ: 3rd, February 2025 GMT
دبئی : ڈیوڈ وارنر کی شاندار بیٹنگ کی بدولت دبئی کیپٹلز نے ابوظبی نائٹ رائیڈرز کو 26 رنز سے شکست دیکر آئی ایل ٹی 20 سیزن 3 کے پلے آف میں جگہ بنالی۔ اس فتح کے ساتھ ہی دبئی کیپٹلز پلے آف میں جگہ بنانے والی چوتھی اور آخری ٹیم بن گئی ہے۔
سیزن کا پہلا میچ کھیلنے والے وارنر نے شاندار ناقابل شکست 93 رنز کی شاندار اننگز کھیل کر دبئی کیپیٹلز کو ابوظبی نائٹ رائیڈرز کے خلاف 7 میچز میں چھٹی فتح دلائی۔
نائٹ رائیڈز کو 218 رنز کے ہدف کا تعاقب کرتے ہوئے مقابلے میں رہنے کے لئے ایک بھرپور فتح درکار تھی ۔ اینڈریز گوس نے 11 گیندوں میں 6چوکے لگا کر اپنی ٹیم کو پاور پلے کے اختتام پر بغیر کسی نقصان 50 رنز پر پہنچایا ۔ ہدف کا تعاقب میں کائل میئرز نے بھی کچھ اچھے شاٹ کھیلے۔
گوس اور میئرز نے نائٹ رائیڈرز کے لئے ہدف کا تعاقب کرنے کی بنیاد رکھی کیونکہ وہ بغیر کسی نقصان 89 رنز بناچکے تھے تاہم باؤلنگ میں متاثر کن تبدیلی نے کیپیٹلز کو مقابلے میں واپسی کا موقع دیا ۔ جس کی وجہ سے میئرز 29 گیندوں پر 42 رنز بنا کر آؤٹ ہوئے اور نصف سینچری بنانے سے رہ گئے۔
جو کلارک نے گوس کا ساتھ دیا وہ 55 رنز بنا کر آؤٹ ہوئے۔ انہوں نے احمد کی گیند پر لگاتار چھکے لگائے جس کی بدولت نائٹ رائیڈرز نے 13 اوورز میں ایک وکٹ کے نقصان پر 122 رنز بنائے اور اسے آخری 42 گیندوں پر 96 رنز درکار تھے۔
ڈیوڈ ولی صرف ایک رن بنانے کے بعد آؤٹ ہوگئے اور نائٹ رائیڈرز 18 گیندوں پر 65 رنز کی ضرورت تھی اور اس کے 5 وکٹیں باقی تھی تاہم ہدف کا تعاقب مشکل رہا اور دبئی کیپیٹلز نے 26 رنز سے فتح حاصل کرلی۔
اس سے قبل دبئی کیپیٹلز نے پہلے کھیلتے ہوئے مضبوط آغاز کیا اور اس کے دونوں اوپنرز شائی ہوپ اور وارنر اچھی کارکردگی کا مظاہرہ کرتے نظر آئے۔ ان دونوں کھلاڑیوں نے باری باری چوکے لگائے اور کیپٹلز نے پاور پلے کے اختتام پر بغیر کسی نقصان 43 رنز بنائے۔
ہوپ نے اس کے بعد 2 چھکے لگائے جس کے بعد روسٹن چیس نے انہیں آؤٹ کرکے 82 رنز کی شراکت داری کا خاتمہ کردیا۔
وارنر نے 33 گیندوں پر اپنی نصف سنچری مکمل کی یہ ان کی ٹی 20 میں 116 ویں نصف سینچری تھی۔ اس کے بعد افغان اسٹار نے جیسن ہولڈر کی گیند پر 2 بڑے چھکے لگا کر اپنی ٹیم کو بڑے اسکور کے قریب پہنچا دیا۔
نائب 25 گیندوں پر 47 رنز بنا کر آؤٹ ہو گئے۔ روومین پاول صرف 2 گیندوں ہی کھیل سکے سے بچ سکے ۔ داسن شناکا نے کیپیٹلز کے اسکور کو مزید تیز کیا۔ سری لنکن بلے باز نے شاندار کارکردگی کا مظاہرہ کرتے ہوئے صرف 7 گیندوں پر 17 رنز بنائے جبکہ وارنر 93 رنز بناکر ناٹ آؤٹ رہے جس کی بدولت کیپیٹلز نے ٹورنامنٹ کی تاریخ میں دبئی میں سب سے بڑا اسکور 217 رنز بنایا۔
ڈیوڈ وارنر میچ کے بہترین کھلاڑی قرار پائے۔
ذریعہ: Daily Mumtaz
پڑھیں:
بابر اعظم کا ٹی20 کرکٹ میں ایک اور ریکارڈ، روہت کے بعد کوہلی کو بھی پیچھے چھوڑ دیا
لاہور:قومی کرکٹ ٹیم کے سابق کپتان بابراعظم نے سابق کپتان روہت شرما کا سب سے زیادہ رنز بنانے کا ریکارڈ توڑنے کے بعد ویرات کوہلی کا ٹی20 کرکٹ میں ایک اننگز میں 50 سے زیادہ رنز بنانے کا ریکارڈ بھی اپنے نام کرلیا۔
قذافی اسٹیڈیم لاہور میں جنوبی افریقہ کے خلاف تیسرے اور آخری ٹی20 میچ میں پاکستان 4 وکٹوں سے کامیابی حاصل کرکے سیریز بھی جیت لی اور وہی تجربہ کار بیٹر بابراعظم نے ٹی20 ٹیم میں واپسی کے بعد سیریز میں دوسرا ریکارڈ اپنے نام کرلیا ہے۔
جنوبی افریقہ نے پاکستان کو میچ اور سیریز جیتنے کے لیے 140 رنز کا ہدف دیا تو صاحبزادہ فرحان اور صائم ایوب ایک مرتبہ پھر بڑی اوپننگ شراکت کرنے میں ناکام رہے تاہم بابراعظم نے اچھی بیٹنگ کرتے ہوئے ٹیم کو جیت پوزیشن پر لاکھڑا کیا۔
بابراعظم نے میچ میں 9 چوکوں کی مدد سے 68 رنز کی اننگز کھیلی جو ان کے کیریئر کی 40 اننگز تھی، جس میں انہوں نے 50 سے زائد رنز بنانے کا ریکارڈ قائم کیا۔
قبل ازیں بھارت کے ٹی20 سے ریٹائرمنٹ لینے والے بھارتی بیٹر ویرات کوہلی نے 125 میچوں میں 39 مرتبہ 50 سے زائد رنز بنانے کا ریکارڈ بنایا تھا۔
روہت شرما یہ کارنامہ اپنے ٹی20 کیریئر میں 37 مرتبہ انجام دے چکے ہیں اور 159 میچوں میں انہوں نے یہ ریکارڈ بنایا تھا۔
پاکستان کے محمد رضوان نے صرف 106 میچوں میں 31 مرتبہ 50 سے زائد رنز کی اننگز کھیلنے کا اعزاز حاصل کر رکھا ہے، پانچویں نمبر پر آسٹریلیا کے سابق بیٹر ڈیوڈ وارنر ہیں جنہوں نے 29 مرتبہ 50 رنز سے بڑی اننگز کھیلی۔
پاکستان نے جنوبی افریقہ کو ٹی20 سیریز میں 1-2 سے شکست دے، بابراعظم کو ذمہ دارانہ بیٹنگ پر میچ اور فہیم اشرف کو بولنگ میں اچھی کارکردگی پر ٹی20 سیریز کا بہترین کھلاڑی قرار دیا گیا۔
پاکستان اور میٹا کا ڈیجیٹل تعاون بڑھانے پر اتفاق