سونو نگم کا علی ظفر سے قریبی تعلقات اور محبت کا اظہار
اشاعت کی تاریخ: 28th, August 2025 GMT
ممبئی (شوبز ڈیسک) بھارتی موسیقی کے لیجنڈری گلوکار سونو نگم نے پاکستانی پاپ اسٹار علی ظفر کے ساتھ قریبی تعلقات اور محبت کا اعتراف کیا ہے۔ ایک حالیہ انٹرویو میں انہوں نے انکشاف کیا کہ وہ مستقل طور پر علی ظفر سے رابطے میں رہتے ہیں۔
سونو نگم کا کہنا تھا کہ “میں ہر ہفتے یا دو ہفتے بعد علی ظفر سے بات کرتا ہوں۔ وہ نہایت اچھے اور عظیم انسان ہیں۔” ان کے مطابق وہ ان لوگوں سے زیادہ قربت محسوس کرتے ہیں جن کی سوچ اور اقدار ان سے مطابقت رکھتی ہیں۔
A post shared by Galaxy Lollywood (@galaxylollywood)
اسی انٹرویو میں سونو نگم نے پاکستانی لوک گلوکار عطا اللہ عیسیٰ خیلوی کے ساتھ جڑی یادوں کو بھی یاد کیا۔ انہوں نے بتایا کہ کیریئر کے آغاز میں وہ عطا اللہ کے مشہور گانے “اچھا صلہ دیا تو نے میرے پیار کا” گایا کرتے تھے۔
سونو نگم نے کہا کہ عطا اللہ عیسیٰ خیلوی کے گانوں نے ان کے کیریئر کو نیا رخ دیا اور وہ ہمیشہ ان کے شکر گزار رہیں گے۔
Post Views: 4.ذریعہ: Daily Mumtaz
کلیدی لفظ: علی ظفر
پڑھیں:
چارلی کرک پر متنازع تبصرے پر جمی کیمل شو معطل، ٹرمپ خوش ہوگئے
امریکی ٹی وی چینل اے بی سی نے اپنے مقبول لیٹ نائٹ شو کے میزبان جمی کیمل کو اس وقت آف ایئر کر دیا جب انہوں نے دائیں بازو کے سرگرم کارکن چارلی کرک کی فائرنگ میں ہلاکت پر متنازعہ ریمارکس دیے۔
ڈزنی کی ملکیت والے نیٹ ورک کے ترجمان نے اعلان کیا ہے کہ جمی کیمل لائیو غیر معینہ مدت تک بند رہے گا۔
جمی کیمل نے اپنے شو میں کہا تھا کہ ’میگا گروپ‘ چارلی کرک کے قتل کو سیاسی پوائنٹس کے لیے استعمال کر رہا ہے۔ ان کے اس بیان کے بعد سخت ردِعمل سامنے آیا۔
یہ بھی پڑھیں: چارلی کرک کو قتل کرنے کا دعویٰ کرنے والا بیان سے مکر گیا، حقیقت بیان کردی
سابق صدر ڈونلڈ ٹرمپ نے اے بی سی کے اس فیصلے کو ’امریکا کے لیے خوشخبری‘ قرار دیتے ہوئے سوشل میڈیا پر لکھا کہ ’ریٹنگز کے لحاظ سے ناکام شو بالآخر منسوخ ہو گیا، اے بی سی کو مبارک ہو کہ اس نے صحیح قدم اٹھایا۔‘
ہالی ووڈ کی شخصیات اور مداحوں نے اس فیصلے پر افسوس اور غصے کا اظہار کیا۔ اداکار بین اسٹلر، جین اسمارٹ، جیمی لی کرٹس اور گلوکار جان لیجنڈ سمیت متعدد فنکاروں نے اسے آزادی اظہار پر حملہ قرار دیا ہے، مداحوں کا کہنا تھا کہ رائے دینا جرم نہیں ہونا چاہیے۔
کچھ بڑے ٹی وی نیٹ ورکس اور اسٹیشنز نے بھی شو نشر نہ کرنے کا اعلان کیا ہے، نیگسٹر میڈیا اور سنکلئیر نے کہا کہ کیمل کے تبصرے ’نازیبا اور حساسیت سے عاری‘ تھے اور یہ عوامی مفاد کے خلاف ہیں۔
مزید پڑھیں: امریکی ویزا کے لیے سوشل میڈیا کی جانچ پڑتال: ’پرائیویسی ہر شخص کا بنیادی حق ہے‘
وفاقی مواصلاتی کمیشن کے سربراہ نے بھی جمی کیمل پر کڑی تنقید کی جبکہ کمیشن کی ڈیموکریٹ رکن آنا گومیز نے اس فیصلے کو بلا جواز قرار دیا۔
امریکی مصنفین اور اداکاروں کی یونینز نے بھی جمی کیمل کو آف ایئر کرنے کی مذمت کرتے ہوئے اسے آزادی اظہار کی خلاف ورزی سے تعبیر کیا۔
جمی کیمل 2003 سے ’جمی کیمل لائیو‘ کی میزبانی کر رہے ہیں اور اب تک 4 مرتبہ آسکر ایوارڈز کی تقریب کی میزبانی بھی کر چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزادی اظہار آسکر ایوارڈز آف ایئر جمی کیمل چارلی کرک خلاف ورزی لائیو لیٹ نائٹ شو ہالی ووڈ وفاقی مواصلاتی کمیشن
دریائے چناب میں سیلابی صورتحال، ٹرین سروس معطل