ابھی مزید کھیلوں گا: رونالڈو کی ریٹائرمنٹ کی خبروں پر وضاحت
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
دنیا کے مشہور ترین فٹبالر کرسٹیانو رونالڈو نے ریٹائرمنٹ سے متعلق گردش کرنے والی خبروں کی وضاحت کرتے ہوئے کہا ہے کہ وہ فی الحال کھیل سے لطف اندوز ہو رہے ہیں اور اگلے ایک یا دو سال تک فٹبال کے میدان میں سرگرم رہیں گے۔
پرتگال سے تعلق رکھنے والے عظیم کھلاڑی نے اپنے ویڈیو بیان میں کہا کہ ان کے پچھلے بیان کو غلط سمجھا گیا، میں نے مذاقاً کہا تھا کہ جلد کا مطلب 10 سال ہے، دراصل میرا مطلب ایک یا دو سال تھا۔
رونالڈو نے کہا کہ فٹبال میں عمر بڑھنے کے ساتھ وقت بہت تیزی سے گزرتا ہوا محسوس ہوتا ہے، مگر وہ اب بھی بہترین جسمانی حالت میں ہیں، مسلسل گول کر رہے ہیں اور اپنے کھیل سے بھرپور لطف اٹھا رہے ہیں۔ انہوں نے کہا کہ وہ اب بھی اپنی قومی ٹیم اور کلب النصر، دونوں کے لیے کارکردگی دکھانے کے قابل ہیں۔
انہوں نے اعتراف کیا کہ اگرچہ ریٹائرمنٹ کا وقت قریب آ رہا ہے، لیکن وہ چاہتے ہیں کہ کیریئر کا اختتام اعلیٰ سطح پر ہو۔ رونالڈو نے کہا کہ میں جانتا ہوں کہ ایک وقت آئے گا جب جسم اور ذہن مزید بوجھ نہیں اٹھا پائیں گے، لیکن فی الحال میں فٹ ہوں، خوش ہوں اور کھیل جاری رکھنا چاہتا ہوں۔
یاد رہے کہ کرسٹیانو رونالڈو نے 2002 میں پرتگال کے کلب اسپورٹنگ سے فٹبال کیریئر کا آغاز کیا تھا۔ اب تک وہ ملک اور کلب کی سطح پر 950 سے زائد گول اسکور کر چکے ہیں ، جو کسی بھی موجودہ کھلاڑی کے لیے ایک تاریخی سنگ میل ہے۔ انہوں نے مانچسٹر یونائیٹڈ، ریئل میڈرڈ، یووینٹس اور اب سعودی کلب النصر کے ساتھ یادگار کارکردگی دکھائی ہے۔
رپورٹس کے مطابق رونالڈو کا النصر کے ساتھ جون 2027 تک معاہدہ جاری ہے اور ان کا ہدف اگلا فیفا ورلڈ کپ 2026 ہے، جو ان کے کیریئر کا آخری عالمی ایونٹ ہو سکتا ہے۔ انہوں نے اب تک تمام بڑے اعزازات جیتے ہیں ، بشمول یورو کپ 2016 اور پانچ بیلن ڈی اور ٹائٹلز ، لیکن ورلڈ کپ ان کے خوابوں کی فہرست میں ابھی باقی ہے۔
یاد رہے کہ پرتگال کو ورلڈ کپ کے لیے کوالیفائی کرنے کے لیے رواں ہفتے آئرلینڈ کے خلاف میچ میں فتح درکار ہے، جس میں رونالڈو کی شرکت کو ٹیم کے لیے حوصلہ افزا سمجھا جا رہا ہے۔
فٹبال ماہرین کے مطابق رونالڈو کی موجودگی نہ صرف ٹیم کے مورال کے لیے اہم ہے بلکہ دنیا بھر کے مداحوں کے لیے بھی یہ ایک خوشخبری ہے کہ رونالڈو ابھی کچھ عرصہ مزید کھیلتے نظر آئیں گے۔
.ذریعہ: Jasarat News
کلیدی لفظ: رونالڈو نے انہوں نے کہا کہ کے لیے
پڑھیں:
شادی کے لہنگے کی قیمت پر ڈاکٹر نبیہا کی وضاحت سامنے آگئی
کراچی:سوشل میڈیا انفلوئنسر ڈاکٹر نبیحہ علی خان نے وضاحت دی ہے کہ شادی کے لہنگے کی قیمت کروڑوں میں نہیں تھی بلکہ خوشی کے باعث ان کی زبان پھسل گئی۔
نئی نویلی دلہن نبیحہ علی خان گزشتہ دنوں اپنی شادی میں پہنے گئے زیورات اور لہنگے کی قیمت کے دعووں کی وجہ سے خبروں اور سوشل میڈیا پر تنقید کی زد میں رہیں جس کے بعد انہوں نے ایک ویڈیو بیان کے ذریعے وضاحت پیش کی۔
اپنے بیان میں نبیحہ علی خان نے کہا کہ کبھی کبھار انسان خوشی میں ایسی بات کہہ دیتا ہے جو حقیقت سے بڑھا چڑھا کر لگتی ہے، میں نے بھی لاکھوں کی چیز کروڑوں کی بتا دی۔
خود سے کئی سال کم عمر دیرینہ دوست سے شادی کرنے والی نبیحہ علی خان نے کہا کہ لوگوں نے اس بات کو مذاق بنالیا، حالانکہ یہ محض ایک زبان پھسلنے کی بات تھی۔
مزید پڑھیں: ڈیڑھ کروڑ میں 35 کلو سونا کہاں ملتا ہے؟ مشی خان نے ڈاکٹر نبیہا کو آڑے ہاتھوں لے لیا
انہوں نے ہنستے ہوئے کہا کہ اگر میں کروڑ، پچاس کروڑ یا ڈھائی سو کروڑ کا ڈریس بھی پہنوں تو آپ لوگوں کو اس سے کیا فرق پڑتا ہے؟
آخر میں نبیحہ علی خان نے مشورہ دیتے ہوئے کہا کہ چھوٹی چھوٹی باتوں پر ٹینشن لینے کے بجائے کبھی خوش بھی ہوجایا کریں۔
یاد رہے کہ ڈاکٹر نبیہا نے اپنی شادی کے موقع پر دعویٰ کیا تھا کہ انہوں نے جو جیولری سیٹ پہنا ہے اس کا وزن کلو اور قیمت ڈیڑھ کروڑ روپے ہے جبکہ انکے لہنگے کی قیمت بھی ایک کروڑ روپے بتائی گئی تھی۔
ڈاکٹر نبیہا علی خان کو اپنے زیورات اور عروسی لباس کی قیمت سے متعلق متنازع بیانات کے باعث سوشل میڈیا صارفین کی جانب سے شدید تنقید کا سامنا کرنا پڑا۔
اداکارہ و میزبان مشی خان نے ڈاکٹر نبیہا کے دعوؤں پر طنزیہ ردعمل دیتے ہوئے کہا تھا کہ پینتیس کلو کا سیٹ تو امبانی کی شادی میں بھی کسی نے نہیں پہنا ہوگا، آخر کون سی دکان ہے جہاں ڈیڑھ کروڑ روپے میں پینتیس کلو سونا مل رہا ہے؟۔
انہوں نے مزید کہا کہ سونے کی قیمت تو آسمان کو چھو رہی ہے، اگر واقعی ایسی کوئی دکان ہے جہاں اتنا سونا ڈیڑھ کروڑ میں ملتا ہے تو ہم سب بھی وہیں سے خریداری کرنے جائیں گے۔
حقائق کی تصحیح: پاکستان بھارت جنگ میں بھارت کے آٹھ طیارے گرے تھے