دنیا بھر میں سروس میں خرابی کیوں اور کیسے ہوئی؟ کلاؤڈ فلیئر نے وضاحت کردی
اشاعت کی تاریخ: 19th, November 2025 GMT
گزشتہ روز کلاؤڈ فلیئر کے نیٹ ورک میں اچانک سنگین خرابی پیدا ہونے کے باعث بنیادی نیٹ ورک ٹریفک کی ترسیل متاثر ہوئی۔
انٹرنیٹ صارفین کو کلاؤڈ فلیئر کے ذریعے چلنے والی ویب سائٹس تک رسائی کی کوشش کے دوران ایک ایرر پیج نظر آتا تھا جس میں نیٹ ورک کی ناکامی ظاہر کی جاتی تھی۔
یہ بھی پڑھیں: کلاؤڈ فلیئر میں تکنیکی خرابی کے باعث متعدد ویب سائٹس متاثر، ایکس کی سروس بھی ڈاؤن
کمپنی کے مطابق یہ مسئلہ کسی سائبر حملے یا بدنیتی پر مبنی کارروائی کی وجہ سے نہیں ہوا، بلکہ ایک ڈیٹابیس سسٹم کی پرمیشنز میں تبدیلی کے باعث ہوا، جس نے غلطی سے بوٹ مینجمنٹ سسٹم کے لیے بننے والی ’فیچر فائل‘ میں متعدد غیرضروری اندراجات شامل کردیں۔
On November 18 Cloudflare experienced a service outage, triggered by an issue with a Bot Management feature, impacting multiple Cloudflare services.
— Cloudflare (@Cloudflare) November 18, 2025
میڈیا رپورٹس کے مطابق، اس فائل کا حجم ایک دم دوگنا ہوگیا اور یہی غیر متوقع طور پر بڑی فائل نیٹ ورک کے تمام سرورز تک پہنچا دی گئی۔
یہ فائل ان مشینوں پر چلنے والے سافٹ ویئر کے لیے انتہائی اہم ہے جو نیٹ ورک ٹریفک کو راؤٹ کرتی ہیں۔ تاہم سافٹ ویئر میں فائل کے سائز کی ایک حد مقرر تھی، جو اس دوگنی فائل سے کم تھی۔
مزید پڑھیں: دنیا بھر میں انٹرنیٹ سروس متاثر: گڑبڑ کے پیچھے کلاؤڈ فلیئر، یہ ہے کیا؟
نتیجتاً، سافٹ ویئر ناکام ہو گیا اور نیٹ ورک میں خلل پیدا ہوا۔
ابتدائی طور پر ٹیم نے غلط فہمی میں اسے ایک بڑے پیمانے کے ’ڈی ڈوس‘ حملے سے جوڑا، لیکن بعد ازاں اصل مسئلے کی نشاندہی کی گئی اور فیچر فائل کے بڑے ورژن کی مزید ترسیل روک دی گئی اور اس کی جگہ پرانی، درست فائل سسٹم میں ڈال دی گئی۔
مزید پڑھیں: عالمی سطح پر انٹرنیٹ سروس متاثر، پی ٹی آے کا مؤقف سامنے آگیا
’۔۔۔ 14:30 بجے تک بنیادی نیٹ ورک ٹریفک دوبارہ معمول کے مطابق چلنے لگی، اس کے بعد چند گھنٹوں تک اضافی لوڈ کم کرنے کے لیے مزید اقدامات کیے جاتے رہے، اور 17:06 تک تمام سسٹمز مکمل طور پر بحال ہو گئے۔‘
کلاؤڈ فلیئر کا کہنا ہے کہ وہ اپنے صارفین اور مجموعی طور پر انٹرنیٹ کو ہونے والی پریشانی پر شدید افسوس کا اظہار کرتی ہے۔
کمپنی کے مطابق ان کے نیٹ ورک کی اہمیت کے پیش نظر کسی بھی قسم کی خرابی ناقابل قبول ہے، اور ٹیم اس بات پر سخت دکھی ہے کہ ایک مرحلے پر نیٹ ورک ٹریفک کی راؤٹنگ ممکن نہیں رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیٹ سافٹ ویئر صارفین کلاؤڈ فلیئر نیٹ ورک ٹریفک
ذریعہ
ذریعہ: WE News
کلیدی لفظ: انٹرنیٹ سافٹ ویئر صارفین کلاؤڈ فلیئر نیٹ ورک ٹریفک نیٹ ورک ٹریفک سافٹ ویئر کے مطابق کے لیے
پڑھیں:
پاک ویسٹ انڈیز ٹیسٹ سیریز، ٹرافی کی رونمائی کردی گئی
ویسٹ انڈیز (نیوز ڈیسک)پاکستان اور ویسٹ انڈیز کے درمیان ٹیسٹ سیریز کی ٹرافی کی رونمائی کر دی گئی۔
قومی ٹیم کے کپتان بابر اعظم اور ویسٹ انڈیز کے کپتان روسٹن چیز نے ٹیسٹ سیریز کے ٹرافی کی رونمائی کی، ٹرافی کی رونمائی برائن لارا کرکٹ اکیڈمی میں کی گئی۔
دونوں ٹیموں کے درمیان پہلا ٹیسٹ میچ 25 جولائی سے شروع ہوگا۔
مزید پڑھیں۔حکومت کا بڑا ریلیف، الیکٹرک بائیکس پر سبسڈی اور بلاسود قرض کا اعلان
بھارت سے جنگ اور افغانستان میں کارروائی خارج ازامکان نہیں، وزیردفاع