فیصل آباد: گھریلو جھگڑے، دیور نے بھابی، بھتیجے نے چچا کو قتل کر دیا
اشاعت کی تاریخ: 29th, December 2025 GMT
فیصل آباد (نمائندہ خصوصی) گھریلو جھگڑوں کے دوران دیور نے بھابھی اور بھتیجے نے چچا کو موت کے گھاٹ اتار دیا۔ تھانہ کھرڑیانوالہ کے علاقہ سات مرلہ سکیم 193 ر ب میں قیصر نے معمولی تلخ کلامی پر طیش میں آ کر شیشے کا جگ اپنی بھابھی نورالعین کے سر پر مار کر اسے شدید زخمی کر دیا اور فرار ہو گیا۔ متاثرہ خاتون کو تشویشناک حالت میں ہسپتال منتقل کیا گیا مگر جانبر نہ ہو سکی۔ تھانہ ڈجکوٹ کے علاقے 272 ر ب میں جائیداد کی تقسیم کے دوران ہونے والے جھگڑے میں ابو سفیان نے فائرنگ کر کے اپنے سگے چچا عثمان الیاس کو قتل کر دیا اور فرار ہو گیا۔ پولیس نے پوسٹ مارٹم کے بعد نعشیں ورثاءکے حوالے کر دیں اور مقدمات درج کر کے ملزمان کے خلاف کارروائی کا آغاز کر دیا ہے۔
بھابی، چچا قتل
.
ذریعہ
ذریعہ: Nawaiwaqt
کلیدی لفظ: کر دیا
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع