نعمان اعجاز نے شوبز انڈسٹری کی تلخ حقیقت بیان کردی
اشاعت کی تاریخ: 2nd, January 2026 GMT
نامور پاکستانی اداکار نعمان اعجاز نے شوبز انڈسٹری کے تاریک پہلوؤں پر بات کرتے ہوئے کہا ہے کہ ہماری انڈسٹری میں ہر کوئی دل میں رنجش رکھتا ہے۔
حال ہی میں ایک انٹریو کے دوران سینئر پاکستانی اداکارہ نے انٹرٹینمنٹ انڈسٹری کے بارے میں ایک تلخ حقیقت بیان کرتے ہوئے کہا ہے کہ شوبز شخصیات کے درمیان تعلقات کی بنیاد اکثر حسد اور رنجش پر ہوتی ہے۔
یاد رہے کہ نادیہ خان کے پروگرام میں ہدایت کارہ اور اداکارہ سنگیتا کی جانب سے نعمان اعجاز پر تنقید کی گئی تھی اور سینئر اداکار پر غیر پیشہ ورانہ رویے کا الزام عائد کیا تھا۔
سنگیتا کا دعویٰ تھا کہ نعمان اعجاز نے تین سال قبل ان کے ڈرامہ سیریل ’بھلّے شاہ‘ کی مکمل ادائیگی وصول کرلی تھی، مگر شوٹنگ شروع ہونے پر مختلف بہانوں سے کام کرنے سے انکار کر دیا، جس کے باعث منصوبہ لٹکا رہا۔
میزبان کی جانب سے نعمان اعجاز سے جب اس حوالے سے پوچھا گیا تو سینئر اداکار نے کسی کا نام لیے بغیر انڈسٹری میں موجود کلچر پر کھل کر گفتگو کی۔
ان کا کہنا تھا کہ میں نے اپنے پروفیشنل کریئر کے دوران یہ سیکھا ہے کہ ہماری انڈسٹری میں ہر شخص دل میں رنجش رکھتا ہے۔
انہوں نے مزید کہا کہ اگر آپ کسی وجہ سے یا مجبوری کے تحت کوئی پراجیکٹ کرنے سے انکار کر دیں تو لوگ اسے ذاتی مسئلہ بنا لیتے ہیں، وہ سوچتے ہیں، اس نے مجھے منع کردیا، اب میں کبھی اس کے ساتھ کام نہیں کروں گا۔
سینئر اداکار نے تسلیم کیا کہ اس ماحول نے ان کے کیریئر پر اثر ڈالا ہے، تاہم انہوں نے وقت کے ساتھ اسے قبل کردیا۔
ان کا کہنا تھا کہ اس فیلڈ میں میرے بہت سے دشمن ہیں، لیکن لوگ کہتے ہیں جتنے زیادہ دشمن ہوں، اللہ اتنی ہی زیادہ کامیابی دیتا ہے، تاہم میں کبھی نہیں چاہتا کہ میرا بیٹا یہ سب کچھ جھیلے، ایسے لوگوں میں پھنسے جن کی سوچ اس قسم کی ہو۔
واضح رہے کہ نعمان اعجاز نے اپنے بیٹے ضویار کے حوالے سے خدشہ ظاہر کیا ہے کہ ان خلاف موجود رنجشیں کہیں ان کے بیٹے کے کیریئر کو متاثر نہ کریں، جنہوں نے شوبز انڈسٹری میں قدم رکھ دیا ہے۔
انہوں نے مزید کہا کہ میں نے ضویار سے کہا ہے کہ میں دعا کرتا ہوں کہ جو لوگ مجھ سے رنجش رکھتے ہیں وہ تم پر اس کا غصہ نہ نکالیں، ان شاء اللہ، وہ ان مشکلات سے سیکھے گا، ٹھوکریں کھانا ایک اچھا اور عظیم انسان بننے کے لیے ضروری ہوتا ہے۔
TagsShowbiz News Urdu.
ذریعہ
ذریعہ: Al Qamar Online
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
بھارت سے جنگ اور افغانستان میں کارروائی خارج ازامکان نہیں، وزیردفاع