متنازع خودکشی پوڈ میں نیا اے آئی فیچر، جوڑوں کو ایک ساتھ مرنے کی اجازت دینے کی تیاری
اشاعت کی تاریخ: 27th, January 2026 GMT
متنازع سارکو (Sarco) خودکشی پوڈ ایک بار پھر عالمی توجہ کا مرکز بن گیا ہے، جب اس کے موجد فلپ نِچکے نے انکشاف کیا کہ جوڑوں کے لیے ایک نیا اور بڑا ورژن تیار کیا جا رہا ہے۔ اس نئے ماڈل کو ’ڈبل ڈچ سارکو‘ کا نام دیا گیا ہے، جو 2 افراد کے لیے بنایا جائے گا۔
مزید پڑھیں: ڈھاکہ، پاکستانی شہری کی فیملی تنازع کے دوران خودکشی کی کوشش
نِچکے کے مطابق اس پوڈ میں ایسا نظام ہوگا کہ دونوں افراد کو بیک وقت بٹن دبانا ہوگا، بصورت دیگر مشین فعال نہیں ہوگی۔ نئے پوڈ میں مصنوعی ذہانت (AI) کو بھی شامل کیا جائے گا جو استعمال کرنے والوں کی ذہنی صلاحیت کا جائزہ لے گی۔
سارکو پوڈ پہلی بار 2019 میں سوئٹزرلینڈ میں متعارف کرایا گیا تھا۔ یہ تھری ڈی پرنٹڈ کیپسول نائٹروجن گیس خارج کرتا ہے جس سے اندر آکسیجن کی مقدار خطرناک حد تک کم ہو جاتی ہے اور موت واقع ہو جاتی ہے، وہ بھی بغیر کسی طبی نگرانی کے۔
فلپ نِچکے کا کہنا ہے کہ انہیں کئی جوڑوں کی جانب سے دلچسپی ظاہر کی جا چکی ہے، جن میں ایک برطانوی جوڑا بھی شامل ہے جس نے ایک دوسرے کی بانہوں میں مرنے کی خواہش ظاہر کی۔
مزید پڑھیں: لاہور: یونیورسٹی طالبہ نے خودکشی کی کوشش کیوں کی؟ وجوہات سامنے آ گئیں
2024 میں اس پوڈ کا پہلا دستاویزی استعمال سامنے آیا تھا، جب ایک 64 سالہ امریکی خاتون نے سوئٹزرلینڈ میں اس ڈیوائس کے ذریعے جان دی۔ واقعے کے بعد حکام نے پوڈ ضبط کر لیا تھا، تاہم بعد ازاں سوئس پراسیکیوٹرز نے قتل کے الزامات عائد کرنے سے انکار کر دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی فیچر، خودکشی خودکشی پوڈ.
ذریعہ
ذریعہ: WE News
کلیدی لفظ: اے آئی فیچر خودکشی پوڈ
پڑھیں:
10 لاکھ تک بِلا سود قرضہ کیسے حاصل کریں؟ درخواست دینے کا طریقہ جانیے
حکومت نے شہریوں کو اپنے گھروں کی مرمت، بہتری اور توسیع کے لیے مالی معاونت فراہم کرنے کے مقصد سے "اپنی چھت، محفوظ چھت" پروگرام 2026 شروع کر دیا ہے، جس کے تحت اہل افراد کو 5 سے 10 لاکھ روپے تک بلاسود قرضے فراہم کیے جائیں گے۔حکومتی منصوبے کے تحت قرضوں کی فراہمی دو مختلف کیٹیگریز میں کی جائے گی۔ پہلی کیٹیگری میں وہ شہری شامل ہوں گے جو اپنے موجودہ گھروں کی چھتوں کی مرمت یا بنیادی ڈھانچے کو مضبوط بنانا چاہتے ہیں۔ انہیں 5 لاکھ روپے تک بلاسود قرض دیا جائے گا، جس کی واپسی 9 سال کے عرصے میں ماہانہ تقریباً 4 ہزار 700 روپے کی اقساط کی صورت میں کرنا ہوگی۔ دوسری کیٹیگری ان افراد کے لیے ہے جو اپنے گھروں کی توسیع، مثلاً دوسری منزل کی تعمیر، کرنا چاہتے ہیں۔ اس مقصد کے لیے 10 لاکھ روپے تک بلاسود قرض فراہم کیا جائے گا، جس کی واپسی بھی 9 سال میں ماہانہ تقریباً 9 ہزار 300 روپے کی اقساط کے ذریعے کی جائے گی۔ آن لائن درخواست دینے کا طریقہ خواہش مند شہری "اپنی چھت، محفوظ چھت" لون اسکیم کے لیے آن لائن درخواست پنجاب حکومت کے متعلقہ پورٹل acag.punjab.gov.pk کے ذریعے جمع کرا سکتے ہیں۔ درخواست گزاروں کو رجسٹریشن کے لیے اپنی ضروری دستاویزات فراہم کرنا ہوں گی۔ وہ شہری جو آن لائن درخواست دینے کی سہولت استعمال نہیں کر سکتے، وہ اپنی درخواستیں ڈپٹی کمشنر، اسسٹنٹ کمشنر یا پنجاب ہاؤسنگ اینڈ ٹاؤن پلاننگ ایجنسی کے دفاتر میں جمع کرا سکتے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع