2025 میں عالمی سیاحت کے لیے 50 مقامات کی فہرست، شمالی پاکستان بھی شامل
اشاعت کی تاریخ: 13th, January 2025 GMT
بین الاقوامی کاروباری اخبار دی فائنانشل ٹائمز نے حال ہی میں ’ڈرامائی پہاڑی مناظر اور سیکیورٹی کی بہتر صورتحال‘ کے پیش نظر شمالی پاکستان کو دنیا بھر میں چھٹیوں میں دیکھنے کے لیے 50 مقامات کی فہرست میں شامل کیا ہے۔
یہ بھی پڑھیں:2024 میں سیاحوں کا پسندیدہ مقام اسکردو رہا، ہنزہ دوسرے نمبر پر
گلگت بلتستان، ایک کم آبادی والا پاکستان کے زیر انتظام ایک خود مختار شمالی علاقہ، جو دنیا کی چند بلند ترین چوٹیوں کا مشکن ہونے کے ناطے ایک اہم سیاحتی مقام ہے، جہاں ہر سال ہزاروں سیاح اور غیر ملکی کوہ پیما مختلف چوٹیوں، پیرا گلائیڈنگ اور دیگر کھیلوں کی سرگرمیوں کی خاطر اس خطے کا دورہ کرتے ہیں۔
فائنانشل ٹائمز برطانیہ میں قائم ایک بین الاقوامی کاروباری اخبار ہے جسے دنیا بھر میں بڑگلگت بلتستان میں سرمائی سیاحت کا آغاز، پہلے چینی وفد کی ہنزہ آمدے پیمانے پر قارئین حاصل ہیں, اخبار اپنے لنکڈ ان پروفائل پر کہتا ہے کہ اس کے پاس ریکارڈ تعداد میں ادائیگی کرنے والے ایک ملین ریڈرز موجود ہیں، جن میں سے تین چوتھائی ڈیجیٹل سبسکرپشنز ہیں۔
مزید پڑھیں:گلگت بلتستان کے سیاحتی مقامات پر اینٹری فیس لاگو، سیاح کیا کہتے ہیں؟
دی فائنانشل ٹائمز نے اپنے قارئین کو اپنے ایک حالیہ مضمون جس کا عنوان ’2025 میں 50 چھٹیاں‘ میں ستمبر کے مہینے میں پہاڑوں میں ٹریکنگ کے لیے شمالی پاکستان کا دورہ کرنے کی سفارش کی ہے۔
’شمالی پاکستان دنیا کے کچھ ڈرامائی پہاڑی مناظر اور سیکیورٹی کی بہتر صورتحال، آسان رسائی اور رہائش کے بہتر آپشنز کا مطلب ہے کہ زیادہ سیاح اسے دریافت کر رہے ہیں۔‘
مزید پڑھیں:گلگت بلتستان میں سرمائی سیاحت کا آغاز، پہلے چینی وفد کی ہنزہ آمد
فائنانشل ٹائمز میں گزشتہ ہفتہ کو شائع ہونے والی رپورٹ میں بتایا گیا کہ پاکستان نے اگست 2024 میں 120 سے زائد ممالک کے شہریوں کے لیے آن لائن مفت ویزوں کی پیشکش شروع کی تھی اور اب اسکردو اور گلگت کے لیے پروازوں کی تعداد میں اضافہ ہو رہا ہے۔
’وائلڈ فرنٹیئرز، جس نے 1998 میں پاکستان کے سیاحتی دوروں کی پیشکش شروع کی تھی، ایک 14 روزہ گروپ ٹور چلا رہی ہے جو اس خطے کی ثقافت، تاریخ اور مناظر میں کھونے کا سنہرا موقع فراہم کرتا ہے، اور اس میں 6 دن کی ٹریکنگ بھی شامل ہے۔‘
مزید پڑھیں: گلگت بلتستان کے سیاحتی مقامات میں ہوٹل انڈسٹری کو کن مشکلات کا سامنا ہے؟
اخبار فائنانشل ٹائمز کی مذکورہ فہرست میں جن دیگر مقامات کا تذکرہ کیا گیا ہے ان میں ہندوستان کا کماون ہمالیہ، اٹلی کا آئشیا جزیرہ، بھوٹان اور گرین لینڈ شامل ہیں۔
سرکاری نشریاتی ادارے ریڈیو پاکستان نے کہا کہ یہ اعزاز پاکستان کے اپنے متنوع سیاحتی پیشکشوں کو فروغ دینے کے عزم کا ثبوت ہے۔
مزید پڑھیں:گلگت بلتستان: گلیشیئر پگھلنے سے سیلاب کا خطرہ، محکمہ موسمیات نے الرٹ جاری کردیا
’جب ملک بنیادی ڈھانچے کو بہتر بنا رہا ہے اور سفر کو آسان بنا رہا ہے، یہ 2025 اور اس کے بعد ایڈونچر اور ثقافتی سیاحت کے لیے ایک اہم مقام بننے کے لیے تیار ہے۔‘
رواں ماہ کے اوائل میں، امریکی براڈکاسٹر سی این این نے 2025 میں دورہ کرنے کے قابل 25 سیاحتی مقامات کی نشاندہی کرتے ہوئے ایک فہرست مرتب کی تھی، جس میں گلگت بلتستان کو بھی شامل کیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیتابھ بچن جیا بچن ریکھا.
ذریعہ
ذریعہ: WE News
کلیدی لفظ: امیتابھ بچن جیا بچن ریکھا شمالی پاکستان گلگت بلتستان مزید پڑھیں کے لیے
پڑھیں:
مسجد اقصیٰ کی حیثیت تبدیل کرنے کی ہر کوشش مسترد، 8 اسلامی ممالک کا اسرائیل کو فوری انتباہ
پاکستان سمیت 8 عرب اور اسلامی ممالک کے وزرائے خارجہ نے مسجد اقصیٰ اور الحرم الشریف میں اسرائیلی اشتعال انگیز اقدامات کی شدید مذمت کرتے ہوئے انہیں بین الاقوامی قانون اور اقوام متحدہ کی قراردادوں کی صریح خلاف ورزی قرار دیا ہے۔ مشترکہ اعلامیے میں اسرائیل سے فوری طور پر ان اقدامات کو روکنے اور عالمی برادری سے مؤثر کردار ادا کرنے کا مطالبہ کیا گیا ہے۔
پاکستان، مصر، ترکیہ، انڈونیشیا، اردن، قطر، سعودی عرب اور متحدہ عرب امارات کے وزرائے خارجہ نے مسجد اقصیٰ (الحرم الشریف) میں اسرائیل کی حالیہ اشتعال انگیزی اور کشیدگی میں اضافے کی شدید ترین الفاظ میں مذمت کرتے ہوئے کہا ہے کہ یہ اقدامات بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
پاکستان کے دفتر خارجہ کی جانب سے جاری مشترکہ اعلامیے میں کہا گیا کہ اسرائیلی فورسز کی سرپرستی میں انتہا پسند اسرائیلی وزراء کی قیادت میں یہودی آبادکاروں کی مسلسل اجتماعی دراندازی، مسجد اقصیٰ کے صحن میں اسرائیلی پرچم لہرانا، اسرائیلی پولیس کی جانب سے دو خیمے نصب کرنا اور دیگر اشتعال انگیز اقدامات نہایت خطرناک اور ناقابل قبول ہیں۔
وزرائے خارجہ نے اسرائیلی انتہا پسند وزراء اور گروہوں کی جانب سے اشتعال انگیزی، مسجد اقصیٰ میں دراندازی پر اکسانے اور تشدد پر مبنی بیانات کی بھی شدید مذمت کی۔ اعلامیے میں خبردار کیا گیا کہ ایسے اقدامات نفرت اور انتہا پسندی کو فروغ دیتے ہیں اور دو ریاستی حل کی بنیاد پر منصفانہ اور پائیدار امن کی کوششوں کو نقصان پہنچاتے ہیں۔
مشترکہ اعلامیے میں کہا گیا کہ یروشلم کے قدیم شہر اور اس کے مذہبی مقامات تک رسائی پر پابندیاں، خصوصاً مسلمانوں اور دیگر عبادت گزاروں کے ساتھ امتیازی سلوک، بین الاقوامی قانون اور بین الاقوامی انسانی قانون کی سنگین خلاف ورزی ہے۔ یہ اقدامات مقدس مقامات کی تاریخی اور قانونی حیثیت کو تبدیل کرنے کی ایک غیرقانونی کوشش ہیں۔
وزرائے خارجہ نے واضح کیا کہ اسرائیل کو مقبوضہ یروشلم یا وہاں موجود اسلامی اور مسیحی مقدس مقامات پر کسی قسم کی خودمختاری حاصل نہیں۔
اعلامیے میں مزید کہا گیا کہ اسرائیل بطور قابض طاقت مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے کے لیے منظم اقدامات کر رہا ہے، جو اسلامی اور مسیحی مقدس مقامات کے تقدس اور حیثیت کو نقصان پہنچانے کے مترادف ہیں۔
آٹھوں ممالک نے یروشلم اور اس کے اسلامی و مسیحی مقدس مقامات کی تاریخی اور قانونی حیثیت میں کسی بھی قسم کی تبدیلی کی کوشش کو دوٹوک انداز میں مسترد کرتے ہوئے اس حیثیت کے تحفظ پر زور دیا۔ اعلامیے میں مقدس مقامات کی نگرانی کے حوالے سے ہاشمی سرپرستی کے خصوصی کردار کو بھی تسلیم کیا گیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35 ایکڑ) رقبہ صرف مسلمانوں کی عبادت گاہ ہے۔ مزید کہا گیا کہ اردن کی وزارت اوقاف و اسلامی امور کے ماتحت یروشلم اوقاف اور مسجد اقصیٰ امور کا محکمہ ہی وہ واحد قانونی ادارہ ہے جو مسجد اقصیٰ کے انتظام و انصرام اور وہاں داخلے کے معاملات کا مجاز ہے۔
وزرائے خارجہ نے اسرائیل سے مطالبہ کیا کہ وہ بطور قابض طاقت فوری طور پر یروشلم کے قدیم شہر میں عائد تمام پابندیاں ختم کرے، مسجد اقصیٰ میں مسلمانوں کی عبادت میں رکاوٹ ڈالنے سے باز آئے اور مقدس مقامات کے تقدس کا احترام کرے۔
مشترکہ اعلامیے میں عالمی برادری سے بھی مطالبہ کیا گیا کہ وہ اسرائیل کو یروشلم میں اسلامی اور مسیحی مقدس مقامات کے خلاف جاری غیرقانونی اقدامات اور خلاف ورزیوں سے باز رکھنے کے لیے واضح، مضبوط اور مؤثر موقف اختیار کرے، تاکہ مقدس مقامات کی حرمت اور تاریخی حیثیت کا تحفظ یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع