مقبول کامیڈین کے ’’کپل شرما شو‘‘ چھوڑنے پر ارچنا پورن سنگھ کا ردعمل سامنے آگیا
اشاعت کی تاریخ: 5th, September 2025 GMT
کپل شرما شو کے مقبول کامیڈین کیکو شردھا کے پروگرام چھوڑنے کی افواہوں نے شائقین کو حیران کردیا تھا، خاص طور پر اس وقت جب سوشل میڈیا پر ان کے اور کرشنا ابھیشیک کے درمیان جھگڑے کی ویڈیو تیزی سے وائرل ہوئی۔
پاپارازی وائرل بھایانی نے اپنے انسٹاگرام اکاؤنٹ پر دعویٰ کیا تھا کہ کیکو شردھا نے پروگرام چھوڑ دیا ہے۔ ان کے مطابق حالیہ جھگڑے کے بعد یہ فیصلہ سامنے آیا۔ تاہم اس حوالے سے پروگرام کی جج ارچنا پورن سنگھ نے سچائی بیان کرتے ہوئے افواہوں کی سختی سے تردید کی ہے۔
View this post on InstagramA post shared by Viral Bhayani (@viralbhayani)
ارچنا نے کہا ’’ہہ بالکل جھوٹ ہے۔ کیکو شو نہیں چھوڑ رہے، آپ انہیں آنے والی اقساط میں بھی دیکھیں گے۔ انہوں نے شو کے کچھ حصے کی ریکارڈنگ مکمل کر لی ہے اور اب وہ اپنا اگلا پروجیکٹ شروع کرنے جا رہے ہیں۔ کیکو ابھی بھی ’دی گریٹ انڈین کپل شو‘ کا حصہ ہیں۔‘‘
وائرل بھایانی نے اپنی پوسٹ میں یہ بھی ذکر کیا تھا کہ کیکو شردھا کو ایک نئے رئیلٹی شو ’رائز اینڈ فال‘ کےلیے سائن کیا گیا ہے، جو ایمیزون ایم ایکس پلیئر پر نشر ہوگا، جبکہ کپل کا شو نیٹ فلکس پر دکھایا جاتا ہے۔ یہ شو اشنیئر گروور کی میزبانی میں پیش کیا جائے گا۔
دوسری جانب سوشل میڈیا پر وائرل ہونے والی ویڈیو میں کیکو اور کرشنا کے درمیان لفظی تکرار دکھائی گئی، جس میں دونوں ایک دوسرے کو وضاحتیں دیتے نظر آئے۔ تاہم دونوں فنکاروں نے سرعام اس جھگڑے پر کوئی تبصرہ نہیں کیا۔
کیکو شردھا کے شو چھوڑنے کی خبر محض افواہ ہے، جسے ارچنا پورن سنگھ نے صاف الفاظ میں رد کر دیا ہے۔
.
ذریعہ
ذریعہ: Express News
پڑھیں:
کراچی؛ موٹر سائیکل سوار نوجوان کی خاتون سے نازیبا حرکت، ویڈیو سامنے آگئی
کراچی:کراچی میں خاتون سے نازیبا حرکت کا ایک اور واقعہ سامنے آگیا جس کی سی سی ٹی وی فوٹیج بھی سامنے آگئی۔
خاتون سے نازیبا حرکت کا واقعہ اورنگی ٹاؤن سیکٹر ساڑھے گیارہ چشتی نگر شاہد پکوان کے سامنے والی گلی میں پیش آیا۔
سی سی ٹی وی فوٹیج میں دیکھا گیا کہ موٹر سائیکل پر سوار نوجوان گلی سے گزرتے وقت خاتون کو دیکھ کر موٹر سائیکل واپس موڑ لیتا ہے۔
موٹر سائیکل سوار نوجوان چلتی بائیک پر خاتون کے ساتھ نازیبا حرکت کرتے ہوئے فرار ہو جاتا ہے، متاثرہ خاتون فوری گلی سے باہر نکل جاتی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع